想請教有無人係帶20萬左右申請Bno visa 5+1係成功左？

tongling

想請教有無人係帶20萬左右一家三口申請Bno visa 5+1係成功左？
同埋想請教如果真係申請失敗醫療費用個部份可退款嗎？

anitawong21

tongling 發表於 25-8-29 21:49
想請教有無人係帶20萬左右一家三口申請Bno visa 5+1係成功左？
同埋想請教如果真係申請失敗醫療費用個部份 ...

哩度係講外國升學＇你應該去Facebook 嗰D居苵群組問，不過我都俾小小議建你。

你交嘅財力證明數字係要反映到足夠全家響英國生活半年。如果三人家庭申請，我覺得廿萬有機會ok嘅！只要你報嗰陣唔好揀倫敦。揀D區平均每月屋租唔好超過£1500，計埋其他開支，就當係每月£1000先，咁每月總生活費用£2500，乘6之後係£15000。另外，假設你個小朋友年紀仲係中小學生．嚟到係(emoji)讀state school唔需要交學費，咁賬面嚟講廿萬港幣照計係過到申請要求！

月租£1500其實係個極限，撇除半年租金£15000仲有£5000旁身，其實得返好少。不過你哋三個人住一定要找兩房或以上單位，兩房單位應該可以平D，你可以去Rightmove睇睇你想落腳地區，2 bedroom 平均月租大約幾多，再去群組問吓人哋三口家庭每月生活開支。你可以用哩D參考資料做一個半年在英生活開支預算，響Rightmove cap幾個2房招租廣告貼上去解釋你嘅房屋支出預算來源，總之最後計出嗰半年生活開支，係要讓移民官覺得係合理，又唔會超過你bank statement 上面嗰廿萬，仲會有少少剩返！當你申請嗰陣，冇記錯嘅話Financial supports 嗰度應該可以upload最多三個file，如果你一份銀行月結單已經show 到嗰廿萬，咁你仲有位可以upload埋自己做個份半年生活預算案上去。

但批還批，現實係當你哋嚟到英國就變咗白紙一張，要知道響英國租屋係要有工作兼有良好英國信貸紀錄，初初到埗冇老闆證明你人品，又冇英國credit score，晤係咁容易租到屋，你極有可能要預繳一年租金先有機會租到屋，仲有俾按金、新屋入伙要搞燈油火蠟council tax及電視牌，淨係哩度已經足夠燒哂你嗰廿萬，都仲未計機票、申請費用及船運等開支。

當然，你仲可以揀更平嘅地區。。不過唔想自找麻煩的話，奉勸你唔好搵D屋租太過平嘅地方，因為平均租金係可以反映到當區居民嘅質素。但可以的話都係帶多少少穩陣D，個心會定D，同家人相處又會融洽D