頭痛中，請幫忙（港島東）！！

Band5

路過，對東區認識不多，只以簡單數字計算，希望幫樓主個大概。

以平均水準學校計，全級40人，B1可能係13人，第5名剛係B1A同B1B之間，假設B1A位剛夠全部B1A生，因自行只得30%位，所以正常情況下，有7成B1A生失望，邊緣人機會當然比第一二名又低一啲，冇課外活動又可能再差一啲，成功要多靠面試了！BPS和張祝珊都極受歡迎，自行不適宜抱太大期望！

不過，有聯繫有大機會入筲官，自行博一點也未必不可！

當然，不同小學會有所不同水平，說不定5/40在某些學校可以全港好Top，以上數據只屬參考！

Band5

原帖由 meimei342 於 14-02-02 發表
本帖最後由 meimei342 於 14-2-2 17:28 編輯

咁北角衞理同北角官立的banding分別大嗎？

到咗今日，已經唔係諗博唔博嘅時候，俾心機面試一定有機會的。

無論結果如何，抽獎時都要當兩間都唔掂作考慮！

Band5

原帖由 ha8mo 於 14-02-02 發表
山校唔係冇得面試咩?

到今日自行報名已成定局，冇得改。再擔心博唔博已冇意思！

BPS有得in就應該盡力。張祝珊唔使in，但唔一定冇機。疊埋心水等七月放榜！

到抽獎時係未知自結果，好好把握機會就係了！

Band5

原帖由 meimei342 於 14-02-02 發表
係呀，張祝山無得面試，以這個成績係不係機會等於零？
當初如果簡聖士提反女子會不會反而有啲機會？

BPS，張祝珊以至聖士提反女子都係1A學校，首先要知小朋友是否1A，即使係1A，都係得三成機會（自行得三成位），學校自然係揀1AA先喇！

但事到如今，諗返又有乜用呢？有得in就有機會翻生！都有1B生in入1A校（冇特異功能），反而好多1A嘅入唔到！

既然選擇咗進取，就要預計唔得，到抽獎時再小心揀！

Band5

原帖由 meimei342 於 14-02-03 發表
如果我抽獎排bps為第一，咁係不係同其他band1生同等機會去抽呀？

係！抽獎係所有B1一齊，大家機會相同。

有時有人有個錯覺，1A生會較多抽獎入B1A校，應該是因為部份1B或1C生較保守，不放1A校於第一志願！

部份B1學校扣門時check學生是否放該校第一志願，亦令部份B1B或B1C學生不敢第一志願放1A學校。

Band5

原帖由 meimei342 於 14-02-03 發表
出年仲有個細囡，希望係今次可以攞多啲經驗。
其實如果排第10，係不係無機會係1A呢？

其實如果排第10，係不係無機會係1A呢？.... 對這區小學認識唔多，老師應該較清楚，或其他網友可幫手。

一個簡單的估計係有幾多B1生，如果有90個，排第10有大機會係B1AA，入BPS，張祝珊機會較大。如果多過30個，第10都剛應算1A。

另外，可參考往年多少學生入BPS，張祝珊等同級學校作一比較。


1B可以入到1a,係不係夠進取呀？....可能面試表現好吧！自行大都進取，亦應有保險線，有人放在自行二，有人放在抽獎。應考慮抽獎機會同埋扣門有多大信心。

Band5

原帖由 meimei342 於 14-02-03 發表
過往紀錄：bps1個，張祝14個，中婦8個
其實如果排10名，會不會有機會入張祝。
...

你可以check埋有幾多係經自行入張祝珊。加埋抽獎，機會應該唔細！

Band5

原帖由 meimei342 於 14-02-03 發表
點樣可以ckeck到？

早排見有人po過條link，希望知道嘅幫下手！

Band5

原帖由 happy+ 於 14-02-04 發表
如果乙一派唔晒聯繫位，咁我填乙二仲有無機會？

聯繫位先分俾乙一聯繫生，再分俾乙一非聯繫生，如仲有剩，所有報乙二嘅一齊抽！

所以報乙二表示放棄聯繫位！

Band5

meimei342 發表於 14-2-5 17:58
我間學校派位入得最多，即係代表咩呢？運氣？

如果自行入得多，可以好多原因。派位入得多，多數係一個原因：間小學有最多B1生報呢間中學！
背後嘅原因可能係班學生特別鍾情呢間中學。

運氣嘅關係應該佔較少，因為或然率計算，多數唔相差得好遠。