khmama 請指教(迷惘中)

chanpa

不要選唐乃勤，不要以為它和莊啟程接龍，初中就升band，當唐乃勤有成績才算數。你看將軍澳直資中學就知，講就得，做就死。莊啟程在報章登廣告，收中四插班，就知它樓下唔得。

khmama

回復 chanpa 的帖子

唐乃勤2010年-2011年有5班共140人(小班教學), 莊啟程亦係5班, 如果以36人計就有180個位. 所以就算收晒唐乃勤既學生仍有位剩, 收插班生一o的都唔出奇. 唐乃勤屬band2頭, band2生選佢都係合適之選, 相信唔係諗住升band先至選.

師奶

保良局唐乃勤初中書院(九龍深水埗美荔道11號),此間和莊啟程接龍對嗎？？
係咪各位講緊呢間呢?
因朋友屬黄大仙區驚揀錯~~
謝謝!

khmama

回復 師奶 的帖子

係深水埗唐乃勤同莊啟程接龍.

yauling630730

khmama妳講中咗我嘅想法,
我選唐中不只為莊啟程

1.方便返學
2.不會錯配,自問囝囝在小學已讀得辛苦,佢唔係資優生,雖陪太子讀書才
能在小五及小六讀到精英班仲要係排名在後,每天佢放學後又要補習至晚上
九點幾,如果入讀英中及稍有名氣的我怕迫死佢.(可能都唔收佢)
3.我覺得唐中有心作育英才,而唔係英才為學校爭光.
4.我係明白莊之前入大學率係好高,因各方精英,訓街排隊希望入讀,所以名氣略大,
但我有信心唐中亦有不少老師及現就讀嘅小朋友付出佢哋嘅勞力爭取好成績應付高中挑戰.

至於日後成就係要多方面配合,有時以為好好,好適合,但到最後結果冇人能知,最重要
係個過程,我相信只要盡力就冇遺憾.

祝願所有小朋友能愉快學習

chanpa

我有朋友以前在唐乃勤工作，但她己離職，她說有得選，就選其他。

yauling630730

chanpa
想請問妳知不知道為什麼妳朋友會有這樣講法?
咩嘢問題,我已交表,聽妳咁講有點擔心.
可否回覆?

98730

回復 yauling630730 的帖子

妳好:
     我覺得.十隻手指有長短.亦沒有十全十美的中學.想真正了解學校的校風..可在學生放學時.到學校附近看看學生的行為.亦可問問學生對學校的睇法.若想了解學校對學生的支援.可到家長交流區.問問現有小朋友在讀的家長.因他們比沒有小朋友在讀的家長清楚得多.
     不要人云亦云.因為這樣對學校對現就讀的小朋友不公平.學校以前是什樣不重要.重要的是現在和將來.
     我覺得家長應要尊重小朋友的選擇.(當然小朋友的選擇.家長亦覺得適合小朋友的).一起努力向目標進發.做好面試.操好英文.(因面試是用英文的).
     祝妳小朋友面試成功.能入心儀的中學.

yauling630730

98730
我非常認同妳嘅講法,多謝妳的寶貴意見.
在這裹我有問題想請教妳,
我個囝由小一至小六都有補習(每日四個鐘)
想知唐中功課量多不多,因小學每天都有大約十五樣功課,
而我差不多每晚約十時才放工回到家中,冇法管教.
佢唔會自動波做曬d功課,自己溫書更加唔會.
唐中有冇課後功課支援?
如冇多唔多小朋友去補習?
知唔知附近邊間補習社較好?
我希望能成功入讀唐中,別冇它選.
謝謝妳的祝福

98730

回復 yauling630730 的帖子


.妳好:
       若妳和仔仔真的心儀唐中.就要好好準備面試.操好英文.(因我覺得妳仔仔.能面試的機會很大.)努力去爭取自己的目標.
       其次就是.要跟仔仔好好溝通.要他清楚了解.唐中只是初中書院.三年後就會到莊啟程讀高中.(當然成績要達標).家長應要帶小朋友到莊啟程看看週圍的環境.返學途徑.車程時間.附近食市環境.(因高中.學生是要出外吃飯的).讓小朋友有心理準備.有目標.
       妳問我仔仔功課多不多.我覺得不算多.仔仔也沒說功課多.只是長假期功課多小小.但他都能應付.
      但上到中學.自理能力就要加強.因有時功課今天做不一定是明天交.可能是下星期交的.所以自理能力要加強.
      學校的支援是有的.但要看是那一班和那一科.不是班班都有補課.亦不是科科都有補課.要看教你仔仔那一班或那一科的老師有否時間為學生補課..我仔仔今星期考試.通識和英文都有補課.數學老師.在聖誕假給了很多練習學生.在家操練.其他就沒有.
      妳問學校附近有沒有好的補習社.這我就不太清楚.因我家不住美孚.抱歉.
      我兒現逢一.三.四.都有到補習社補習.但都是溫書.功課自己會處理.因家庭環境關係.所以我堅持仔仔到補習社.(我跟他解釋.學校現逢二星期有一小測.KEEP住溫習.對他是有幫助的).他都沒抗拒.

yauling630730

98730
(非常感謝妳抽空回答我嘅問題)
今次如自行不成,
我囝話大抽獎甲乙都要選唐中,
真的希望成為唐中一份子,
唉.......等待真的折磨,
大家努力考好第三次呈分試.
祝願今屈小六學生順利入讀心儀中學.
再次多謝曾經睇過呢個post嘅朋友,
新年快樂,身體健康.

98730

回復 yauling630730 的帖子

妳好:
       不用多謝
       妳仔仔真的好喜歡唐中喔.這是好事.因小朋友有目標.他自然會發力爭取.媽媽只雖在旁鼓勵.那就事半功倍.
       祝願妳仔仔成功入讀唐中.
       註冊日記得PM我.我們相約在唐中.

yauling630730

98730
如唐中真的收我囝囝,
必定pm妳,相約飲茶.
哈哈好似收硬.