請問曾參加大學畢業典禮的家長

Jennie

bkfans123 發表於 25-10-25 10:42
謝謝
咁請問你係等easter出咗先訂機票和酒店嗎？我見7月的酒店和機票都有啲緊張。
應該係我緊張過阿仔，怕 ...

今年係14-18/7； 上年係15-19/7。可能26年係13-17/7。不過官方未公布。

Jennie

Radiomama 發表於 25-10-26 15:18
我都想知有咩拍照心得，只有手機係咪好難影得靚？同埋點樣可以拍到一家三口？
...

其實你都係行禮錄video, 行完後至影相就好多路人幫手影，我女同佢啲同學仲會返上堂間房一齊影。
亦可以用神棍幫手影1+3口。

cherubic

我個仔大學有安排專業攝影師,他們間了一間間房,影出來的相就係平時去studio 影那些,即時揀相買package，之後寄去英國的家

bkfans123

Jennie 發表於 25-10-26 16:28
今年係14-18/7； 上年係15-19/7。可能26年係13-17/7。不過官方未公布。

好的，謝謝你(emoji)(emoji)

bkfans123

Jennie 發表於 25-10-26 16:27
我係因為CX出咗promotion我就訂，我冇等公布畢業禮日期。因為我張飛真係好平，所以預咗佢兩個星期。

...

希望我都可以及時遇到CX做promotion 啦

TTEE1819

bkfans123 發表於 25-10-26 13:14
多謝你啊
你嘅安排好好，安排畢業week前後行程，等你的拍照心得
...

每間大學畢業典禮安排唔同，只作參考囉！

1)        分兩次入校園拍攝，畢業典禮前一天 (未有gown & hood)先拍smart casual的相，因為學生未有袍，佢地未攻陷校園任何角落。我們一家早上9點幾進入校園拍，拍左一個半小時，無學生無人在拍攝， 只有我們一家。

2)        去department building，去lecture theatre，去孩子常出沒的角落影相。我們在department building欣賞到所有同系all Year 5 graduates的final year projects，即刻拍攝留念。

3)        至於在禮堂行禮時，如果是自由搵位，家長坐左邊定坐右邊方便拍照? 甘你可以做dd功課，上Youtube睇返你間大學每年行畢業禮時，畢業生在台上是點行?  我孩子大學是左邊上台，校長企中間偏左，跟畢業生握手和拍照 (大會提供的攝影師會在右邊和中間拍，兩個角度，拍攝時有兩至三秒)；畢業生由左行到右，行足全個台先落台，全程十秒左右，如果你有長鏡，應該會捕足到。但手機拍，其實係最快最簡單，最好係一人拍片，一人拍照。

有些大學是相反，右上左落；又有些是旁邊上，但中間落台；即係行半個台；有些大學校長只握手，無停頓時間比畢業生拍攝。我細孩子的大學就是最後一類: 左上，中間握手，無停頓時間，直接在中間落台，完。當你知流程，你拍攝時會掌握得好一點。

4)        英國大學派袍跟我們香港完全不同，佢地係即日取袍，即日傍晚還袍。即日還袍，時間太急，所以我們加錢upgrade 到hold件袍一星期，慢慢拍照，加多少少錢， 大概三四十鎊。袍公司會提供一個已備郵費兼有回郵地址嘅厚膠袋，畢業生影完相就把gown, hood和帽放入袋，跟手交比post office。比多少少錢，唔洗一家人影相影得甘急，輕鬆一點。

5)        畢業典禮後一天，再入校園，拍有穿袍的相。這樣，會有三批相片留念。

TTEE1819

Radiomama 發表於 25-10-26 15:18
我都想知有咩拍照心得，只有手機係咪好難影得靚？同埋點樣可以拍到一家三口？
...

我們帶左大機加長鏡，其實拍到好少相，因為畢業生在台上，10秒8秒，未上台時又拍唔到畢業生，我們大學畢業典禮係在cathedral舉行，所有畢業生坐cathedral台的後方，我們都睇唔到學生，拍得好少相。但一踏出cathedral，好多人拍照，用電話拍，快靚簡單。

我們有帶備腳架，有拍一家四口照，唔洗下下搵人甘麻煩。

TTEE1819

cherubic 發表於 25-10-26 20:59
我個仔大學有安排專業攝影師,他們間了一間間房,影出來的相就係平時去studio 影那些,即時揀相買package，之 ...

我們大學都係這樣安排。

我們揀左一個包括上台跟校長握手嘅短片package, 條片係好靚，值得比錢保存。

TTEE1819

仲有一樣野，好多大學行畢業典禮時會在Youtube即時直播，記得要download 返下來保存呀～

TTEE1819

我自己拍嘅一條片，有17秒，上台至落台，用三叔機拍，算係好清晰，因為我坐位係較前。如果你們大學的家長席安排係排隊入場，坐位係先到先坐，記得早一點排隊。

bkfans123

TTEE1819 發表於 25-10-27 23:43
我自己拍嘅一條片，有17秒，上台至落台，用三叔機拍，算係好清晰，因為我坐位係較前。如果你們大學的家長席 ...

好啊，好詳細嘅資料，謝謝你(emoji)(emoji)