2023 DSE 放榜.狀元來自.....

beastiebistro

猴子爸 發表於 23-7-28 13:56
你应该对SJC和旺角体院都很熟识。你会如何评价和比较这两间学校？因为曾经有朋友面对过这种抉择，所以很有 ...

我仔正係放棄Jo小，讀旺體小嘅例子。

好，我答案如下。不過先帶頭盔，兩間都係非常好學校，而意見只係我個人睇法。

我諗要分幾個層面睇：


1. 整體 - 旺體係「真 」12年一間學校教育，Jo記其實嚴格嚟講係兩間6年有聯繫學校。出面人睇可能好似分別不大（尤其係Jo記都收得返差不多7成半／8成小學部學生。但實際上就係有分別）。旺體小學生因為基本上100%直升，又冇呈分試壓力，所以有大量空間／時間／選擇去玩去explore，男仔真係好需要。而且小一入學就係諗住讀12年，好多嘢舖排可以靈活啲，其實歸屬感係真係大啲。雖然兩間學校嘅畢業生都有好多愛校人士，但係程度係有少少分別嘅。

2. 資源 - 唔使解釋太多啦，完全冇得比較（包括硬件或者唔同範疇嘅軟件）。校園分別超大，旺體有好多嘢即場就有得玩，Jo記就要借場或者輪用。校園設施亦同歸屬感有關，旺體學生放學大把嘢玩，幾乎唔捨得離開學校，Jo仔就要急急腳走人。旺體有大量資源去提供課外活動俾學生試，Jo記津校始終資源有限。雖然兩校師資普遍都好好，可能不相伯仲，但係人數上又係冇得比。

3. 升學輔導 - 呢樣嘢我感受特別深。旺體有資源，淨係全職生涯規劃部門有四個員工（係全職唔使教書嘅）。無論Jupas、Non-Jupas、香港大專學府、英美澳加大學全部瞭如指掌，更有大量工作坊俾家長學生參與，所以旺體學生出路其實有好多。Jo記係津校，升學輔導其實係一兩位老師兼職負責，資源相差太大。（點解我感受咁深？因為Jo記成個summer mentorship programme，就係我一手一腳喺16年前成立同營運至今。）

4. 我其實主要係喺海外升學版嗰邊流連，亦多次講過我唔認為學校同學術增值有好大關係。（其實我個人睇法係比較特別嘅，我認為所有學校都係學術負增值嘅，因為讀書係小朋友自己。分別只係某啲學校負增值能力低啲，唔會咁窒礙學生發展，嗰啲就算好學校）。所以我從來唔覺得學校整體成績有太大意義。當然我意思唔係隨便揀間band 3學校都同band 1學校都一樣（氣氛都有好大分別啦），不過講真大家都係band 1學校，使鬼計較幾個百分點，或者再細分band 1abcdefg呢？呢方面兩間都冇咩問題。咁當然旺體有IB選擇，梗係有啲着數，始終「有得揀，先係老闆」。

5. 咁旺體有咩唔好呢？要俾學費。如果家庭狀況唔允許，咁又無須專登節衣縮食去旺體，Jo記都非常唔錯。如果小朋友好唔自律，喺旺體係有機會沉底。因為冇呈分壓力大家都直升，上咗中學部先諗住發力追有機會追唔到。Jo記仔講到底都經歷過呈分，唔得嘅升中已經淘汰咗（有好有唔好咁啦）。

其實要講仲可以有排講，呢度少少我個人睇法。我諗對一般（成績／數據至上）嘅香港家長嚟講好似兩間冇咩分別喎，咁唯有講係我奇特。始終氛圍呢啲比較抽象嘅感覺，可能對實際啲嘅香港人嚟講冇咩意義。

beastiebistro

猴子爸 發表於 23-7-28 14:12
现在的说法，是旺角体院比较读得书那些学生，都入了精英班，而精英班的共识，就是要入IB。可是，IB和DSE， ...

說法不盡準確。旺體確實係讀得嘅都自然會入精英組別，但係精英組別其實有三班（總共係分9班，唔係7班。精英組別3班，中等組別3班，補底組別又3班。），所以唔係個個精英組別都會/想入IB班。當然精英組別入IB班比例係高嘅，但係亦有同學仔覺得自己適合DSE，所以選擇DSE stream（例如某啲諗住留港讀醫嘅精英組別同學）。
我都話，我認為學校只有負增值，所以讀DSE是但一間都OK。旺體好處係有多個選擇。但係對我嚟講呢個考慮根本唔係好重要...

猴子爸

beastiebistro 發表於 23-7-28 23:24
說法不盡準確。旺體確實係讀得嘅都自然會入精英組別，但係精英組別其實有三班（總共係分9班，唔係7班。精英 ...

多谢你这么详细的回应。我看到的，是两间学校的最大分别就是学校的资源，还有就是家长的资源，也因为这些资源，学生可以得到更多支援，也可以有更多选择。在DBS比较自由的校风下，学生够自律的话，可以得到更好的发展。 对吗？
更引申一些的讲，直资有更多的资源，能够交出成绩的话，就有压倒性的优势？ 这个不是挑战性的问题，而是我自己都不肯定的疑问。

tpmon

Rpp 發表於 23-7-28 14:07
如果資源充足嘅我會選擇旺角體院，特異功能嘅始終都係另外一班，讀書嘅又係另外一班完全無影響。
...

DBS 的 IB 課程成績強，有機會值得讀。

beastiebistro

猴子爸 發表於 23-7-29 23:16
多谢你这么详细的回应。我看到的，是两间学校的最大分别就是学校的资源，还有就是家长的资源，也因为这些资 ...

原則上是這樣沒錯，實際上當然有其他考慮。

1. 我都講過唔只一次，我認為只focus on學業成績唔太實際。讀書唔應該只求成績結果，其他過程／得着同樣重要。有資源唔單只關成績事，對全人發展同埋其他方面嘅裝備都更好。況且旺體有9班差不多250人，亦全收小學部升上嚟嘅學生。Jo記5班再走咗可能一班咁多人，上中一篩走一批Band 3學生，結果考DSE嘅可能得~140人。我認為直接以成績比對冇咩大意義。

2. 自律學生可以發展更好，是必然的吧，哪間學校都一樣。旺體自律學生自然會入精英／中級班，適合嘅亦會進入IB部，喜歡嘅亦會留喺DSE班。我着眼嘅反而係學校俾佢哋嘅support，令佢哋更清楚前路，可以就住能力興趣搵到最合適嘅發展。可能係喺香港嘅大學，甚至海外好學府繼續升學。要知，現今世上好嘅大學越嚟越難入，越嚟越早要做準備。有資源，有資訊就可以早早對症下藥，成功機會亦更大。壓倒性嘅優勢喺呢度而唔係簡單嘅考試成績。

3. 好多人「聽」到好多訊息或者以訛傳訛嘅傳聞，甚麼用完即棄，甚麼自生自滅。我認為通常好事都冇咩人講，聽到啲人都覺得係應該嘅（因為有資源嘛），唔會appreciate學校對學生嘅幫助，反而零星對學校不滿嘅case就會無限放大。有冇諗過，嗰啲家長就係對學校不滿大造文章，執著個別case就話旺體趙完鬆，其實好幼稚。一屆二百幾個學生有幾個點幫都幫唔到有幾奇？我反而覺得呢類家長當初入學可能因為特異功能，覺得個仔入咗旺體，學校就有責任自動令佢小朋友品學兼優，忽略咗小朋友自身需要投入嘅責任。Jo記都有讀唔成書嘅同學，點解又唔講下呢？所以讀唔讀得成書，我認為最後都係睇小朋友有冇了解需要自律，冇得怨學校。就算係呢類同學，我認為都唔可以忽略學校喺非學術範疇對佢哋嘅栽培，冇話全無得着。

4. 旺體要收學費，家長決定參加當然衡量過先make commitment，認為值得先會入讀。呢類家長大部份都比較理性，當然無需要係討論區大吹大擂。所以有網友話旺體家長好少喺討論區同其他人舌劍唇槍我認為係必然嘅事，根本無需要泥漿摔角。

5. 資源分別一定有，我認為更大嘅分別係因為有資源而引申嘅教學態度。可以更加實踐全人教育嘅理念，學生更有自信，soft skills準備更加全面。Jo記學生有部分都有呢方面能力，不過更多嚟自家庭嘅支援，所以變咗係比較個別例子（之所以我話現今「好打得」或者「唔打得都睇得」嘅變咗少數）。

我都講過呢個係直資系統嘅必然結果，唔係學校行政或者取態嘅問題。我唔認為兩間學校喺提供自身能力範圍最好嘅教育俾學生有分別，兩間都係盡心盡力想幫學生。現實就係直資係政府搞出嚟嘅「怪物」，但係政策已經行咗，亦唔會喺短時間改變。既然制度係咁，作為家長只可以揀最適合小朋友發展嘅路。

對不起大家，我又長篇大論。又講一次，全部都係我個人睇法。兩間都係好學校。

Rpp

tpmon 發表於 23-7-30 00:11
DBS 的 IB 課程成績強，有機會值得讀。

偏科的同學讀IB比較難學。

poonseelai

Rpp 發表於 23-7-30 00:57
偏科的同學讀IB比較難學。

又例如想讀齊phy, chem, bio三科一定dse, ib最多兩科science subjects

b3410

poonseelai 發表於 23-7-30 09:10
又例如想讀齊phy, chem, bio三科一定dse, ib最多兩科science subjects

phy chem bio 雖然辛苦，不過大學揀科又的確範圍廣，少侷限

b3410

poonseelai 發表於 23-7-30 09:10
又例如想讀齊phy, chem, bio三科一定dse, ib最多兩科science subjects

重複

ANChan59

beastiebistro 發表於 23-7-28 19:43
我仔正係放棄Jo小，讀旺體小嘅例子。

好，我答案如下。不過先帶頭盔，兩間都係非常好學校，而意見只係我個 ...

多謝你的分享，很少人會對這兩間學校這樣清楚。

第3點，這個Further Studies Office 聽講不是因為直資才有，以前都有，只係轉直資之後加入更多資源。

而且也不單是為在海外大學或者香港的大學提供輔導，還有國內，台灣，甚至本地大專升學輔導。之前被個別家長網友恥笑，事實上FSO，就係為所有學生提供升學輔導，不單單是為尖子及神科。

第5點，我有些補充，體校在學費及宿舍費用有不同的資助，就算係以不同獎學金入讀，課程中如果有變化，學校也會提供其他資助，讓學生可以讀完中學。

例如阿仔一個同學，前港隊田徑代表，因為受傷不能再以運動成績取運動奬學金，所以教練及學校安排其他奬學金。而且教練及老師輔導他收拾心情將精力由田徑轉去學術。他用兩年最後追到入 1B組。

靠著無比毅力，最後入到科大GBus，當年報紙也有報道，但大部份人都會略過這些有上進心的學生(emoji)鬥故事，只聚焦流言或者負面例子。

你講得最啱，不能將所有責任推哂俾學校，如果自己不願意負責，不願意努力，誰也幫不了。

ANChan59

beastiebistro 發表於 23-7-30 00:48
原則上是這樣沒錯，實際上當然有其他考慮。

1. 我都講過唔只一次，我認為只focus on學業成績唔太實際。讀 ...

如果用完即棄，只可以呃一兩年，點會無止境㗎。

信者常信，不信這長不信。

你看看，你講你的觀點，有冇人認同？只當係個別例子，繼續相信以主訛傳訛。

pipeter.john

poonseelai 發表於 23-7-30 09:10
又例如想讀齊phy, chem, bio三科一定dse, ib最多兩科science subjects

所以比較少lB同學大學選自然科學。比起lB狀元，DSE狀元就多D選擇科學。

beastiebistro

ANChan59 發表於 23-7-30 14:06
多謝你的分享，很少人會對這兩間學校這樣清楚。

第3點，這個Further Studies Office 聽講不是因為直資才 ...

多謝陳sir補充。既然有網友問，我想盡量客觀持平咁講我個人意見，亦真係好難會有人有我對兩間學校嘅深入認識。

係嘅，FSO絕對係幫所有想要幫咗嘅同學，我只係概括講咗佢部分職能。當然好似我上面講，學生（或家長）某程度都要盡少少責任，唔可以諗住飯來張口。

我都有留意過嗰位因傷唔能夠再比賽嘅同學嘅故事，我認為正正就反映我講嘅普遍心態。"冇咩特別啫，旺體咁多資源，照顧多個學生好小事"，其實咪正正係用完即棄嘅相反囉。不過好事冇咩人有興趣㗎喇，只有朋友嘅朋友嘅朋友傳返嚟嘅趙完鬆先可信。

beastiebistro

ANChan59 發表於 23-7-30 14:10
如果用完即棄，只可以呃一兩年，點會無止境㗎。

信者常信，不信這長不信。

唔會啦，好多非旺體家長根本唔「想」相信（葡萄又好，競爭心理又好，簡單唔信有「咁大隻蛤乸」又好...）。

Rpp

beastiebistro 發表於 23-7-30 00:48
原則上是這樣沒錯，實際上當然有其他考慮。

1. 我都講過唔只一次，我認為只focus on學業成績唔太實際。讀 ...

運動員用完即棄？成績唔靚麗唔畀報DSE? 有幾個網友一直都傳，做左廿幾年某校老師依家都算幾熟了．我特登傾過呢個問題，佢一口講無呢回事。不過投資運動員係最燒錢嘅野。

beastiebistro

Rpp 發表於 23-7-30 15:34
運動員用完即棄？成績唔靚麗唔畀報DSE? 有幾個網友一直都傳，做左廿幾年某校老師依家都算幾熟了．我特登傾 ...

街度都有人講㗎。

明就明，唔明嘅根本就「道不同」，直頭連點醒佢都嘥時間。

我講咁多都算「厚多士」㗎喇。

ANChan59

beastiebistro 發表於 23-7-30 15:19
多謝陳sir補充。既然有網友問，我想盡量客觀持平咁講我個人意見，亦真係好難會有人有我對兩間學校嘅深入認 ...

所以我之前咪講咗，如果係真係咁差嘅，呃一次兩次可以，一早執笠啦。

朋友嘅朋友嘅朋友咪即係以訛傳訛，不負責任。我都相信部分真係酸葡萄，所以有很多時候懶得回應這些謠言！

ANChan59

Rpp 發表於 23-7-30 15:34
運動員用完即棄？成績唔靚麗唔畀報DSE? 有幾個網友一直都傳，做左廿幾年某校老師依家都算幾熟了．我特登傾 ...

旺角體校係栽培咗好多香港精英運動員及音樂人。

Rpp

ANChan59 發表於 23-7-30 15:50
所以我之前咪講咗，如果係真係咁差嘅，呃一次兩次可以，一早執笠啦。

朋友嘅朋友嘅朋友咪即係以訛傳訛， ...

不過，有一樣係真㗎，如果以特異功能入去，唔受訓運動，成績又唔好，教練真係會口頭警告，再一意孤行會直接畀封信此校不適合。

ANChan59

Rpp 發表於 23-7-30 16:05
不過，有一樣係真㗎，如果以特異功能入去，唔受訓運動，成績又唔好，教練真係會口頭警告，再一意孤行會直 ...

我想借這個機會講得清楚啲，因為你這樣寫，其他人會有可能誤解。

如果以運動或者其他特殊技能入學嘅，學生都係未成年，所以真正簽約嘅係學生家長而不是學生本人。希望大家清楚這不是不平等合約，學校對學生，係學校對家長。

條文我曾經同朋友討論過合約內容是否合理，因為在EK及出面都講特異功能學生係攞奬機器，我很好奇。朋友告之只有幾個條件KPI，第一是校隊成員所以要參加校隊訓練，出席率要不能低於八成。第二是本土比賽時，不論是否正選名單都要出席支持。第三是非練習及比賽時間正常上堂，努力學習及考試。

條文沒有要求為學校攞奬才可以延續獎學金，只係要求學生做作為校隊成員的基本要求。當然家長唔會話自己個仔訓練出席率只有五成，一直冇正選，所以梗係話用完即棄等等。

每學期見家長時，家長會知道學生學業成績外，在校隊的 KPI表現如何，應該知道會否被口頭警告，抑或書面警告，可能最後才是勸退。

換句話說，學生幾年做足KPI就已經有獎學金，當然可以考DSE。如果三個條件都違反，被勸退也是情理之中！

學生因為特別訓練比賽缺課，老師會補課，師兄會幫手補習，肯學係可以跟到課程的，但係會比其他同學辛苦，這個是事實。

朋友同時問教練如果中三中四不想參加校隊，沒有運動員獎學金，會否要求退學。答案係可以申請其他種類獎、助學金，校隊邊緣運動員會這樣考慮。

另一個問題係如果有能力及想讀1B，咁運動員獎金會否支持，答案係學校一樣支持，增加獎學金金額。

所以你老師朋友講學校對運動員的各種支持是十分重要。