媬母車 - 歐陽叔叔電話

hinhin.mami

你地有無人知歐陽叔叔電話, 仲有兩日就開學尋日先比搭開o既媬母車司機通知話唔載, 呢次真係比佢玩死.

hinhin.mami

頭先搵o左歐陽叔叔佢有位可以載埋亞仔. 上車 7:10聖芳濟各上,放學就會直接同補習社聯絡係補習社樓下等, 價錢仲同李好姑娘一樣好彩都安排到,如果搵唔到真係有排煩.

頭先學校亞sir覆o左我佢話李姑娘聯絡過係因為地點問題唔經我果邊同埋架車細唔想載高年班學生. (原來我個仔2年班都叫高年班) 所以先至唔車我個仔.呢個人o既誠信真係好有問題law...同我講又話全部荔天生都唔車又話自己退休(其實我都唔知佢講"mug")同亞sir講又另一個理由, 總之全部都係藉口大話. 如果係唔想車咪早d同人講等我地自己再安排,唔好等到仲有三日就開學先同我講唔車仲要講埋晒d白痴大話, 如果佢仲係車荔天生你估我接仔時睇唔到咩佢都傻傻地.

雖然今次學校唔可以介入太多(因為始終係私營媬母車一切o既事與學校無關)但亞sir亦有幫我跟進事件所以係度都要讚o下趙sir多謝佢今次o既跟進.

hinhin.mami

試o下打去問o下law...李姑娘有得選擇載邊個, 家長亦都有權去揀坐邊架車, 如果時間唔啱咪繼續坐返佢架車law.

我頭先再打比歐陽叔叔果邊個跟車媬母話應該會係7:15-20分左右先啱因為佢仲有個學生係7:15係大快活. 歐陽叔叔架車話晒大小小又有媬母感覺安全d.我依家都係早10-15分鐘出門口都唔算係早好多. 我最怕佢聽日打黎話都係唔載我就真係唔知點算好law.

原帖由 嵐嵐mimi 於 10-8-30 15:38 發表



真係好啦.....終於搵到, 不過7:10 早過李姑娘架車, 我都想打俾歐陽叔叔問下, 始終佢架車有媬姆丫嘛, 不過就唔知上唔上我地石硤尾, 如果去我估可能都要 7 點上車丫..... ...

hinhin.mami

頭先我老公都係問我依個問題,我都唔知呀不過唔理o甘多lor. 我只係知佢肯定唔只軒軒一個荔天生, 因為軒軒表哥都係坐e架車. 我估你都唔會好貴因為我o甘遠都係同你加o左價之後o既價錢一樣. 你可能仲可以平d tim只不過時間就可能要早小小.

hinhin.mami

oh~~唔緊要啦...咪繼續坐李姑娘架車lor. 好彩佢我啱啱轉o左補習社如果唔係一樣同佢無緣坐唔到.

hinhin.mami

終於比我解開李姑娘唔載亞仔o既疑團 lu... 我尋日同o左個同站上車o既媽咪聯絡佢話李姑娘星期日同佢聯絡過問佢仲會唔會搭佢架車, 但個位家長因為daddy覺得佢架車唔係o甘安全為理由轉返搭校車所以同李姑娘講唔搭, 呢個媽咪同我傾完亦有同另一個又係同站上車o既家長聯絡李姑娘都係同佢講唔載所有荔天生又係搞到人地臨開學先黎搵校車. 我相信佢係因為佢巳經有新收o既學生坐位唔夠佢所以佢選擇cut o左我呢邊遠d條線o既學生唔載o甘佢就唔洗特登兜過黎用多d油錢. 其實佢老實d講同埋早d決定就唔洗搞到人地臨急先黎搵車又唔洗搞到不歡而散.

一直以黎亞仔都有講唔想坐佢架車明知佢架車無媬母跟車, 無安全帶, 車身又殘舊又成日遲到等等不足.....但礙於上落時間同地點o既關係所以無同佢轉車. 尋日我問軒軒點解唔想坐佢架車佢話: 李姑架車好熱好迫佢又成日講電話唔用 hand free 好危險,我問佢佢係咪同家長傾佢話都有不過好多時都係老公喎. 之前一直無同個仔正視過呢個問題只係同佢講李姑好錫你地有時都會車去麥當努or 街邊(買雞蛋仔)比錢叫小朋友包括我個仔在內落車買野比大家食 . 但尋日同我老公講佢話李姑傻o既咩比個一年班o既細路落車去買野食有無搞錯呀!你估佢同屋企人坐私家車呀! 依家佢坐緊媬母車係應該安全o甘送佢返企唔係同佢四圍去買野食. 原來我老公一直唔知呢件事. 可能佢仲好嬲佢尋日同李姑o既對話, 佢都未發惡李姑巳經起晒"鋼"仲仍然係講緊果個白痴大話之後仲比佢cup線 tim! 唉.......一切都算lor.... 軒軒原來最唔捨得o既就係嵐嵐佢話大家唔同車又唔同班見面同玩o既機會都會小o左.  呀...真係估佢唔到.

hinhin.mami

我仲以為你知 tim ?? 唔通佢只係叫我個仔去買無叫其他人 ?? 我之前都係亞仔懶叻o甘同我講話佢自己去麥當勞買野食我先知咋.
如果坐校車又太早,歐陽叔叔放學又唔經你屋企果頭無辦法底下我諗你仍然要接受lor... 如果要轉真係要諗清楚d呀.