全級頭幾名係咪多數自行已收？

ohnono

ohnono 發表於 13-5-1 13:11
如果全級第三，你話應該揀竹門定木門好？

考慮的時候，如果單純考慮竹門和木門而忽略了夠竟有幾多竹門去配竹門，有幾多木門去配木門，還要裝到上門框才算是成功，否則，最終都有可能會輸，就如那位白約翰全級第三的男同學一樣。現實既情形係，特別是那些band 1A的學校，經過篩選出來面試的都有二百多竹門，但門口就得4、50個，比你對好兩隻門一樣都裝唔到上去，餘下還有百幾對門。
想避免跌進大抽獎純靠彩數的遊戲之中，第二選擇有時都要考慮放棄竹門木門的配對。

978212

band1a嘅除了成績冇其他嘅自行填神級嘅好容易撞板囉，同樣band1尾自行全填band1頭嘅又陪跑嘅多囉

ohnono

978212 發表於 13-5-1 14:30
band1a嘅除了成績冇其他嘅自行填神級嘅好容易撞板囉，同樣band1尾自行全填band1頭嘅又陪跑嘅多囉 ...

沒有同學預先知道會唔會撞板，若我有神級成績，點解唔試下神級學校！我絕對讚成去試。既然教局比我地有兩個選擇，搏完第一個，你還有第二個選擇麻，第二個選保守點不就是可以囉，對嗎！
Band 1尾同學自行全填band 1頭既，陪唔跑試左先知，反正預左志不在此，因為他們可以抱著僥幸之心在大抽獎時抽中band 1A、或者Band 1B，就算唔得落返band 1C甚至最差去到band 2A都無乜蝕底。

978212

每個家長諗法不一，有啲保守希望盡量自行可以入，費事大抽奬睇彩數，如果band1a嘅家長諗住自己嘅小朋友讀band1尾都冇所謂就可以盡量進取，我始終覺得適合好緊要，入到都要讀的上先好。

978212

我相信神級成績同band1a嘅成績係有分別嘅

JL3

原帖由 978212 於 13-05-01 發表
我相信神級成績同band1a嘅成績係有分別嘅

小小唔明，可否解釋一吓！

ohnono

978212 發表於 13-5-1 15:28
每個家長諗法不一，有啲保守希望盡量自行可以入，費事大抽奬睇彩數，如果band1a嘅家長諗住自己嘅小朋友讀ba ...

唔一定要保守先至希望自行可以入，進取都可以有機會自行時成功。我地有兩個選擇，第一志願可以進取，第二志願就可考慮保守。例如官塘區band 1A男同學，自行第一志願可以皇仁、可以喇沙，兩間都絕對係band 1A同學的合適選擇，但第一志願選了皇仁的，第二志願又放喇沙的話，過於進取有可能兩間都得，但亦有可能兩間都唔得。既然係咁，我寧願第二選擇搏一間band 1B的聖言。用一個band 1A的成績去搏聖言，雖然未可以話穩勝，但機會總較皇仁和喇沙大，到時你既第一志願皇仁或者喇沙唔得的時候，第二選擇的聖言可以填補了第一選擇的失落。
越是band 1A的家長越害怕要玩大抽獎，越係不顧後果，只顧進取的應不會是band 1A的家長，除非那位家長不明白這個遊戲的重點。

適合顧言緊要，但並不是適合就一定入到；讀到顧言好，但都要入得到才好！如果單係諗適合而忽略成功的機會，最終會有可能全級第三都入唔到適合的中學。

ohnono

講到合適的問題。由政府採用大抽獎的政策開始，學校裡面的情形，已經亂過五胡亂華，燦爛過百花齊放。成績好的可以被拔尖，編進精英班。成績差的學校提供各式各樣的補底。同一間學校，已經有齊各式各樣的同學，點樣為之適合，點樣為之唔適合，已經好難有一個準則。如果是band 1C的同學去到band 1A學校，絕不會是孤獨。如果以為自己是band 1C的材料而錯過了band 1A學校的機會，失了向前的推動力，吃虧的始終是同學。「當時若不登高望，誰信東流海樣深」，唔試過又點知呢！

ANChan59

想當年我哋自行搏2個 1A，搏到第二選擇，因為知道他們每年收多少人，阿仔位置，加上冇面試，就搏得過。

所以你講可以全攻型是正確，不過功課要做得透！

978212

我唔知你嘅合適概念，我自己合適嘅概念包括成績（學業+課外活動）、成功率、小朋友嘅能力（唔想小朋友上中學需要留級甚至中途要轉校），我唔想小朋友冇晒自信，甚至選科時人哋揀剩先到他

ohnono

Ceci333  看甚麼性格的孩子呀．見過遇強越強，可惜也見過讀了神校而失自信失動力，中四揀科揀沒人要自己讀不來的科  發表於 1 小時前

神校一般都唔會理你，上中下三路成績的同學都有，玩可以玩埋一齊，學業上各自有小圈子。反為在非神校讀，如果讀唔上，一樣會失自信而失動力。總言之在那裡都是一樣。唔好神化左神校，亦唔好低估左非神校。有時在神校反為壓力沒這麼大，若在普通學校，成績不達標的，可能老師對這班同學會加大力度去催補。

littleflowers

其實，自行嗰兩個選擇，唔係應該入邊間都ok咩？好似我個女舊年係band 1頭，兩間自行都揀咗band 1a 學校，如果第一志願band 1a唔收，俾第二志願band 1b收咗，我就連大抽獎都冇得玩，我覺得唔甘心囉

ohnono

ANChan59 發表於 13-5-1 19:24
想當年我哋自行搏2個 1A，搏到第二選擇，因為知道他們每年收多少人，阿仔位置，加上冇面試，就搏得過。

所 ...

如果講選校，我講係一間可以進取，一間可以保守。只要考慮入唔入得到先。

如果講到功課，請放心。我既經驗係神校的自由度極高，功課量少得驚人，學習沒有框框，中二的同學可以計大學的數學，你亦可選擇合格算了。最難的反為止係怎樣去分配時間，在精彩的學校生活中，花幾多時間去玩，幾多時間溫習，和幾多時間睡覺，這才令人最是頭痛。
學業上，任憑你花盡努力，你亦未必可獲得高分。或可以過隔離中學版看看，家長的目標係班平均分，不是要100分，亦不是全班最高分。要獲得高分成績非要加一點異能，但只要努力，你肯定會有回報！那怕是你自己放棄吧。

ANChan59

回復 ohnono 的帖子

我跟你心目中的神校，十分自由，各自各精彩。
反而地區名校，大部份都谷及補課。

ohnono

ANChan59 發表於 13-5-1 23:24
回復 ohnono 的帖子

我跟你心目中的神校，十分自由，各自各精彩。

神校真係各自各精彩，越係精彩，同學就會越投入，越係投入就會係各自的領域上活出精彩。
反為止，我最怕亦最討厭那些學校不停測驗考試，還要不停見家長。除了褒揚成績好的，同時又貶謫成績差的，令學校交織著正負面情緒。

ANChan59

ohnono 發表於 13-5-2 00:18
神校真係各自各精彩，越係精彩，同學就會越投入，越係投入就會係各自的領域上活出精彩。 ...

今天要早瞓，明天阿囝開考IBDP。

fion6406

其實就算Band 1a 學生自行時願意揀Band 1b 學校，都唔會穩入咖。全港5萬3千個學生，除以9, 即5888個所謂Band 1 A學生。而學校連埋直資，計有約90 間Band 1a 及1b 校，自行每間計取55人（Band 1a 或1b 直資皆有小學部，也是大概收50外來生），即只收4950人，成功率也是84%而已……

978212

回復 ANChan59 的帖子

神校唔講成績我就唔係好信囉,冇記錯,你既仔仔應該係男拔返學,就攞男拔來講,你地個師弟,係璧球分齡組排第一,當年係你地學校主動搵佢既,當入左之後,成績跟唔上,班主任就一星期幾個電話打俾家長,家長都話煩到死,我仔仔同佢跟同一個教練既,不過佢係打專業咁打,我仔仔係鍛鍊身體,家長依架先明白間學校需要既係能夠幫學校攞獎,又要讀的書既小朋友.你同上面個位家長既小朋友係神校讀到書可能就冇呢方面既煩惱,其他有經歷既家長就唔同稔法.

crazymum

原帖由 ohnono 於 13-05-01 發表
如果全級第三，你話應該揀竹門定木門好？

邊間小學先？神級小學考尾10%可能已經叻過大部分屋邨小學學生！

chanwendy

乜自行結果唔係要等到放榜先知成唔成功架咩, 就算派入自行選過的學校, 都好似係唔知到底係自行收定係派位時派到架咩?  除咗私立直資係可以在放榜前知結果外, 其他不是都不會一早知咩?  咁點知全級頭 40 人都係自行成功呢?