皇仁 喇沙 點選

ohnono

兩間學校在學術方面都差不多。入是但一間都好好。
相反我會從交通、與小學的從屬性、宗教呢幾方面去考慮。

ohnono

Fong23fong 發表於 12-2-6 16:01
Do QC Has special training to its maths Talents? Do QC's students need 補習?

係QC真係唔好諗學校會比到乜野野比你，全部以學生為主導。有興趣的話，4月可以去睇睇佢地個開放日就知。
睇完你會好放心交個小朋友比佢！

至於補習呢方面，真係好睇個人。有人追求更上一層樓，有人追求享受那種多姿多彩的校園生活。總之佢地都會忙個不停，忙個不亦樂乎。

ohnono

Fong23fong 發表於 12-2-6 23:11
回復 ohnono 的帖子

其實你是不是QC家長?

我不是QC家長，我只係QC裡其中一個小朋友的家長！
唔好誤會，我不是說QC裡的老師比唔到乜野我地d小朋友，其實佢地都係一個老師，跟其他學校的沒有兩樣，教育局規定的課程範圍，佢地一定會比到你，課外野，始終都係靠自己，偏偏這些課外的東西又最能幫助你去理解和答題。

狀唔狀元，其實好睇個學習環境，換轉唔係QC，去第二間學校都可以。只不過個問題係你收唔收到咁多尖子，將佢地集中在一起。係呢d學校讀書，你最容易感覺自己好矮，自己唔夠人高，呢種情況就係我地成日講一山還有一山高。其實而家隨著地區名校的出現，全港的狀元人數亦愈來愈多，就係這個道理。

所以我地睇QC唔好睇佢d狀元，係睇佢地讀書氣氛，有咁讀書氣氛當然事半功倍。冇都唔緊要，因為最緊要都係靠自己，學懂爬山，就能夠愈爬愈高。相反我睇QC係喜歡佢地那種以學生為主導的傳統。參觀佢地今年在4月20日和21日舉行的150周年開放日，親身感受下呢種氣氛，唔好未入就成日諗住補習，或者第日佢地d潛能一爆發就不得了。

ohnono

Fong23fong 發表於 12-2-7 15:29
回復 ohnono 的帖子

可不可以這樣說：皇仁其實提供的，包括師資、活動等，和其他一般中學沒多大分別，分別 ...

我覺得學習氣氛或學生之間的良性競爭亦唔係皇仁尊有，其他學校一樣有。
若果講教答題技巧，皇仁點會及得上坊間的甚麼英X教育、現X教育等等這些專為考試而設的教學機構。
若以成績論，香港都有好多好好學校，皇仁只是其中一間而矣。但選學校還得考慮其他因素，例如傳統、校風、交通、校舍等等。所以最好就是去參觀下佢地個開放日，睇下有乜野心水。我自己在皇仁的開放日中，若單看校舍，我就十分唔喜歡，又舊，又污糟，因為有個草地，又適逢上年自行收生面試當日，下著微微細雨，我地在等候時間有同學導賞，d泥印來印去，又多蚊，又冇足球場，又冇泳池等等的設備。正在另作他想的時候，哈！點知我最唔鐘意的就是我小朋友最喜歡的。我小朋友就最鐘意佢係個籃球場兩面掛起圍網，等佢地午飯時、放學後可以係學校內踢西瓜波，香港都冇乜邊間學校會比同學在校內踢波，咁當然除左有足球場d學校啦。

ohnono

Fong23fong 發表於 12-2-7 18:13
首先好多謝你的回覆。

根據你所說的，皇仁有的，很多學校都有，沒有的和吸引你的，郤是"哈！點知我最唔鐘 ...

之前都有提及的歷史傳統、校風和交通。歷史傳統我知的不多，還是留待兒子去發掘和感受。我倒喜歡他的自由、學生主導的校風。還記得上年參與導賞團時還被那位同學的自信心、精彩並熟練的演譯和那鬆容不迫的態度深深地吸引著！上年考慮的時候，我還會考慮今年是皇仁150周年，如果小朋友能有幸參與其中，確實係難能可貴的。我記得我在預先寫好的叩門信中，也以此作為題材，僥倖地這封信沒有用得著。

ohnono

Fong23fong 發表於 12-2-13 11:24
咁即係話QC無提供奧數或其他方面的訓練，所謂佢好自由，即係樣樣都靠自己，當然除了學校一般的教學工作啦 ...

皇仁係有參與香港政府的資優生計劃，這個計劃專們提供額外的訓練給在特定方面有才華的同學。試看看每年香港派隊出外參與國際性的數學比賽都可以獲取優良成績。如果你的小朋友在數學方面有興趣的話，皇仁還有個數學學會，總會有適合你的東西。

其次我們對於學校的好與壞總不能這麼狹隘。除了看好成績，我們還得看學校對於同學的心智發育培育、個人的價值觀、對社會事物的看法、同學間的友情、信心的培育等等這些沒有教局的課程規限的東西，確實每間學校都各有特色，沒有好與壞，只有喜歡與不喜歡。

每年的升中派位，每間官津學校所能揀選的只有在自行收生時的約全級學生的3成都唔夠半數，其餘全部大抽獎派入，唔知點解樓主會有band 1學校全收band 3學生這個咁激的想法呢！

ohnono

Fong23fong 發表於 12-2-13 14:11
回復 ohnono 的帖子

你說的政府資優計劃等，正正又不是個別學校提供的，是政府啊!

每年的香港的奧數代表團就是從這個資優計劃中培養出來，成員不單來自皇仁，還有喇沙、聖若瑟等學校，呢個係給對奧數好有興趣和天份的同學的出路。點解一定要學校辦呢，唔通樓主認為奧數對一間學校好重要！

我絕對同意同學不一定要進最top的學校。但如果有能力，加上幸運的話，入最top的學校當然高興。但作為家長的我們，應該明白最重要是合適的配對。如果兒子只有band 3能力但入了band 1中學，不但不值得高興，呢個隨時係惡夢的開始。倒不如自己勤力些。我舉個例，將軍澳的鳴遠，一間band 3學校，末代會考當中偏偏就有一個5A的同學。咁我地做乜重要追求band 1學校去收band 3同學呢。記得羅范椒芬在DBS一個升學講座裡都有談到433的一個理論：4成靠自己，3成是家庭的支援，最後3成才是學校的因素，唔好將學校擺在第一位！

唔止中大、港大，外國好多大學都有設立獎學金吸納國內外的人才。香港每年亦有同學因為成績優異而被國外優秀大學取錄。

ohnono

Fong23fong 發表於 12-2-13 15:48
回復 ohnono 的帖子

我知你小朋友是皇仁仔，你無需要太緊張。我的原意是想問有否什么訓練，有否并不代表一 ...

我沒有緊張甚麼，相反我小朋友在裡面讀，我重覺得皇仁有甚麼大不了。你記得我講過，撇除他的學生，皇仁還不是一間普通中學。校長以至老師都是一些普通到極點的平凡人。我還是喜歡他的原因就只是他的校風，每間學校都有其獨特的校風。我這裡並不標榜皇仁的成績，講成績我反為處處頌揚將軍澳裡一所好唔起眼的鳴遠中學。

我從來冇講過其他學校有乜唔好，我揀學校時都係以Khmama的資料作參考，每一間喜歡的都會詳細考慮。我只認為揀學校不應只重視成績，交通、校風、配對都應一並考慮。老實說，我除了以上的考慮，我還會好小心將第一志願和第二志願的先後次序放好，抽獎時還得四處打聽、請教。

至於QC的惡夢每年都聽唔少，連在運動會後偷走的事件，都可在報章上找到。其餘偷野、打劫、非禮等等，你上網查查便知，沒有得隱瞞，還得慶幸是QC裡的同學、師生對佢地知錯能改的同學不離不棄。

ohnono

talent2000 發表於 12-2-13 20:28
QC有一样東東係別校没有的就是歷史背景。QC 係收一班極"不起眼"的优质学生，講一样野比大家笑下，St Paul C ...

QC的歷史換來的係一座座殘舊的校舍，本來就毫不起眼；相反他的背景換來的卻是沉重的包袱，所謂醜事傳千里，QC特別多。一舉一動都是傳媒的焦點，連一個九優學生攪甚麼網上團購，本來就沒甚麼樣的，但傳媒都大事報導。
你說到QC係收一班極不起眼的學生，我絕對同意。但是否優質，則見人見智，因為我相信，將勤還可補拙！要拖跨皇仁，我相信絕對唔會係皇仁的學生。

ohnono

講到校風，不得不提的就是有高班同學因在球場上不禮貌對低班同學，誰知第二天竟然主動去找低班的同學說對不起。

高班的同學雖有不對，但能主動作出補償，實屬難能可貴，並能對師弟作出好榜樣，讓初來報到的小師弟能真真正正飽嘗到何謂兄弟之情！希望小師弟能秉承這傳統，繼往開來！

ohnono

長生不老 發表於 12-3-9 01:03
羅太嘅433 , 我認為應該改為721 ,  7成靠學生 , 2成靠家長 , 1成靠學校 .

一上到中學，漸漸你就會發覺由433，可能會經歷721，由其是中一班的適應期，部份主科都會重覆小六時的課程。
跟住會變成64 - 6成學生，4成學校，家長的角色會慢慢淡出，相反取而代之係朋輩影響。

看來羅太一招433陣色，似是用來安撫一眾家長吧了。

ohnono

siuman1500 發表於 12-3-10 15:58
皇仁有相當良好嘅讀書氣氛, 同學有幸在電腦派位中被抽中的, 進入後發力趕上的亦不小 ...

玩的氣氛都好強烈！

ohnono

ohnono 發表於 12-3-10 19:12
玩的氣氛都好強烈！

最難就係要戰勝自己。

可能就係沈教授所講的第二點：「皇仁書院要繼續成為一個培養每個學生獨立思考，懂得自我發掘，自己學習，不是填鴨式，而是自學，過一個正直的人生。」

ohnono

VKwan 發表於 12-8-11 08:27
現已就讀直資小學,如不想失去升中保障，不可參加大抽獎，只可對ls. qc. 叩門。叩門入機會係咪好徵?



  ...

若想叩門皇仁，皇仁只會考慮在自行時有入表申請過的同學。無需進行筆試和面試，學校從申請人當中揀選，成功的會以電話通知。