2018年9月升小六，屯門區家長，一齊交流下丫...

cherry0131

bbq. 發表於 18-8-2 10:45
雖然我小朋友係隔離區，但都入嚟支持吓。

多謝支持！希望今年快d過，出年大家黎報喜！

cherry0131

slaw1 發表於 18-8-2 11:21
知道樓主女兒有意董中，我n年前董中畢業，入來支持下

多謝你啊！不過唔知女兒可否成為你師妹啊！

cherry0131

annielui 發表於 18-8-2 11:30
Hi, 小女9月升P.6, 大家好!!!!

歡迎你啊！又多個媽媽一齊交流！

cherry0131

熱媽 發表於 18-8-2 11:35
讀直資唔一定輕鬆架，例如女拔，雖然都自由度大(女校來計)，但D學生因本身係叻女，但要係呢班叻女中力爭上 ...

其實我諗住比個女試下面試咋，佢到而家都好似唔緊張咁...所以想比佢試一試真正嘅面試會係點！另外，如果要佢每日出去番學，我驚佢要好早起身，因為住村屋，去邊到都要渣車！其實好掙扎的！

cherry0131

gigayan 發表於 18-8-2 11:42
我住屯門, 小朋友返學係九龍, 升中仲考慮緊自行試唔試一間屯門中學。
樓主女一線級頭可試DGS呀, 反而青年會 ...

我其實唔知道可唔可以報女拔，一來冇留意開，二來女兒唔鍾意女校，三來見佢係一條龍學校，唔知有冇得報...再者，女兒嘅數學比賽獲得嘅獎只係第二、第三！都未拎過第一，都唔知有冇面試嘅機會！

gigayan

cherry0131 發表於 18-8-2 13:21
我其實唔知道可唔可以報女拔，一來冇留意開，二來女兒唔鍾意女校，三來見佢係一條龍學校，唔知有冇得報... ...

可以開學之後留意下中學既簡介會。
DGS好似有5x個位俾街外人, 試下交表無妨!

Yanamami

熱媽 發表於 18-8-2 11:35
讀直資唔一定輕鬆架，例如女拔，雖然都自由度大(女校來計)，但D學生因本身係叻女，但要係呢班叻女中力爭上 ...

咪講到禁誇張~

annielui

回覆 cherry0131 的帖子

:)

bbeasy25

cherry0131 發表於 18-8-2 07:05
咁番學會唔會好辛苦？我有諗過報直資比女兒試下點面試同睇睇佢嘅實力！直資係咪輕鬆d?

我都諗住幫女兒報 ...

中學可以去遠ｄ返學, 當然係合理時間.  揀直資係希望揀適合小朋友的學習範式, 學制有彈性ｄ, 必要時可以唔考DSE(讀唔掂中文).
女拔可以一試, 青年會就應該唔適合你囡囡banding, 不過可以當面試練習.

slaw1

cherry0131 發表於 18-8-2 13:06
多謝你啊！不過唔知女兒可否成為你師妹啊！

以前級頭的好多都係梁小來，如果你女喺梁小讀得好，相信董中無問題啦。好多老師都有心教書，教左幾十年

cherry0131

slaw1 發表於 18-8-2 15:18
以前級頭的好多都係梁小來，如果你女喺梁小讀得好，相信董中無問題啦。好多老師都有心教書，教左幾十年:ex ...

女兒都係保小，但學校較多人升百周，反而董中較少人報！只係女兒的班主任話董中會讀得開心d, 所以我女好希望去董中！七月結業禮時好多升百周的師兄師姊都勸女兒揀百周，多d認識嘅同學！近日，佢好似冇咁抗拒百周！所以諗住開放日去晒兩間學校參觀，再比佢決定！

slaw1

cherry0131 發表於 18-8-2 19:17
女兒都係保小，但學校較多人升百周，反而董中較少人報！只係女兒的班主任話董中會讀得開心d, 所以我女好希 ...

想講，以前都係百周勁d，我媽想我近返學，我就住董中隔離，所以第一董中，第二百周。但5年後會考發覺，如果比我讀百周，競爭大好多，我根本上5到中6，要轉第2間。董中都好吖，起碼上到中6，一班30人中7，都有2x個入3大學位課程架。所以睇你女咩類型啦，如果遇強越強, 咁當然讀邊間都無問題啦。我覺得董中壓力應該無咁大。我當年羅陳楚思級頭，上到中學級4x

slaw1

cherry0131 發表於 18-8-2 19:17
女兒都係保小，但學校較多人升百周，反而董中較少人報！只係女兒的班主任話董中會讀得開心d, 所以我女好希 ...

又有另一點想講，你女咁優秀，係咪可以考慮下出面傳統名校？我地屯門區入到3大嘅成績5會差，但講到自信，presentable, social skill，networking 真係同出面名校生有距離，我科大會計系所見。做媽媽真係多野諗，我都有2個囝囝了

bbeasy25

slaw1 發表於 18-8-3 00:19
又有另一點想講，你女咁優秀，係咪可以考慮下出面傳統名校？我地屯門區入到3大嘅成績5會差，但講到自信，p ...

我也認同你的看法呀

cherry0131

slaw1 發表於 18-8-3 00:19
又有另一點想講，你女咁優秀，係咪可以考慮下出面傳統名校？我地屯門區入到3大嘅成績5會差，但講到自信，p ...

我尋晚番去同女兒講黎緊我會幫你報女拔面試，佢已經好大反應！佢話百周同董中都好多朋友，佢只會揀是但一間！
我當然好似你咁諗，日後做野networking/presentable都差好遠！
我讀科大時，已經深明呢個問題！到去讀碩士時，更加唔駛講！
其實女兒都明白，佢自己代表學校參加過唔同嘅比賽，同名校生比，始終差少少！

雖然女兒嘅性格係遇強越強，由小一開始我已經開始留意到！
呢幾年小學生涯，考得最差的就係一年級全級第八！
之後每一年都有進步，到四五年級都保持住級三內！
我最怕係佢去到間唔鍾意嘅中學，冇心機讀書，始終青春期會反叛，我怕得不嘗失！
所以我同佢講去試下面試，人地叻你咁多，唔會收你的！只係練習面試嘅機會！

gigayan

slaw1 發表於 18-8-3 00:19
又有另一點想講，你女咁優秀，係咪可以考慮下出面傳統名校？我地屯門區入到3大嘅成績5會差，但講到自信，p ...

認同, 有時唔係為咗追學校的「名氣」, 有D位真係名校才可以給到學生優良的訓練和視野。

LJ3981

樓主女兒小學近5年有沒有人入到DGS？這是重點！

slaw1

cherry0131 發表於 18-8-3 12:58
我尋晚番去同女兒講黎緊我會幫你報女拔面試，佢已經好大反應！佢話百周同董中都好多朋友，佢只會揀是但一間 ...

原來樓主係科大校友，當然要尊重小朋友決定，呢個真係入到大學先發現，以前世界只在屯門，屋企無能力外”創”. 我妹妹孤身一人去左港島升中，得到嘅係較好嘅語文能力，人際關係，presentation skills. 對現在喺職場好有利，無專業技能，中大grad

cherry0131

LJ3981 發表於 18-8-3 13:48
樓主女兒小學近5年有沒有人入到DGS？這是重點！

尋日我都同另一位媽媽提及過:

"我其實唔知道可唔可以報女拔，一來冇留意開，二來女兒唔鍾意女校，三來見佢係一條龍學校，唔知有冇得報...再者，女兒嘅數學比賽獲得嘅獎只係第二、第三！都未拎過第一，都唔知有冇面試嘅機會！"

其實我唔係想女兒入DGS 的, 只係好多人都叫佢去參加唔同O既面試, 所以只係抱住去面試O既心態...請勿見怪!

始終女兒喜歡董中, 我唔想太過強迫佢要跟我意思...雖然講到底, 我都想佢好...

cherry0131

gigayan 發表於 18-8-3 13:43
認同, 有時唔係為咗追學校的「名氣」, 有D位真係名校才可以給到學生優良的訓練和視野。 ...

我都理解O既...只係唔想迫個女跟我意思做, 佢一定唔會開心...