住深井跨區沙田

primary6

想請教大家, 仔仔是屬於band1成績. 自行首選決定荃官, 因為屋企响深井, 返學比較近同埋有個家姐讀緊F2, 叫做有個照應. 但次選唔知點好, 聽人講沙田今年競爭好似無咁大, 所以心思思想試下沙呂, 但又擔心佢返學搭車時間太長(大約要1個鐘頭3個字). 誠心希望各位俾下意見, 如果要阿仔每日花2個半鐘返學同放學, 會唔會太辛苦.

almondlatte

用太多時間番學會好辛苦。

Jackieson

回復 primary6 的帖子

學校近屋企當然最理想, 但個人認為如果有好學校係適合小朋友的話, 遠少少亦無妨. 沙田/深井不是太遠, 在荃灣轉車, 都係兩程車算方便, 而且沙呂是一間很優良的學校, 很值得, 都已經中學生了, 應該ok. 朋友亦住深井, 乘巴士往港島返工, 佢話都見到有st. joe, bps, spc, kc, vsa, spcs 等等的學生往港島返學. 個人睇法: 只要好學校係適合小朋友的話, 遠d都值得.

almondlatte

一程車要over一小時，返到學校人都倦了，那有精神上學呢？唔好意思，可能我過份保護，但說到底也是11、12歲的小童罷了。

杰杰媽媽

我仔一日都用2HR來回誇區入沙田返學,我覺得要搵一間適合自己小朋友既好學校已經好難, 只要安排好每日返學既路線,如果小朋友自己都做到既就唔係大問題。

好似我仔咁,我上年幫佢揀學校最緊要係校風>教學模式適合我仔>位置>成績

佢宜家每日坐車時間都非常充實, 佢出門口第一件事就係拎本鬼咁厚既書係手(當然係中文啦), 坐車有時撞到同校老師見到我仔睇緊書,就開聲同我仔介紹有咩書好睇(我仔係唔識個個老師,只知係自己學校既老師黎)

pineapple0983

48X 由灣景直到禾輋總站，車程約 50 分鐘，再加上深井到灣景的時間；單程約一小時多些，繁忙時間會耐d。

若在禾輋附近讀書，不用再轉車，ok喎。

沙田還有些學校是在馬鐵沿線的，由荃灣坐地鐵大圍轉車也是 40/50分鐘左右。

荃灣的競爭也真是太利害了，較好的學校也就是這兩三間；沙田就相對多些。若在荃灣讀，深井出荃灣的時間在 20/25 分鐘左右；所以，去沙田讀的車程相差半個小時左右。

建議樓主親身試下，由屋企到目標學校(荃灣/沙田)的確實車程，再作決定。我覺得如果雙程 2 者相差在 1 小時左右，可以考慮。

深井的交通也不方便，可有想過搬？

primary6

多謝以上各位的意見! 這兩間的校風都真係不錯,  我地會在呢個星期由深井搭車往沙呂, 讓仔仔親身走一轉, 再聽聽佢的感受! 因佢家姐是在荃官返緊F2, 聽說今年開始, 佢細佬是有分計的, 令佢入荃官的機會多左少少! 其實真的可以入到其中一間, 我地都會好開心!

toscr

首選當然荃官,你先生若有車牌,而仔仔又想沙田讀書,不如出部車載仔仔返學再返工,放學就由仔仔自己搞掂,車程要一個鐘頭十五分鐘是指繁忙時間嗎?上學繁忙時間,轉車所需時間可能更長,這點要考慮!我家住將軍澳,小兒讀沙田曾記,若坐巴士返學,雖不用轉車,亦要一個鐘,但自己揸車只需二十分鐘,最後都決定出車送仔返學,就不用太早起身

toscr

沙田今年雖然競爭冇咁大,但別忘記有兩間呂小,可能今年有更多呂小的學生會選呂中,不過,呂中又真係一間好學校!

csy_ma

我地以前都係住深井，阿囡都係鍾意沙田既學校（唔係呂中，但都係禾輋），結果佢叩門成功後，我地搬咗去沙田。不過阿囡仍然好鍾意深井，佢話隔鄰班有同學住青龍頭，一樣每日搭巴士返學，早知就唔駛搬啦……48X響禾輋上會有位坐，坐果程車可以瞌一陣，不過響灣景轉就麻煩d，響荃灣西之後個站轉，就直接駁到去深井既巴士，都唔算好麻煩。

當然，考到荃官更好

almondlatte

回復 toscr 的帖子

咁啱嘅！我都係之前住將軍澳，個仔又係返曾記。你小朋友讀得開心嗎？

toscr

佢好快已經適應升中生活,比小學還讀得開心.其實,真係好少人住將軍澳選沙田區的中學升中,不過,能够入到心儀和好的學校,遠啲都冇所謂.

almondlatte

回復 toscr 的帖子

係呀！我個仔間小學都係得佢一個跨去沙田。

csy_ma

Pineapple0983：

再次多謝您去年給我的意見我搬咗去大涌橋果邊，近阿囡返學外，老公返工都方便咗

一般放學時間，48X都唔多人，未到沙田鐵路站，架車都係以唔多既學生為主。呵呵，蝦碌媽咪，我既意思係，就算上咗車就瞓覺，睡過了去到總站，不過係轉車麻煩少少，跟您既提議自然更好

csy_ma

都係好彩沙培既數學叩門卷好多係選擇題，就算好似阿囡咁唔小心（佢後來既PS1成績被分咗去補底班呀)，都有機會估啱題目

至於中文，當時考得應該更差佢而家都只係英文成績稍為好少少咋

小師妹

荃灣去沙田好方便，荃灣Band 1學校咁少，沙田相對多些選擇，我慶幸去年揀啱咗，唔係都唔知派咗去邊！？

polo819

我大囡都是由深井去港島南區返學，車程都是40分鐘。
其實香港現在的交通好方便，住邊都沒有OK，最緊要找間好學校。

polo819

是住邊都OK， 打得快了， SORRY！

primary6

多謝各位意見啊! 其實阿仔而家就讀浸聯, 由深井到學校真是十分方便快捷, 短短十幾分鐘車程便到, 因此在選擇中學時, 都希望佢不用花太多時間在搭車同轉車lor~ 加上家姐也在前年入到荃官, 其實第一志願也會先選荃官的, 至於是第二志願, 當年為阿女選擇中學時, 都知沙呂係一間好好的中學.  不過學位真係好緊張, 所以當年都唔敢冒險, 也真的好好彩入到荃官. 到了細佬今年選校, 得知沙田的學位無以前咁緊張, 所以便想試下lor!   

Jackieson

primary6 發表於 12-12-13 23:22
多謝各位意見啊! 其實阿仔而家就讀浸聯, 由深井到學校真是十分方便快捷, 短短十幾分鐘車程便到,  ...

浸聯呢兩年都有7個(每年)入沙呂, 而且聽講大部份都係自行報, 如果家姐都是浸聯舊生, 你應該有更多資料在手的. 第一志願選荃官, 第二志願沙呂吧. 入到荃官最好啦, 可以同家姐一齊, 又近. Good luck.