觀塘B2,咁排穩陣嗎?

Carmen_Fok

觀小讀,老師話統計三次呈分後排名係5X/160,係B2A學生,老師依然建議放觀中第一,但我已覺冇咩希望,老師唔建議我將他區放得前過第八志願,但我認為放太後根本冇機會入,大家幫幫我睇下,我已經排到頭好痛,又怕放錯

1)觀塘官立中學
2)可立中學（嗇色園主辦）
3)聖若瑟英文中學
3)聖公會梁季彝中學
4)寧波第二中學
5)仁濟醫院羅陳楚思中學
6)聖公會基孝中學

Carmen_Fok

觀中都冇信心可入,聖言和順天比觀中還熱門,怕把機會白白浪費了~

Pennydorathy

回復 Carmen_Fok 的帖子

我驚、無信心，信老師，因他們有經驗！

Carmen_Fok

回復 Pennydorathy 的帖子

多謝 elbar 同 Pennydorathy 的幫忙, 仲想問下,我將"可立"應放咩位置比較適合呢?

ohnono

老師估計你小朋友應是邊緣同學，所以提議你第一志願搏官中。

如果你真是band 1，當然可以搏聖言啦，但老師都考慮埋一個band 1尾邊緣同學去得到聖言都好吃力。所以我覺得老師提議官中。況且官塘band 1男同學多數都係聖言或者觀瑪，如果band 1同學放官中第一應該都好大機會。

咁如果係band 2又點呢。你放可立就有點危險，除了錯band 之外，得幾個位去抽就有點浪費。除了浪費個第二志願之外，人家聖若瑟和梁季彝都係官塘區band 2同學的熱門黎架，你重要放第三，真係唔敢想像。

既然有機會第一、第二和第三都唔得的時候，看看第四志願的寧波二，寧波二直情係首選熱門添，除非你放第一，否則機會極微，但你偏偏放第四。

頭四個志願已經浪費左，做成羅陳楚思和基孝又被迫退後，我諗你派唔到羅陳或基孝就要看高雷或者何明華了。

Carmen_Fok

回復 ohnono 的帖子

好多謝你既分析,看來我應該再一次排過了,如我這樣排,又可行嗎?  請指教, 感謝幫忙

1)觀官
2)聖若瑟
3)梁季彝
4)基孝
5)羅陳楚思
6)堅樂
7)五邑司徒浩

安格斯媽媽

你是b2a,第1,2志願是b1生選擇拎個靚隨機編號靚都無用，要所有b1生派後才有機會，第3,4是b2生熱門，放第一志願都未必抽到，想穩陣應該第1羅陳楚思，第2基考，第3五邑，第4宁公，第5基智，第6開始b3如高雷，何明華，功樂

Pennydorathy

其實那間放第一？別人很難代你決定，我個人認為首先要：
1）自己先行和兒子商量那幾間想讀？
2）小朋友的強和弱，一定要清楚。

其次：
1）老師要你揀官中，會否兒子平時功課和成績都好，祇不過呈分的時候不及其他同學，所以排名略後；如果要叩門，學校會幫忙嗎？
2）小朋友實力真的是band2，就不要選聖言和官瑪，比他入到，他能應付嗎？
當然，你覺得他可以，你可以試；否則，未來六年，他都排在尾，他的自信可能被磨滅，無學校擔保百分百入大學率。
3）如果真的是band2男孩子，我會選擇聖苦瑟，因為全男，機會大一點。

祇是個人表達，請三思或可先和老師溝通。

安格斯媽媽

你不是觀小學生很難以b2成績派入觀中，除非banding錯，聖約瑟位少，又是男生熱門放第一要隨機編號很前，還預有b1生以它為保險線，余下給b2生抽會更少，放第二機會更微，這樣會浪費兩個志願

ohnono

如果第一間老師叫你放官中，我覺得都值得花一個志願去搏。免得如果自己真係band 1時就唔抵。況且第一放棄聖言、觀瑪跟人比併，官中絕對有機會。

第二選基考或者羅陳。始終在官塘band 2組別裡，以寧二和聖若瑟會較多人作第一選擇。

第三、四、五位以五邑、寧公、基智順自己喜好填上就可以。反正最壞的情況下以第六的高雷和第七的何明華作雙保險。

第八之後雖則是無關痛癢，個仍建議盡量填寫。

Carmen_Fok

回復 安格斯媽媽 的帖子

我是觀小生,那第一觀中還可以嗎?那第二可選那比較穩陣呢?謝謝幫忙

Carmen_Fok

回復 ohnono 的帖子

多謝你的意見，我大約也知道頭７位應如何排，但在揀本區Ｂ３中學之前，不能先放他區Ｂ２先嗎？之後才選本區Ｂ３不是更好嗎？感激幫忙～THANKS!!

ohnono

Carmen_Fok 發表於 13-4-27 19:07
回復 ohnono 的帖子

多謝你的意見，我大約也知道頭７位應如何排，但在揀本區Ｂ３中學之前，不能先放他區Ｂ ...

當你有個想法就係若派往最尾果幾間band 2尾的學校跟派去高雷也沒有分別的時候，你可用他區的band 2學校放在這幾間band 2尾的學校之前，落去搏一搏。原因係就算你搏完返黎，結果係搏唔到的話，你他區之後的本區band 2學校都有機會未必會派得到，你每放一間他區，本區的志願就會退後一個位置，要有心理準備好有可能要落去高雷才有機會抽。

Carmen_Fok

回復 ohnono 的帖子

我明白當選擇了他區，再回本區時，已經只有Ｂ３可選了，我是有心理準備，所以我會先選好本區所有Ｂ２之後才選他區Ｂ２，之後再回本區Ｂ３。

安格斯媽媽

觀小生？秀明？可以的，觀塘官小可以以b2成績上官中，有聯繫學額，大部份b1生會試其他b1中學，還有少量位給b2學生的，老師應該知道不是太多同學選觀中所以請你選，但老師有無了解另一間觀小有多少同學選就唔知，如果他有了解機會會更大，相反我囝囝上年老師建議我選其他學校，即是掉開我少一個爭入觀中，但結果我入到老師建議的中學，其實第二志願那間老師會清楚，起碼他知同校b2同學選擇，會平均分，但最主要你喜歡那間更重要

Carmen_Fok

回復 安格斯媽媽 的帖子

是的，是秀明觀小，老師建議寧波二中選第二，但第二還會有機嗎？

安格斯媽媽

上年我是另一間，頭三志願老師沒有改，第四開始是選觀塘b2老師將排序更改，在我來講影響不大，因為我沒有心儀選擇所以跟了老師建議，我保險線是他區b2。
老師有這樣提議都是想同學不要一齊選某校，宁二都是B2A選擇，但首要你是否喜歡，萬一觀中落空，最有機會派入宁二

obieso

請問寧二真的是B2A嗎? 同級有邊幾間?當中優劣點比較?
求賜教

Cello093

obieso 發表於 13-5-22 21:16
請問寧二真的是B2A嗎?

當然不是，只是學校收了很多Band 2學生而已。

hagupit

Carmen_Fok 發表於 13-4-27 19:52
回復 安格斯媽媽 的帖子

是的，是秀明觀小，老師建議寧波二中選第二，但第二還會有機嗎？ ...

請問秀明觀小全級幾多名之前會是Band 1?