無心儀學校,點算?

csy_ma

原帖由 candytl 於 11-11-23 11:48 發表
csy_ma,

係其他post知道你想從青葵跨區自行報培英, 可講講為何捨荃官立, 蕭明, 安柱而報培英呢?  是看重培英重英文?
記憶中它的英文會考成績並不突出.  沙田的另一間女校St. Rose比培英更重視英文. ...

Candytl：

我改響呢度覆您？

荃官，印象中，佢理科勁D？且要為誇區band1頭，我囡係band1中，自行值搏機率低。荃官，功課都好似唔輕？

蕭明，佢老師規勸咗佢成年叫佢考呢間，不過，佢有個好同既既姊姊響蕭明讀緊，好勤力，但成績唔係好好。佢覺得蕭明會幾難應付（且出名功課多，犯了我們選校既第一原則）。加上，阿囡話蕭明個操場好大，地下同一隻色，佢踏進操場時覺得佢好空，驚驚（ 唔怪知佢唔介意培英個細校舍啦 ）

安柱，其實都係一個好既考慮。不過，據安柱不同既畢業生講，佢啱啱換咗校長冇耐，新校長比較注重成績，所以谷衡咗（雖然都好似未有太多功課）。由於佢既開放日在七一，我地一直冇去參觀，所以有時就唔記得考慮佢。不過，自行佢應唔會揀 band1中？只有大抽獎第一志願揀佢－－都未嘗不可以考慮

培英，響舊年從學校收到佢既宣傳單張前，我對培英所知係０。都係佢地既書面溝通能力好好，而且，中一至中三響正規課程中開辦戲劇教育課，初中設英語戲劇課，目前仍不是太多津中會咁做。佢特別強調既國際視野，亦唔係一般地區名校會關注既課題。

加上我講過既英語音樂劇，同埋高中同學去聽初中同學分享英文閱書報告，因為我逢長假都同我囡同佢D同學做緊類似既野（中文為主，講英文會加分，題材不限閱書，可自設分享題目），覺得呢個係省力而好有效既工具 ，所以覺得佢地位校長既思想水平同實行能力都好唔錯 ，所以咪對佢咁有興趣囉

我諗，佢除咗英文強外，中文都好唔弱。王良和係培英既校友，又見到好鍾意培育文壇新血既關夢南同葉輝成日響果度蒲，就可以想得到。關夢南以前搞星島既《文藝氣象》，葉輝到而家都係報章高層，培英既小朋友如果有興趣寫文，應較一般學生多些發表渠道？

其實，我地唔係好想搬屋，所以冇諗其他沙田既學校。我地揀校，會較少以成績為主要考慮元素既－－如果以成績為重，咁小朋友考入大學後，反而會有少少既適應困難，因為大學係難入易出既，大學生活亦唔應該單單有學業，假如中學唔玩開課外活動或者搞開會，到大學就有點無聊（除非係讀死人既學科如醫）。中學係培養小朋友傾向既地方，剩係培養佢地關心成績，咁讀完書個人咪好悶？？

當然，中學保送學生入U既能力都係要睇吓既，不過，以我囡性格，假如能力不是太高攀的話，她應不會讓自己掉得太低的 所以，我們傾向揀合乎她程度的學校，不會揀區內最top（好彩培英都唔係），這樣反可能有機會發掘她的領袖潛質？

可以詋，沒有最好的學校，家長大概只能向小朋友推薦最適合他們自己氣質的學校吧？

csy_ma

原帖由 kswiss 於 11-11-24 12:33 發表
csy_ma,

似乎你要好好了解一下升中個派位系統, 係學校派個隻cd講得好清楚(雖然幾悶), 大抽獎時甲部可選全港任何一間,而乙部只可選本網既學校, 所以李城壁&培道不可以係乙部填,但你可考慮甲部填. 你女女係b1,甲部填, ...

謝謝提醒

不過李城壁有冇可能同時響荃葵都有本網位？要到時再研究研究……

csy_ma

原帖由 Yanamami 於 11-11-24 12:05 發表
等我講下邊d學校我唔考慮啦.

1) 太遠, 每日用2hrs來回.  上到中學讀多好多科, 又多放學留校, 書包又幾斤重, 太遠會辛苦.  我女又係「慢活」一族, 唔訓都唔掂啊....

2) 太巴閉.  我女只係庸才, 費事阻住地球轉.

3) 當學生係棋子, 參加比賽比讀書更重要的.  我女樣樣中中地, 自然沒甚利用价值.

4) 校風麻麻.  中學生多受朋輩影響, 要揀d乖乖學校先為上策.

5) 中中.  阿女中文程度只有小三, 入中中等於判佢死刑.

6) 太谷.  我想中學時期應該係孩子初步接触外面世界的時候, 多d野玩, 學下應付人際關係好d.  死讀書好呆, 而且長大後對中學時期記憶模糊, 只記得讀、讀、讀....

排名不分先後

謝謝，好有參考價值

[ 本帖最後由 csy_ma 於 11-11-24 13:14 編輯 ]

hongkeikei

原帖由 Yanamami 於 11-11-24 12:05 發表
唔好 .  等我講下邊d學校我唔考慮啦.

1) 太遠, 每日用2hrs來回.  上到中學讀多好多科, 又多放學留校, 書包又幾斤重, 太遠會辛苦.  我女又係「慢活」一族, 唔訓都唔掂啊....

2) 太巴閉.  我女只係庸才, 費 ...

hi Yanamami,

妳所列出選校的優次,大部份都是我和丈夫為女兒選校的重要考慮!

Yanamami

o岩咀形

原帖由 hongkeikei 於 11-11-24 13:08 發表


hi Yanamami,

妳所列出選校的優次,大部份都是我和丈夫為女兒選校的重要考慮!

hongkeikei

沙培對於我們來說,當初也所知不多,只是認識幾位在此校畢業的學生,對學校很有歸屬感,升大學成績也很理想,才開始留意此校.

但她對於我們來說是跨區上學,有點違反Yanmama 上學路遙的原則,故此只將其放於次位!

女兒雖是band 1,但暫以英語較強,其他科目只屬中等,故此,選校時沒有將本區最top之學校放上,現在的中學只是本區的一般英中吧.

經過一年的選校體驗,發現最重要配合子女的性向,但學校校風必須純樸!我發覺整體成績中上,且在進步中的學校反而較適合女兒;有時勉進入最頂尖的學校,到頭來對有些學生反而不妙!但要抗拒爭入名校的心態,相信家長先要自我調節!

龍舌蘭

csy ma: 睇妳選校做的調查, 真係 , 考慮周詳啊. 阿媽o甘勁, 您囡囡一定都唔少野!
不同區, 請問您對九龍區d學校有咩見解?

csy_ma

原帖由 龍舌蘭 於 11-11-24 14:57 發表
csy ma: 睇妳選校做的調查, 真係 , 考慮周詳啊. 阿媽o甘勁, 您囡囡一定都唔少野!
不同區, 請問您對九龍區d學校有咩見解?ops:" />ops:" />

龍舌蘭：

調查都唔算做得仔細，不過響EK度分享，就會有好多家長多角度多方面咁提點吓，又俾吓貼士咁，可能會考慮得好D

您小朋友不是臻美的嗎？福中當年，倒是較少有把戲劇融入英語正規教育課的學校，很吸引

我向來較懶，好多資料都係其他家長搜集完話俾我知，所以唔敢扮專家 但好似點點綠返咗黎 ？我都幾想搵佢指點吓迷津，可惜佢似乎好忙，神龍見首不見尾……

Kittymummy

各位, 我都頭痛中呀.... 今日家長日 (40區), 兩次呈分加埋叫b1 (尾), 我心儀mei foo保記, 黃棣珊 & 聖瑪加利(直資). 亞sir 又話保記唔好 (幾個亞sir都話唔好), 要我進取d 自行選擇黃棣珊 & 聖母玫瑰. 我知小女仲未夠班去見聖母玫瑰, 因為唔想浪費一個自行既機會..... 小女又係中文唔太好, 次次都係中文拉低晒平均分. 今日又報左聖瑪加利, 但總覺得機會唔會好大. 好煩呀..... 請問40區仲有d 咩野中學合適b1尾既學生呀 ?

Yanamami

視乎家長取向, 有些為保成績, F1仍從旁協助學習, 補習, 十分緊張.  有些則希望放手, 任孩子花時間自己摸索.  与ANChan59曾在另一topic提過, 我覺得無論維持夫妻關係, 拍拖也好, 或是教養孩子都好....很多方面也要學會放風箏, 太鬆太緊皆不妙.  ANChan59稱之為"Management".  我不希望孩子只是讀讀讀, 當然也不只會讓她玩玩玩啦.

現在我經常與中學同學聚舊與活動, 大家不其然說起中學時期的人與事, 發覺那時自已沒甚活動, 沒甚回憶, 那就沒話題, 插不了咀.  當然, 不是為了有話題而參加課外活動, 但若人人都說童年只得一個, 那青少年(中/大學)不也是只得一個嗎?  這階段更是他們建立自我形象, 探索人際關係, 肯定自己, 學習控制的重要時候, 整天閉門溫習是辦不到的.
要取個平衡吧.

原帖由 kswiss 於 11-11-26 16:08 發表
最後個點, 你提到:中學生活多參加課外活動, 多玩, 不是讀,讀,讀

我又聽過有家長話中學要開始讀書, 減少玩/參加課外活動時間, 大家點睇?

[ 本帖最後由 Yanamami 於 11-11-26 22:09 編輯 ]

Kittymummy

銘賢唔得啦, 聖母玫瑰我都覺得未夠班去讀. 唉......
你地覺得唐乃勤呢 ? 其實我覺得佢幾有潛質, 不過轉形後只有幾年貨仔,同埋學校d 亞sir 都唔太讚成.

我只係想搵d 唔好太差亦唔駛太勁既學校. 因為band 1尾真係好危險. 如果第3次呈分唔理想, 亦會跌落band 2頭.

希望聖瑪加利收左唔駛煩.........

原帖由 kswiss 於 11-11-26 17:29 發表
銘賢可以一試.

[ 本帖最後由 Kittymummy 於 11-11-26 19:16 編輯 ]

csy_ma

原帖由 Kittymummy 於 11-11-26 19:10 發表
銘賢唔得啦, 聖母玫瑰我都覺得未夠班去讀. 唉......
你地覺得唐乃勤呢 ? 其實我覺得佢幾有潛質, 不過轉形後只有幾年貨仔,同埋學校d 亞sir 都唔太贊成.

我只係想搵d 唔好太差亦唔駛太勁既學校. 因為band 1尾真係好危 ...

KittyMummy：

"中學交流"有3X頁唐乃勤的家長交流，可以去看看

唐中是全港唯一的初中書院，先鋒也 全校得三個年級的好處，對學校來說，是讓資源更集中。對學生來說，是可以在初中階段已能有較多機會獨立處事。據聞，唐中的中二級已有領袖生甚或總領袖生，而一般中學，多半在中三或以上才可當，中一中二一般是站在一旁，看師兄師姐如何處事。

據聞，唐中中三的畢業謝師宴已是學生自己策劃和主持的 。對於女生來說，初中書院應有更多的磨練機會（因此階段男生發育得較遲，女生較易領先）。

唐中的另外一些好處：

• 小班教學：中英數分兩班上課，按分科的能力分班。英文精英班由外教授課。
• 來年實行普教中。
• 校長是數學老師出身，曾參與大出版社的教科書編寫工作，可見經驗非淺。另外，唐中亦有其他科老師是參與教科書編寫的作者
• 可能原是收band3學生為主吧？唐中校規偏嚴，課程偏緊，但老師都偏向有包容力，贊同鼓勵較懲罰有效。
• 縱在band3學校的時代，唐中的14分率亦可達3X%，高過許多band2中學，證老師有心有力。
• 唐中會做大量補底工作，不大聽說唐中會歧視學業稍遜的學生。
• 老師會留在飯堂方便學生問問題。
• 學校有三位社工（一般中學有半位），資源豐厚，學生喜"跟社工有個約會＂，同學間很多都會一組組跟社工有飯局，而非有問題才見社工。
• 很多畢業同學會回校探老師，間接表明唐中令人有歸屬感。
• 保良有讓學生多參與聯校比賽的傳統，保良之間亦有很多聯校比賽。據聞，唐中的英語話劇小組實力雄厚，曾稱冠保良聯校比賽。
• 看過了唐中的中文習作，覺得設計習作的老師有部署地慢慢教小朋友如何思考和如何作答。唐中的文言文練習也按部就班讓小朋友親近古文，做得不錯。
• 唐中以英文考試的考卷，均有幾題中文題－－那是為日後高中通識而準備的思考題，可見學校多方面為日後必考的通識作準備。
• 唐中資源豐富，每年都有不少鍛煉高階思維的訓練班予全級同學上。
• 唐中有長達三星期的升中適應課程，另加日營。日營主要針對學生的學習態度，有關家長的感受，請參閱唐中討論區。
• 朋友說，女兒以前回家第一件事是開電視，升上唐中後，縱上完勞力的課外活動、回家已挺晚的情況下，仍堅持要完成預習才上床，因為：我唔想留班。女兒由頗激心變得沒有什麼事需要家長插手，家長朋友初時反而有點不習慣云云

老實說，我不大喜歡"谷＂的學校，唐中不太是我杯茶
不過，假如不用家長插手，學生自動自覺的應付，我也不太介意它功課多或測驗頻 反正，應付慣了，應也不會太花時間？？

Kittymummy

Thank you, csy_ma.

我依家15/16 緊, 自行選擇黃棣珊, 另外一間都唔知邊間好 ? 玫瑰 or 保記 ? 但玫瑰自知自行一定唔會收, 保記既話反而仲有機會自行會收 ( 我諗interview 表現唔太差, 應該會1st priority收band1生先掛). 小女性格比較靜, 年年唔同既班主任都話佢操行好好, 可惜太靜係容易比ignore 果一群. 所以就算去到玫瑰, 相信亦都比人ignore. 不過個女自律都算唔錯, 從小一到小六都好自動波. 測/考都係靠自己, 我都唔駛點夾住佢,同佢讀默下d 字就ok. 所以佢去到中一時, 我都唔太擔心. 我只想同佢渡過升中既難關, 搵一間合適既學校.

原帖由 csy_ma 於 11-11-27 20:56 發表


KittyMummy：

"中學交流"有3X頁唐乃勤的家長交流，可以去看看

唐中是全港唯一的初中書院，先鋒也 全校得三個年級的好處，對學校來說，是讓資源更集中。對學生來說，是可以在初中階段已能有較多機會獨立處 ...

alice44

朋友個仔, 深水埗區BAND 1尾, 前幾年自行考長沙灣天主教唔成功.

龍舌蘭

原帖由 csy_ma 於 11-11-24 21:41 發表


龍舌蘭：

調查都唔算做得仔細，不過響EK度分享，就會有好多家長多角度多方面咁提點吓，又俾吓貼士咁，可能會考慮得好D

您小朋友不是臻美的嗎？福中當年，倒是較少有把戲劇融入英語正規教育課的學校，很吸引:love ...

csy ma:
妳認真好記性!! 臻美事件前我轉左去九龍城, 目前都在頭痛中.
看了妳的選校方針, 才發覺原來我遺漏了很多重要問題.
可是這些問題, 又真係很難有答案.

Kittymummy

咁請問最後派左邊間 ? 我就係明知一個男校, 另一個女校競爭好大. 自行一定唔會收的.....

原帖由 alice44 於 11-11-28 11:12 發表
朋友個仔, 深水埗區BAND 1尾, 前幾年自行考長沙灣天主教唔成功.