- 在線時間
- 0 小時
- 最後登錄
- 25-8-21
- 國民生產力
- 0
- 附加生產力
- 4
- 貢獻生產力
- 0
- 註冊時間
- 25-8-21
- 閱讀權限
- 10
- 帖子
- 1
- 主題
- 1
- 精華
- 0
- 積分
- 5
- UID
- 3583931
|
仔仔自N班喺呢間學校讀左4年，即將畢業了，好想在此讚揚下呢間學校，亦推介俾同路人家長。
照顧方面
由於係幼兒園，很能照顧雙職家庭的需要。學校服務時間是8am開始，可以返工前放低小朋友，全日班放學時間係4:30pm, 但其延展服務可以托管到最遲7pm；幼兒園的學校假期比一般幼稚園少，暑假只有兩星期，聖誕/新年/復活假期亦大概一星期多，對我地呢D自己照顧，冇請姐姐嘅家庭實在好大幫忙。
雖然需要較長時間留在學校，但孩子會好喜歡校園生活，因為照顧周到之餘，亦會好好訓練佢地自理能力。學校會提供早、午餐同茶點，由廚師煮熱食，營養均衡又美味，每日都有湯飲，有時仲會煲糖水，每天有充足午睡；適時會教孩子用戒片、上廁所/自行清潔、用筷子，自己裝飯，收拾用具，更會教K2-K3協助照顧年紀小的幼兒，而在延展時段，很多混齡學習的機會，例如會和小朋友一起包雲吞、整曲奇、包端午糭、做手工等等，令孩子每天都很喜歡返學，也和不同年級同學相處融洽。
老師老好有愛心，很主動同家長溝通孩子各方面的成長與學習。
學習方面
呢間學校的一大優勢，就是安排非常豐富的戶外學習體驗，讓小孩不單困在課室/看螢幕，能衝出校園學習。參觀消防局、郵局、博物館；一起入電影院看玩轉腦朋友，學習情緒；去酒樓飲茶，學習不挑食；自己帶硬幣去超市同維園超市，學習購物同理財；去探訪老人院，之前自己預備禮物等。
老師們都很厲害，大部分戶外學習體驗都是帶小孩乘坐交通工具，培育小朋友耐性，例如：坐天星小輪、坐巴士去石澳玩沙，一齊野餐；K3更會由杏花邨搭地鐵入機場認識設施，自己俾錢收銀員自己拿午膳。最特別是每年新年都會安排各班在上課時間到一位小朋友屋企拜年，學習節日禮儀。
學校很能配合孩子嘅發展階段去設計課程，不會超前學習，讓孩子真正擁有快樂童年。N班同K1會主力訓練其言語、認知、自理、大小肌肉、社交等等，K2才開始執筆寫字，到K3會加強訓練，所以能力上升小都不會遜色。例如K3於8月中暑假完結後，仍然可以返幼兒園，特意安排小一適應的活動，模擬上小息、跟小學功課模式、學習抄手冊等，可見老師會悉心為幼兒升小做好準備。
學校編制上冇外籍老師，但自上年開始額外安排外籍老師每日駐場同各級上英文課，以加強英文語境；而路德會轄下的香港國際學校學生亦會偶爾到校同小朋友交流。（個人意見：英文可以在出面學，因為市面上好的英文班有很多，但小朋友每日身處的校園環境配套／貼心照顧是無可取代的，所以當年自己沒有選擇其他有native speaker的幼稚園）
另外，由於是基督教學校，亦重視宗教教育，例如會講宗教故事，聖經道理；每天都有早會，孩子會說出代禱事項，學習從小為別人/社會發生的事祈禱。
親子活動
學校重視家校合作，所以親子活動都十分豐富，幾乎每年有4, 5個戶外親子活動，小旅行/Disney/海洋公園/睇戲/郊外園地/參觀小學/孩子表演/路德會聯校活動 etc...這些都是我們一班家長感到很珍惜的時光，呢D地方雖然可以自己帶小朋友去, 但能夠於活動中觀察孩子與朋輩互動是很難得。
支援服務
有延展、暫托服務，到校學前支援服務(SEN支援)、駐校社工，都係十分重要。因為兩歲前如果有咩發展障礙家長自己未必懂／觀察到，到入學後如果有專業人士協助評估，及早介入，能喺黃金時期安排到校培訓，會好幫到小朋友嘅成長。相對而言，私校喺呢方面嘅支援就會少(或者無)。
校園環境
學校有獨立樓舍，樓底高，而不是在住宅／工商大廈底，通風同衛生都相對理想；更有一個好大嘅露天操場，天氣宜人時，會俾小朋友出去做大肌肉活動，踩下車同跑動，可以多曬太陽同放電。我覺得每日身處嘅環境對小朋友健康同建立抵抗力好重要，情緒都會穩定D, 所以都係一個重要選校因素。
＊＊＊
呢間絕對唔係一D 培訓高學術、谷小朋友超前學習、參加比賽拿獎狀或在高競爭環境下成長的學校，所以我說寫俾「同路人」。如果有「同路人」喜歡孩子有較多生活體驗、德育培養、自理能力訓練、家庭需要學校同行配合照顧，但又願意花時間參與親子活動，可以推介俾你 
|
|
發表於 