升中自行選校求教

babyaustin

升中自行選校求教!
阿仔深水埗區讀2-3線小學，由P.1開始每次考試都一直保持級一，資優學苑生，數學比較好，老師話佢穩B1，但佢講野唔叻會緊張，怕佢面試唔得，自1想試九華，自2都打算跨區油尖旺，想請問大家意見，自2油尖旺區有咩好選擇?
請教下去自行面試時仍要準備profolio嗎?因為填表時已經交左，到時去IN只帶證書正本就得?要準備COPY嗎?同想請教自行面試係著小學校服定自己衫先岩?
THANKS.

Googlehill

可以先去几間直資面試,積累經驗值，練手鍊熟，然後再真正發力自行1，自行2

tiffanysiuyu

級一 機會好大 唔使擔心

gracelam

babyaustin 發表於 25-11-23 11:52
升中自行選校求教!
阿仔深水埗區讀2-3線小學，由P.1開始每次考試都一直保持級一，資優學苑生，數學比較好， ...

試吓港島St Jo ／港華／英皇

報直資英華／SPC練習一下interview

babyaustin

回覆 tiffanysiuyu 的帖子

多謝鼓勵，不過我地學校早2年，級2去考都唔收

babyaustin

回覆 gracelam 的帖子

多謝建議，英華報左喇，不過都係想選番比較近深水埗區

mimwing

自行專收玩運動加成績叻，唔收唔出奇，始終太多選擇，大把好學校。。。

elbar

babyaustin 發表於 25-11-23 11:52
升中自行選校求教!
阿仔深水埗區讀2-3線小學，由P.1開始每次考試都一直保持級一，資優學苑生，數學比較好， ...

或許自2 伊利沙伯 / 林護 / 沙崇

Derek118

級一好多選擇，可以考慮埋荃官。另外英文會話好嘅話，會對面試有極大幫助。

babyaustin

回覆 elbar 的帖子

多謝提議，不過自2選呢D會唔會浪費左個機會? 因為佢只係2-3線小學的級一咋，我想穩陣D自行收工

babyaustin

回覆 Derek118 的帖子

但佢講野唔叻會好易緊張，面試預佢唔會高分

worldcat

如果你都話小朋友唔鍾意講嘢，自行除非揀低大半至一個band，否則1A-1B都無話大機會正取。就算後補都係要驚到尾。

不如報幾間直資考下，練下面試仲實際。英華 匯基東 顏寶鈴 培橋 基崇，主要練大個膽先。

真係唔想煩咪聖芳濟，你哋過到心理個關就得。

babyaustin

回覆 worldcat 的帖子

多謝你非常有用嘅意見，老師都有建議自2聖芳濟，我網上睇佢都1B，好易入?我地小學舊年師兄級10內，都真係自2入左

worldcat

回覆 babyaustin 的帖子

聖芳濟穩1C，332A 88% 但jupas 入大只有66%, 相信一部分真係只係332A。
俾著我級一，真係試埋大抽奬先，唔會自行就落閘，唔得扣返1C平學校都大機會。
如果去直資李國寶 基崇 （以深水埗附近計），保持到成績隨時6年拎埋船。

最後就係，唔洗一定深水埗附近，中學大個仔，全程30-45分鐘路程都應該會接受，有時佢哋仲覺得係學校屋企以外嘅me time。

babyaustin

回覆 worldcat 的帖子

嘩，真係好感激你分享，我得1個仔，平時自己要番工，真係冇咁多時間搵資料，亦都真係唔識d中學，連深水埗區自己住都唔熟，因為只搬黎幾年，332A 都唔識係咩，所以十分多謝你。

小兒話級一，但始終學校唔係勁，睇埋RO我相信佢都唔係好叻，所以1C中學我接受架，請問聖芳濟之外重有咩學校建議呀?因為有讀緊嘅師兄媽媽分享，聖芳濟都好谷好多功課的，10月先有學生跳樓，我未必考慮。

LeeCC

自二考慮銘賢？

babyaustin

回覆 LeeCC 的帖子

多謝建議，不過40網B1男仔選擇少，所以自行想試跨區油尖旺，打算唔得番去抽獎先選

Derek118

要穩陣的話，自二善德或者安柱都應該冇問題吧。

elbar

babyaustin 發表於 25-11-24 11:46
回覆 elbar 的帖子

多謝提議，不過自2選呢D會唔會浪費左個機會? 因為佢只係2-3線小學的級一咋，我想穩陣D ...

應該唔會