給希望有意選擇聖嘉勒幼稚園家長的參巧資料

ruudi82

大家好, 小女由3年前考入聖嘉勒幼稚園到順利升上小學, 希望在此與有意報讀的家長分享一些大家想知道的事情:
關於求位信:
當年我女兒是直接收到REJ的, 但因為十分心儀此校, 我寫了一封求位信給校長, 重點說明女兒是天主教徙, 十分心儀此校, 希望在此校成長等等(用英文寫)。 最後, 我女得到一個學位。所以如果大家真的是很想入讀, 求位信是有用的..(但最近轉了校長, 可能要等上年的家長UPDATE)。

課程: 我兒子是讀要比錢的幼稚園(但不是名校, 只是地區私校不出名o個種), 在互相比較下, 課程上聖嘉勒是偏淺不小的, 所以我現在也有點擔心銜接小一問題...(不過老師話家長不用擔心)。我認為如只讀此幼稚園, 不外補, 考出面的直私校是比較困難的。

幼稚園比較著重小朋友禮貌/德行, 如果你們女兒坐唔定, 係會比老師罵的(我認為老師是嚴厲的)...(我見有d家長k2轉較大部份都係呢個原因)

小學大概收70-80%的學生, 未必一定收最醒的, 主要是收一些比較乖/合群/有禮貌的學生。 所以它不收的學生,有一類是好醒的..(但可能成日搶答問題或過於表現自己的), 這類學生, 反而亦有很大機會讀更好的直私。

如小學已收了幼稚園生, 有回條說是不可參加自行/統一派位的。有朋友說學校應不知道學生是否有參加過自行(我指自行失敗..自行成功你又去註冊就一定知), 但因不敢搏(我女自行只有15分), 所以我們是沒有參加自行同大抽獎的。

希望以上資料, 對一些感興趣的家長有幫助。 總結是我十分感謝此校當初收我女兒, 亦把她教導得很乖巧。

PS: 我再補充返小小面試情況啦, 當年係分兩PART, PART 1係小朋友同家長分開係間有玩具的/書之類的房到玩, 睇下小朋友同父母分開時的反應。 有些小朋友一分開就喊到癲, 我女就獨立地自己玩, 冇同其他人爭玩具。PART 2, 都係簡單地問下小朋友問題 (其實不太難), 但當問女兒顏色英文時, 佢係唔織答的。老師就教佢讀, 佢就跟住讀咁。完左後, 老師有問返佢有係其他地方讀N班, 點解D顏色會唔識讀架...我只能答可能未學到. (其實尋晚有溫過1次明明識..激死)。考完都打定輸數, 結果都真係REJ。我以都係寫封信的心態試下, 叫做唔得都盡左力...學校又好好咁比個學位我女, 所以大家好有興趣就不坊咩都試下啦)

ruudi82

kennethchen97 發表於 18-11-4 17:05
是否細B？

中B

ruudi82

maccy523 發表於 18-11-10 19:15
你最後有揀到St Clare嗎？

是的, 已取得St Clare 小一學位, 來年讀升小一。

因SC小學是英語教學, 學生操行良好, 其實唔太多直私比佢更好了, 所以都係報左3間 (St Paul Co Edu/DGS/德望), 都係以得就得/唔得就算的心態試下。

ruudi82

ma-mamamimi 發表於 18-11-13 16:10
回覆 ruudi82 的帖子

多謝你的分享。

如果只TARGET 升SC, 其實係唔需要外補的。因為競爭唔算好大，而且SC升小係唔考學術（校長講架）。
不過，因為SC小學係英小，我怕接唔上（因母語係英文）, 所以係有外補英文會話(即搵外國人同佢傾下）。另外，暑假有學下珠心算咁。

ruudi82

ma-mamamimi 發表於 18-11-15 12:12
回覆 ruudi82 的帖子

唔該曬。想問多少少老師們係咪都好有愛心及錫小朋友? 小朋友返學係咪都返得好開心?

愛心及錫小朋友 :  我諗唔係誇張地愛錫.....佢地D老師比較嚴的, 會罰小朋友企之類。睇你係邊類小朋友同邊類家長LOR...


有D小朋友, 真係唔適應, 會唔想返學。當然, 更多是老師建立到威嚴, 好似我個女咁, 係屋企做親壞事我一話告訴老師, 佢都驚驚地。 但去旅行時又好喜歡同老師一齊玩。


我諗情況係, D老師內心係有愛心及錫小朋友的...(如小朋友做錯野會同家長傾好耐, 聽聞傾到D家長喊) , 但表現出黎係嚴D LOR...(但起碼唔係HEA/ 專婽小朋友)


我自己認為OK 的

ruudi82

andyan324 發表於 18-11-25 15:20
thanks for sharing
想問下多小朋友係超大b嗎

中B

ruudi82

1093 發表於 18-12-2 17:17
本帖最後由 1093 於 18-12-2 17:19 編輯

謝謝你的資料

其實我阿女除左冇喊外, D問題都唔係好識答的, 見SC o個次應係咁多間in 得最差, 當然結果都真係reject左。o個時我抱住盡力一試心態, 好誠懇寫左封求位信..(佢係有信天主教,可能有加分都未定)。因o個時我地搬左黎港島, 得一間九龍禮賢收左, 其他冇幼稚園收, 於是係信中都講下真係好鍾意間學校, 冇港島學校收好傍"王" 咁, (當時用英文寫), 最後係有call 黎收返, 所以如果好心宜就寫埋信, 應該多少有些幫助的。

ruudi82

1093 發表於 18-12-6 18:10
請問有稚園上下晝班返幾點放幾點?謝謝

上午放12:00, 下午就不清楚了

ruudi82

Taiping2619 發表於 19-1-10 21:40
請問樓主當年咩月份收call ?

唔記了, 但應該係註冊日子後1-2天的, 收CALL 問我們讀唔讀, 我地開心答應後就當日下午(定第二日上午去註冊), 見到佢地D職員仲拎住張CALL LIST 去打CALL。
當時我女D問題 真係唔識答(..即係D黃色/綠色/圓形/正方形都UP 唔出), 好彩學校好好會睇求位信(拿真係唔係HEA 寫)。 先註冊左下午學位後,  我又再寫多封轉上午部信, 點知又得左。

當時阿女程度差, IN 左咁多間得禮賢收(仲要只係考唱歌)...其他(包括ST CLARE) 全部REJ

ruudi82

honeymelonkids 發表於 19-1-19 21:04
請問為什麼只想入直私？不考慮津校？

如果上帝話比我聽, 今次阿女一定派到入第一志願, 咁我一定選津校唔會考慮直私.
兩年前大仔領左野就 無謂再試多次

ruudi82

honeymelonkids 發表於 19-1-22 10:27
明白.... 我想試自行大抽獎，但聖嘉勒唔俾.. 所以要試就冇左back up

聖嘉勒係寫明唔比自行的:
但有以下兩點

1. 之前係有人試過收左位, 再參加自行的....

2. 我同幾位人兄研究過, 如參加自行, 除非你自行中獎並註冊, 否則SC 應該係唔知道的 (因為交表去自行學校, 應該唔到教育處---但我唔肯定, 你可以打去問下教育處/或主辦問下其他家長高手)

不過: 我今年係連自行都冇參加...因為只得15分, 如果20分我可能會考慮自行12網3間女校。

PS, 參加大抽獎, SC就肯定知, 教育處會通知學校, 有網友分享CASE 係SC收左, 又參加大抽獎派得唔好, 諗住去返SC註冊, 比學校通知學位已取消。

其實我覺得SC同12網3間女校比, 都係差唔多水平, 但12網女校中獎機會可能只有3成, 之後7成就要讀其他學校, 所以我唔敢同阿女賭大細。

ruudi82

回覆 mandycpm 的帖子

佢唔睇學術, 睇彩數啦...(教下佢禮貌/坐定定/唔喊) 都大機會收

ruudi82

lglp20131025 發表於 19-10-4 10:52
thanks for sharing, 請問st clare 係未全程都係小朋友入去見老師？ 定係一part係小朋友自己見，一part 係 ...

如家好似改左, 我個時係PART 1 小朋友自己入房玩玩具 PART 2係家長同小朋友一齊見老師。
我個時PART 2...個女係完全唔識答問題的, 連YELLOW AR/ 正方形英文都唔識答..(不過好彩係老師教佢, 佢肯跟老師答一次)

佢表現係咁多間最差的.....,而最後結果甚至唔係WAITING 係REJECT

咁我地天主教徒可能有加分, 寫完求位信後係有CALL打返比我地收返小女的