Kings藝術體操 三思

Soso7676

話說我囡囡7歲對體操有啲興趣，咁就係搵咗呢間嘢（荃灣分校）報個暑期班俾佢試吓，一共六堂完成咗之後係有表演的，呢個暑期班標榜有絲帶K-Pop體操集於一身，我見幾得意俾個女試吓開心吓。一開始報嘅時候喺WhatsApp都會應吓機，報完之後，問一個問題 兩日後先回覆，由於佢回覆嘅進度實在慢到一個點。諗住上去分校，起碼有個人同我講吓嘢，了解吓詳情，點知上到分校冇開嘅，咁我就知佢應該係有班開嘅時候先會有人，OK 我當你合理。其實我都係想問吓上堂前要準備啲乜，比完錢之後完全冇聲氣，已為中左詐騙mouth:" />起碼隔咗兩日佢先應我一堆官方答案。
到第一日上堂，終於可以見到呢間嘢嘅真身，我以為會有reception姐姐對答下，點知一開門就係教班老師，都幾年輕下，咁我就問佢點解你哋WhatsApp成日冇人應機，有啲嘢想了解吓我可以搵邊個？佢就話 因為呢個星期有比賽 所以可能唔得閒覆。。?????????????我心諗你咁大間公司，咁多分校？冇一個人負責管理家長查詢？？？？

雖然我對呢間嘢印象已經好差，算。。。可能我對呢間嘢有誤會。。最緊要個女學得開心，又或者佢哋教得好好。。去度先知呢個暑期班得我個女一個人上堂。。


如是者，我個女學完第一堂，學完出黎佢話個Miss好惡，我就問個女點樣惡？我個女有啲位學完唔記得，佢話個Miss問佢「你有冇記架？！」我問佢個Miss叫咩名？我個女唔知，佢亦都冇叫過我個女個名，女女話佢都係聽其他小朋友叫Miss個名，佢先知個Miss姓xx, 我好心痛，因為有一班恆常班嘅小朋友着住跳舞衫，得我一個女着便服，仲要第一次上堂，好似俾人排斥咁，我女女已經唔多開心，我比小朋友參加興趣班係想小朋友增加自信心，但老師第一堂就打激我女自信心…..到上第二堂，點知係第二個老師，我有問過女女呢個老師點，佢話呢個老師好啲，可以打側手翻，打關斗，冇上次果個咁惡，由於開學前就揀定咗乜嘢日子要上堂，我哋揀咗星期二，六，女女想話轉晒星期六學跟返呢個老師。事前佢係有講過下唔可以更改，但我都想搵個人問下睇下唔可以轉，唔得咪算～但搵唔到人x100！可以話係零溝通～冇人回覆嫁～

我都心諗算啦，第3堂係又係另一個老師～即係3堂都唔同老師～去到第4堂我都唔知我個女學咗啲乜，係fig到兩下絲帶，但好唔熟～完～我心諗都係比佢玩下唔緊要，由佢～到上第5堂又係第一堂果Miss, 今堂佢話Miss係堂上教左一次，之後就叫佢自己練，因為佢哋會同時間教埋恆常班嘅小朋友，當佢哋教緊恆常班嘅時候，我個女就自己練，我女話佢練既時候唔記得，問返Miss，個Miss叫我個女亂跳「你上到台唔記得唔通企係到？！你唔識都要亂跳！」
？？？？？跟住我個女就唔敢再問，唔記得嗰啲位就自己喺度亂跳。。咁我身為家長我就真係想了解下情況，睇下個進度又好，會唔會係我女亂up又好，咩都好～我係個WhatsApp問，「你好 有啲關於小朋友上課嘅問題 請問有冇直線電話？」係零回覆啊！～～～～～～～我心已經black list左呢間野～！到第六堂仲好笑，果日黑雨，所以冇得上～隔2日收到以下訊息：

>>>>按照報名列明因惡劣天氣取消之課堂不設補課喔~
不過如家長於Google所屬分校留下5⭐星15字好評連3張分校或學生準備上課或比賽之照片，並將其截圖回覆至校務處WhatsApp，本校可以特別安排將可獲酌情安排於本月內補堂一次☺️
TW: https://maps.app.goo.gl/wZjd41pSn6AKgQwR9<<<<
即係如果你比5星好評就有得補堂，事問點比得出？！唔會揞住良心，因為補嗰一堂而比五星好評呢間野～亦冇打算比個女去表演，上得5堂，全部唔同老師，然後個老師仲要叫佢上去亂跳，唔通真係叫個女上到台亂跳？大家零溝通～我俾女女參加呢啲活動係想佢學到自己鍾意嘅嘢又有得表演下，增加自信心。。 點知咁樣。。我都唔需要再WhatsApp呢間嘢，因為係唔會有回覆㗎，我有我問～佢有佢唔應～佢有佢send佢要send既信息～我直接上嚟呢度同大家講我嘅親身經歷，大家自行判斷呢間野好與壞。。。

最後我收到嘅訊息係：

>>>>>>>>>&#128276;24/8/2025 KINGS X 大館盛夏Fiesta 體操舞蹈匯演 溫馨提示

⏱ Summer表演學生集合時間 11:00 大館JC Cube 1樓 Reception前(如圖所示)
(‼️表演學生需準時到達領取手帶進場，切勿遲到)
⏱ 家長集合時間 11:40
(‼️請準時回到集合地點，並自行戴好已領取之手帶，根據現場工作人員展示安排等於進場，切勿遲到)
&#128368;表演時間 12:00 (最後會有大合照環節)
&#127970;演出地點: 大館JC Cube
&#129384;&#128167;綵排及表演期間，請準備小食及水給表演者隨身攜帶，如表演者肚餓可以稍作充飢但不宜過飽。

表演完結後可以在大館內自由遊覽

*️⃣注意事項
1️⃣到達時必須已自行化妝及set頭，需扎高馬尾
2️⃣到達時必須已穿著表演服，下身粉紅色絲襪及穿白色波鞋
3️⃣表演學生須全程出席表演，於整個表演活動完結後方可離開表演場地
4️⃣為保持表演完整性，大會規定演出當日必須穿着整齊表演服，否則將不獲安排演出，敬請留意。
5️⃣是次活動本校將包場演出，所有觀眾需跟本校購買門票及持手帶，方可進場。
6️⃣接送安排：學生須於整個表演活動完結後方由職員安排放學
7️⃣如出席率不足八成，本院有權取消其演出資格
8️⃣必須出席整個演出方會獲得演出證書
9️⃣不可使用專業相機或攝錄機拍攝
1️⃣0️⃣如參加者家長或學生妨礙活動進行，煽動他人或任何違反本院守則，本院將有權立即終止該學生演出，並取消演出資格而不設退款，及保留一切追究之權利。

條款及細則詳情請參考以下連結:
www.ikings.hk/25taikwansummer
password: 25summer

⭐活動期間請家長及學生依照現場職員指示⭐

&#128204;家長門票 ⏰限時訂購&#127915; (現場不設票房購票，只限網上購買)
*是此活動本校包場演出，所有觀眾必需跟本校購買門票，方可進場。&#127903;️*
門票將於 *13/8/2025 1600 HKT* 開始發售
每位表演者限購最多兩張家長門票，座位有限，售完即止！

➡️ https://shorturl.at/1xUji

&#127916;&#128247;hoto and Video plan&#127916;&#128247;
$698 限時優惠 （原價$1488）
包3張相 （至少有一張單人照）+ 1 video (非追蹤）

如有需要購買以上項目，請於以下連結填寫表格：

https://www.ikings.hk/2025-taikwan-video-paln
password: 25photo <<<<<<<<<<<<<<<

當我透明～佢有佢send～感覺就係～總之咩都係文字訊息講明晒就唔需要孭責任～
所以大家比錢前自己念清楚～
我都唔敢想像我女真係上台表演會點，唔係怕佢表演唔好，係怕留心理陰影⋯