無心儀學校,點算?

gigivinda

原帖由 cktc1996 於 11-11-15 10:13 發表
我以前都只想仔讀地區名校..
但佢而家入咗一級名校後就明有嘜分別...
呢啲有歷史既傳統名校會有好多聯校活動, 仲有好多機構如大學, 甚至商業機構都會邀請學生參加一啲project. 呢啲資源和機會相對地區名校來講應該優 ...

除了“資源和機會”外，林護上上下下校長老師都是看成績指標辦學，平常和學生的互動就以學業公開試成績及入Ｕ％為目標。學生身心及將來人生和事業發展比較少理－－這反映在學生中四及大學選科上。不過，就未聽過林護踢人出校，反而補底、補課做得很多。所以，成績是有一定的保證。話分兩頭說，如果學生有那么好的條件，應該有很多其他的選擇。

csy_ma

原帖由 kswiss 於 11-11-14 18:30 發表
李兆基之所謂冇咁谷,係比較上,其實都開始谷.
我睇過佢既PROFILE, 通識用中文教.而且新高中學科唔多有得揀. ...

Kswiss：

我近來同林護學生多接觸咗，對該校既負面印象係減咗（在某個講林護既post分享過）。但確實，林護生或家長俾我既感覺，都是以成績作為一個評判某事既基準。不過，這可能是香港社會普遍既現象？

至於通識教授既語文，我唔建議作為揀校既評定主要基準。我教既其中一班，係林護中五生，有時，課內所討論既論說技巧，跟通識有很多重疊，因此會特別提一下遇到通識題時也應當以類似手法應付。

他們立即眾口一詞，說就算曉得用中文作答，也不懂用英文寫返 。我看了一下通識的考試範疇，當代中國部分佔相當比重，如三農問題，不易掌握。像我這樣一直跟內地接觸頗多，亦有跟進內地新聞和網站的前政論版編輯，面對一些題目時，亦無把握如何準確取分，你要那些小朋友如何用不熟悉的語言深入探討？

老實說，用中文考通識，要考得好，亦不是很簡單。我老闆係N年前的HKU畢業生，棄AO生涯而入報業，幹至克淫頓私人訪港都要接見的行業翹楚，並擁有大英帝國學院既博士文憑，佢都同我講，有時要將要講既中文化為英文講出黎，有一定程度既走樣同難度  假如你要求學校用六年時間可以訓練你既子女，可以在考試緊張時刻用英文如同中文一樣流利，係唔係大安旨意咗少少（讀國際學校又唔同）？

所以我預計，做咗一兩年白老鼠之後，會有愈黎愈多地區名校高中會改為用中文答通識，而在這個轉折時期，好多白老鼠會因為通識分數差強人意被犧牲了……家長真係要衡量清楚自己小朋友既英文學習進度，再考慮會否以通識用何語文考試為選校準則

黃巴士

kwiss,

幾位朋友囝囡小學時都玩開運動+成績ok, 上年入了可風, 功課不多, 多課外活動, 相信較適合"活動形"小朋友, , 暫見F.1唔係太谷.  校風唔錯.

五歲仔

原帖由 kswiss 於 11-11-14 18:30 發表
以我所見既'林護人 LAMWOOER', 無論係成年的或在學的, 給我既印象係不善交際, 內向, 被動, 叻係自己個'飯', 埋首鑽研自己喜愛的範疇. 我唔係想學校幫我訓練讀書機器. 將來這班人出到社會會點?

我有一位同事, 佢係仁立升林護, 之後HKU畢業, 在我眼中, 佢好有自信, 好outstanding, 善交際 (佢好幽默), 主動, 佢對母校好有歸屬感, 亦好自豪係林護畢業生, 佢亦好謙卑和有禮, 所以我對林護的印象都好好, 不過我只識這位林護畢業生, 唔知其他林護的學生係點

gigivinda

“質素”指公開試整體成績的話，ＬＷ一定是高質素學校，因為這些指標是可以量度的，已是公開的事實。

[ 本帖最後由 gigivinda 於 11-11-15 15:14 編輯 ]

alice44

原帖由 kswiss 於 11-11-15 13:18 發表
可惜學校係儒釋道.

有什麼問題呢? 你&你個小朋友係天主教/基督教?

csy_ma

原帖由 kswiss 於 11-11-15 13:16 發表
csy_ma,

多謝你的分析!

因我見大部份b1中學都係用英文教通識的.總之, 新高中課程對大家嚟講都做咗白老鼠.

是嗎？我沒有太大研究 （弊！連阿囡的第一目標中學以乜文教通識都未查清楚添 ），只是碰到一位叩門入何傳耀的校友家長，她說荃灣阿二也是以中文考通識？？

可風不評，因之前分享過，校長和副校似乎皆理科出身？家長會中，無論中英文的PPT皆有錯字 校長講辭假大空，像宣言多一點……雖然可風的學生（尤其女生）表現很好，有自信，講話較校長有point，但是……老公認識有朋友的朋友任教該校，亦不喜該校愈來愈多＂國民教育＂云云……總之，老公較不喜，囡囡又怕極東方塑像（聞說禮堂有），就放棄了。

關於通識，我講的只是很粗略的觀察。初看，有關當代中國部分，約佔通識題的三分一左右？而我教那班林護生，已是理科精英班，不乏級排名廿名內，以醫科為目標的積極上進學生。不過，以我對他們的了解，遇上當代中國的通識題，縱然用中文答，他們可能都會死得好慘（簡單如六十年代的內地飢荒，無論官方資料和實情均不大清楚） 所以我只叫他們避開有關題目便算了，反正我又不教通識。

[ 本帖最後由 csy_ma 於 11-11-15 20:19 編輯 ]

csy_ma

原帖由 csy_ma 於 11-11-15 20:13 發表


（弊！連阿囡的第一目標中學以乜文教通識都未查清楚添   ...

好彩，係用中文既 我以前都用過一個比喻：你練咗內氣功同外招式，重爭任督二脈未打通，通識科就像用外力打通任督二脈一樣，如果用英文，根本就好難有高階思維，就好似指黎指去都指唔正個穴位一樣。

而通識科既基本資料，好多時同時事有關。尤其是當代中國，外文既評論好多時都隔咗一層（自然，用另類角度去看也有助思維，但英美傳媒以其國為中心作評，香港的SCMP已無復當年勇），最佳參考既都係中文資料，理科生要清楚個背景都唔易（家長可以試試自己去了解一下什麼叫三農問題 ，可否作個簡單的腦圖，提一些有可能出的題目），仲點做到深入探討？？

所以，用英文答其實好蝕底，除非校內大部分學生都係用英文如同母語一樣（如某位已消失資深BK網友S君所言，香港學生的英文程度貧富懸殊程度愈來愈烈，傳統名校，初小已讀地區中學初中的故事書，但有些，很多需要家庭自小培養。到了中學，各方面都忙，如校內沒有過半同學習慣以英語溝通，就缺乏日常語境，差距只會愈來愈大 ）。

elbar

deleted.........

[ 本帖最後由 elbar 於 11-11-17 23:28 編輯 ]

csy_ma

原帖由 kswiss 於 11-11-15 20:56 發表
安柱冇家政讀, 呢點係令我地難以選擇之處. ...

原來安柱冇？自從曲奇話佢母校都開始谷之後，我都冇咩留意安柱既資料。不過，我而家教緊既初中班有安柱既，佢又真係話安柱冇咩功課噃

我認為，通識科，其實間間學校都缺乏經驗。舊年我參觀沙田某校，位音樂老師話被調到去教通識，我當堂O晒嘴，非常欣喜阿囡話因為果間學校既哥哥姐姐唔友善，唔鍾意佢云云

我唔知林護同安柱呢兩年考通識既成績，不過，由林護收生準則既變化－－佢著重面試既表現，而第二輪面試既小組討論，據聞又與通識有關－－由此看來，佢地可能覺得通識未必係教師既強項，有信心由冇教到有，而需要由收生質素開始緊抓。

有關通識科既認識，我主要係睇沙培既家書得知：
＂在中六開學初期，我對於這一科是完全一竅不通的。我每一次寫的essay的答案都是極膚淺，但是好多謝你每次都好用心地改我們每一篇essay，為我們準備好詳細相關的時事新聞資料，同我們分析答題技巧，要引用的theory，給我們好多有用的意見……"

以上是一位通識科考獲A級成績同學對某老師的謝辭，而該老師，是教局委任的通識科分區統籌員。沙培可以說在通識科行得比較前的，但它也只在初中時用英文上通識，到了上場殺敵時，還是乖乖亮出母語利器。大概因為，由極膚淺到攞高分，其中涉及很多思維技巧，不是死背可以解決的。

我又講一下教林X同學的經驗吧？其中一位，因非常努力和受教讓我挺喜歡的，其中文成績為級十名內，但最初收到佢既文，嚇一跳，當即很不客氣地回郵著其重做，並告訴他，近似的內容假如是我會如何寫……佢後來說，其實學校老師從未教過佢地點作文……

咁佢地都咁叻，唔知係唔係天資定氣氛？（不過該校既功課同試卷出題都有一套引導方式同理念，值得讚賞 ）我既理解，答通識既思維係更需要培養既。沙培同學經一年就操得咁弗，應該係個底已經唔錯。有朋友讀唐乃勤初中書院，佢地響全英既試卷中，會有中文既思考題，就係為通識作準備（據聞死響果D中文題手上既人好多，就算來自傳統名校既學生都唔識答）。

而在何中中一既家長，好肯定咁話俾我聽佢地係用中文既（因為佢問我借明報既通識材料，所以好記得）。您可以睇多幾年，估計應會有更多中學改以中文教通識

kls12

原帖由 csy_ma 於 11-11-15 21:48 發表


原來安柱冇？自從曲奇話佢母校都開始谷之後，我都冇咩留意安柱既資料。不過，我而家教緊既初中班有安柱既，佢又真係話安柱冇咩功課噃

我認為，通識科，其實間間學校都缺乏經驗。舊年我參觀沙田某校，位音樂老師話被 ...

csy_ma,
可否告知您是甚麼職業？教書定補習。
找中學要看有甚麼科選？要看通識是用中文定英文？

csy_ma

原帖由 kls12 於 11-11-15 22:27 發表

csy_ma,
可否告知您是甚麼職業？教書定補習。
找中學要看有甚麼科選？要看通識是用中文定英文？

皆不是：家庭煮婦＋非常不稱職的RA，幫中學生睇吓D中文，不過係因為好奇，義務幫朋友既子弟及其朋友吧了。

找中學要看甚麼選科？冇考慮到。我囡比較有個性，關於選校，可以長達整年抗拒老師的＂規勸＂。對於選校，我們只有做秘書幫她記錄重點、提供觀察報告的份兒，是沒有決定權的

選校，我們最主要會到校觀察，隨機找學生聊天，問其對學校的印象和感覺。囡囡是否喜歡那間中學，則多憑主觀印象：假如她碰到肯主動跟她聊天的學生，或笑容親切的示範姐姐時，她便會喜歡那校，如不，就不喜歡，很少在乎硬件。至於選科，以我剛才才找出阿囡近日決定既首選目標學校以何種語言教通識既例子，就知我多麼不慎密 。我囡並非成績頂尖（band1中），我們向來又不喜功課繁重，選校主要以功課量為主要考慮。在我看來，除非語境很不同的傳統名校，否則各校的差距將愈拉愈近。而我囡的性格，假如在同一跑道上，看見同行者的背影愈來愈遠，她很可能會就此放棄 。但如果她有機會佔前列位置，她就很少會讓自己掉得很後，所以我們都不傾向選大塘

至於有什麼選修科？這那麼多年後的事，不是我們主要的考慮。您看：取消TSA話冇就冇，由放風到實行好像才個零月？整個三三四學制，今年才第一年實行，當中的" 微調"空間大概還有很多？將來，不排除像大學般，學生可以到其他友校選修某些學科，一來可加強人的溝通交流，亦可拓寬眼界，對於學校來說，亦可創立各自的品牌和特色，這種幾贏方案照計應有實現的可能？

我囡將來要選文理或商科，現時跡象仍不明顯。以我的角度，中學階段，希望她以基礎性的學科為主，不太鼓勵她學偏向實用的商科。印象中，外國出名的MBA或EMBA課程，都傾向招收已有工作經驗的學生？選文或理，會影響思維的角度和慣性，商科可能傾向文科吧？

至於通識，我向來贊成用母語教。向現實低頭選英中，是逼於微調下，以我囡的成績（除英文在級前列位置外，其他科都較遜色），她縱使進了中中，估計也只會上英文班的，也只好向現實屈服 ）。何況，通常最催谷的，恰恰是力爭上游的中中，衡量一下成本，那倒不如選英中划得來一點？

ps:關於英中這玩意，迫於現實，我現在已沒有太抗拒。遙想張愛玲在港大當年，也會選擇以英文寫家書以盡快提高英語水平，加上，我們沒有Eviepa的能耐，能指定囡囡課外書的語文和種類，選擇英中以加強語境（所以也希望選較"閒"的中學，以便多看英文音樂電影或電視劇），也是沒辦法之中的辦法？