個女升中一了, 自己返/放學煩腦?

TINGMUM

每次個女自己出入, 我總是千叮萬囑要小心過馬路, 不要見行人綠公仔就過馬路(家父就係咁而被無良司機車到), 寧願等車停好先好過.  仲有, 每次上落小巴唔好最後一個落車, 落車時書包背在前面以免小巴關門時夾到,一落車唔好停留要立即行上行人路.  有天橋就寧願行遠D用天橋.    升FORM ONE 未係成熟, 如未READY,我會寧願帶到認為個女O.K.才放手.

ALAL

我反而想我個比我送他返學,因為家教會主席話他從小到大都送他個返學,大家感情好好,而我又沒有返工,有時間.
其實有MUD方法令小兒比我送他返學?

原帖由 prettyoni 於 11-8-5 15:17 發表
我個仔四年級已經自己行20分中路程返學，6年級搬左屋都係自己搭車返學。

其實升中一更加唔洗擔心，最緊要有個超級普通嘅手機比佢，set定上車、入校前、放學、上車、到家打比你就得了！

手機- 冇得上網、冇得聽歌嗰d ...

20091

我囡成日說:"我升中學了,大個囡了,要自己上學."
我同佢商量9月我們一起上學,放學自己,看佢表現啦!

suzmic2004

我都係個女6年級開始比佢自己搭馬鐵上學，同佢行幾次，最緊要叫佢小心過馬路，
留意周圍環境，帶手機(只有打出打入功能)，要報到，比信心佢，慢慢嘗試，就可以了，其實仍小朋友認路好叻，我個女今日就成功由馬鞍山出銅鑼灣找我！

khmama

阿女讀BRIDGING COURSE時送佢返咗幾日, 第一日教佢邊個站落車, 邊度搭車返屋企. 第二日專登遲一個站落, 教佢點行返轉頭, 等佢過咗站都識應付. 第三日唔出聲, 睇佢識唔識自己落. 跟住就比佢自己返.

fallenleaf

我記得早兩年有個9歲小妹妹每天由爸爸陪同一起返學，到學校門口，爸爸才返工。出事當日就係爸爸要去醫院覆診，小妹妹說可以自己返學，點知一落車過馬路時就被後來的車撞過正著。可知就算父母每天陪同返學，不以身作則，成日損車隙、跑燈，就算陪到幾大都無用。重有而家小朋友最喜歡一路行，一路玩電話，冬天又鐘意整條長一長的頸巾，書包又多掛飾，呢d先慘，細個唔開始管教，遲早出事。
放手之前都要做d野先好，起碼以身作則！

babaBear

與小朋友到鄰近學校的餐館吃早餐，在送小朋友回校途中還要裝作漫不經心說到鄰近學校的菜市場買菜，問小朋友有沒要想晚餐想吃什麼。

有機會右周六或日帶同小期友到鄰近學校的菜市場買菜，讓孩子體會住家菜的預備過雖，增加親子感情。

talknwrite

講得好,給你掌聲

talknwrite

你扮加入家教會, 咪可以有借口每天都陪阿仔返學囉

亞力士

by taxi is OK no problem

HPChingchingma

原帖由 ZZdaphne 於 11-8-5 13:58 發表
其實中一唔使一下子就放手,
個個小朋友都唔同,
睇住自己小朋友適應程度,
循序漸進地要佢自己處理,
我唔贊成中一放哂手,
中一,佢地太多野要從新適應,
只是我們應由主動式提供協助,
變成被動式提供協助. ...

其實中一唔使一下子就放手,
咁而家去到中一 真係唔洗 lu . 咁遲....

所以要早在 小六要早預備咯 .......... 其實早在小五, 六時訓練 .有 10 歲,, 好多野可以自己處理得到 , 上中學啦 , 除了父母 , 仲有個工人一同 上學,  仲係又唔駛自己背書包, 其實係佢地小朋友的圈圈,   的確僧比同輩笑的...........

在小五, 小六時, 可叫佢地幫手買報紙 , sunday 飲茶 , 父母早搵位, 有位時可叫佢地自己來 ,又坐巴士或 van 仔試下分開坐 2架  ...等等.

12歲有多 , 仲唔放手, 真的做的 < 直昇機父母 > ??  用埋眼仔監察佢地出入校園, 就真係長唔大 . good luck .....

[ 本帖最後由 HPChingchingma 於 11-8-7 16:14 編輯 ]

ZZdaphne

其實中一唔使一下子就放手,
咁而家去到中一 真係唔洗 lu . 咁遲....

----有心唔怕遲...

12歲有多 , 仲唔放手, 真的做的 < 直昇機父母 > ??  用埋眼仔監察佢地出入校園, 就真係長唔大 . good luck .....

-----你嘅提議都幾特別喎.

希望呢位家長睇清楚我個post.---
睇住自己小朋友適應程度,
循序漸進地要佢自己處理.

我係全職媽咪.
我自己都係响個小朋友5-6年級時,
畀key佢自己回家,
要佢自己到書局買文具,
教佢煮飯煮粉面炒蛋吸塵...........


你有高見提出無妨,
大家都是答樓主提問啫,

[ 本帖最後由 ZZdaphne 於 11-8-7 19:12 編輯 ]

TINGMUM

睇住自己小朋友適應程度,
循序漸進地要佢自己處理.

SUPPORT以上兩句!!!

孩子性格特質個個唔同, 2歲戒到片同3歲戒到片都是一個過程, 過程的處理中要睇小朋友適應得快些或慢些而己! 李同學10歲開始自己上學, 而張同學要11歲才能做到, 難道這就稱張同學家長為直昇機父母嗎? 有點兒那個了!

[ 本帖最後由 TINGMUM 於 11-8-8 13:50 編輯 ]

yukico

一個女仔自己返學放學, 若要搭地鐡搭巴士的話, 一定要提醒佢學識保護自己, 小心色狼, 搭緊車唔好瞓着覺。

Marians

中學生的生活只有準時返學, 無準時放學, 始終要放手, 提議你俾手提給小朋友, 叫佢出校門call 你, 上到車 又call 你, 媽媽只是不放心, 若然你肯俾電話我, 我會很高興, 就算他日佢想放學同同學tea無問題, 只想得個知字, 保持友好關係

Marians

ksenia

發覺依加BK既家長真係過分保護子女啦
想當年呀女4年班(佢依加中五),果陣已經比佢周街走,自己落街買野自己去補習
之後5年班就真係冇咩點理佢,佢自己又掂喎
6年班自己同D同學仔去海洋公園玩到12點幾先番(當然同學個爸爸係道)
中一就自己搭車番學放學咩都自己黎
其實依加D小朋友比以前果D醒好多架,不過就係過分依賴父母所以長唔大,試下放手啦
我女中一時都係細細粒,全班最矮,得140,都一樣掂,冇事架喎
或者如果你覺得小朋友仲係細既時候,陪多佢幾次佢就唔會想你陪架啦,可以試下帶佢番學,帶頭果2個禮拜睇下佢得唔得,之後再睇下情況慢慢黎!

ydoris

我都係阿囡6年級開始TRAIN佢,帶埋當時小二既妹妹去地鐵站等我,好快已經可以同埋阿妹坐車到灣仔我公司等我放工啦..今天阿女中一返學..第一次搭港鐵回家...要轉好多次車....我叫佢轉左車就打俾我...真係要D時間同準備架...

vincher

而家冇0麥手機冇得聽歌/收音機，辦法：0吾比配件子女
通常你話：我要最便宜的手機，便不可上網