關於差生如何逆襲的問題

Googlehill

實踐咗大半年，無論派位，補習，抑或假期規劃。都暫時睇不出明顯成效。但反思咗少少：
1. 家長心態，有時候不可以攀比，有D家長幼稚園就開始陪讀英文，小學畢業就可以有高中英文水平，所以B3生入B1學校難跟上，試問自己作為家長當年毫無付出，為何卻反爾要求兒女追上？
2. 人生係長跑，學習是一輩子的事情，需要時間去開竅。EK好多優秀生家長其實係以閱讀派為主，閱讀派講究長時間積累，講究小朋友自己閱讀自發學習。而平時考試成績講究是根據考試大綱的記憶能力展示，考差咗，同學之間會比較，會影響信心。所以閱讀派和溫書操卷派之間，需要有平衡。
3.細節，B3同B2可能學業差別就半年，B3同B1生，按一年3000小時學習量計算，學業差別有可能係1年半，如果不留級想追上至中上水平，則，需要每年多30%時間持續付出，才有機會2年追上。但其實理論上，人人都有機會逆襲。
4.教育最難係去教下一代的自主自律自學能力。目前，學校暫時沒做到這一點。最重要的CES课程（citizenship,economic,society)系一个摆设。這個有可能係小朋友太小不明，要想辦法全靠家長去教，才有機會。

Googlehill

另外，B3學生去讀B1太辛苦了，最佳路徑應該去讀B2A或B2B，並且進一步兩年後讀入B2A或B2B的精英班

pccw2017

Googlehill 發表於 25-9-21 11:18
實踐咗大半年，無論派位，補習，抑或假期規劃。都暫時睇不出明顯成效。但反思咗少少：
1. 家長心態，有時候 ...

呢個世界無話差生唔差生, 只有適合唔適合. 有人天生記憶力好, 有人藝術天份高, 有人運動出色. 讀書都唔係全部.
讀書都要講方法. 大部分成績好的學生多數會預習, 上完堂返屋企會重溫一次當天的課題以增強記憶.

至於記憶方法都有幾種. 只要嘗試不同的方法搵到適合自己的就得. 當然最重要係令同學對個科有興趣, 有興趣的科目成績自然唔會差得去邊.

至於閱讀我覺得係興趣, 擴大自己的知識面同學校考試無關. 不過閱讀點都會提升同學的中英文水平.

Googlehill

pccw2017 發表於 25-9-21 12:39
呢個世界無話差生唔差生, 只有適合唔適合. 有人天生記憶力好, 有人藝術天份高, 有人運動出色. 讀書都唔係全 ...

會主動溫書或預習的學生已經是最top了。大部分平凡普通的小朋友只會覺得讀書辛苦，也不明白為什麼要讀書學習。知道要讀書的小朋友，心智已經成熟（開竅），基本上已經自動發展。
只要知道讀書的責任或收益，基本上就會主動搜索學習效率的技能，例如，記憶类有快速記憶法，有記憶宮殿法。溫書类，有 peak end 記憶心理學法，有 費曼 學習實踐法。如果追求效率，還有time management.總之，學習猶如武林練武，學習動力是道，方法技巧是術。

最近看咗一個EK eviepa前輩的優秀教女經歷、發現家長要從頭學好多嘢，最重要是需要心態好，持續的默默付出，只能慢慢等小朋友開竅，覺醒她的能力。但提供學習的大環境（擇校，補課）係家長目前唯一可以幫到小朋友的一小部分。

pccw2017

Googlehill 發表於 25-9-21 14:40
會主動溫書或預習的學生已經是最top了。大部分平凡普通的小朋友只會覺得讀書辛苦，也不明白為什麼要讀書學 ...

這都是要從幼稚園便開始培養的.

Googlehill

pccw2017 發表於 25-9-21 16:10
這都是要從幼稚園便開始培養的.

所以，培養要趁早，培養能力和習慣相比敦促知識記憶和考好分數更重要。但話說回來，人平均壽命假如70歲，15歲覺醒了，後來依然可以追上趕上時代。只不過，越到後期，家長要付出的時間越緊迫，所以就越容易焦慮。這就是本人的教訓…當年小學4年級貪玩我數學倒數，後來偶然睇一本書增加數學興趣，過幾年高中會提前一年自學而變左級頭，數學第一。放在現在年代競爭太激烈，反爾可能沒這幸運。

Googlehill

另外，有老師講過：「小朋友的英文成績,係用來篩選家長規劃能力的，小朋友的數學成績是用來篩選學生的思維習慣和思維能力的。」係有點道理。