是否做錯了？

karen2323

其實我也不知這個問題是否應該放於這個版面。事原在個幾月前，我女和我說：她調位後，後面兩位同學經常趁老師背轉身或行到課室另一邊時傾計或哼歌，我個女覺得好騷擾，於是叫同學不要再這樣做，但當然被同學罵：扮晒嘢！由於情況沒有改善，我忍唔住打比班主任，班主任話唔覺那幾位同學有傾計或哼歌情況，加上我個女因為屬於心直口快之人，之前已因向老師反映同學違規情況而被同學罵，所以今次我已同老師，請他看看可怎樣解決又不會弄致與同學關係咁僵。

老實講因嚟緊是畢業試，做家長的當然緊張，在我角度有問題當然要向學校反映。點知阿囡話班主任向全班同學講有同學及家長話同學上課傾計，那幾位同學被老師話完之後，便向我個女單單打打，又話如2果操行跌分係我個女做成的。他們仲話自己好慘好想喊，仲要我個女向他們道歉。我個女就話我：唔該你以後唔好再咁多事，否則我只會被罵得更慘！

其實我好嬲，我已同班主任講，請他小心處理，現在情況更為嚴重，我是不是不應該再打去學校？我去取是因為怕學生太嘈而影響個女上課，但如我再致電學校，老師會唔會覺得我是一個攪事的媽咪？同時我又怕老師因為此原因，要叩門時唔會幫我寫推薦信。我真的做錯了？如果是你們，你們是否不會打電話去學校？

Ceci333

不會了．淡化事件好的．

猴子爸

其实应该对班主任讲还是不讲，真的要看情形。
如果女儿是得宠的，我就会讲。
如果不是被班主任宠爱的，我就不会讲。
如果那些同学很敌对，又屡劝不改，我就会叫女儿先拍下录影，因为现在“有相有真相”，然后才向学校反映。否则，有机会反过来被人家诬告，说自己为了踩人家的操行分而做出卑鄙行为。

cc_2012

karen2323 發表於 12-5-28 10:32
其實我也不知這個問題是否應該放於這個版面。事原在個幾月前，我女和我說：她調位後，後面兩位同學經常趁老 ...

處理這類事情要較謹慎,在老師的角度,好難做到那個家長投訴就去話那邉幾個同學,要做通常成班一切罵,這又要睇個老師係個點嘅人,總之都係幾難嘅動作。
我之前個仔成日俾其中一老師寫手册話上堂傾偈及不守秩序,我問個仔是否屬實,再提醒佢操行好緊要,佢話初初有,之後改善左後,那老師都有寫,但已疏了,我就約班主任面談,說明並非不服那老師的做法,只想如何改善(包括雙方),班主任講了對小兒的印象,形容他並非很頑劣,只較好動,亦明白家長所憂慮的,會與其他老師看看有否再注意及溝通的好方法。及後已無再發生同類事情,當然,同時間在家裡我亦不斷與兒子解釋。
我算好彩,遇到個有心攪好雙方關係嘅老師,但有D老師壓力大,再接到D投訴又唔識溝通,就係堂上爆,D小朋友更唔識就更糟。
建議一方面與自己仔女解釋,一定要做好自己,那些無心向學的不用理會她們怎說怎講(你亦阻不了),一方面約班主任面談,了解對方多一點,如是不講理或偏私就再約更高層說個明白。
但這些都是很煩及要時間,看看你是否須要還是忍耐吧!!

一點點分享,謝謝~~

curryson

阿仔升中一時,佢話個班長好寸,態度好差,成日鬧同學,話人低能啊,xxx(粗口),我問佢有冇被鬧過,阿仔話冇,不過係睇唔慣班長的做事方法;我叫佢去同班主任反映,佢唔肯,佢話班長係班主任任命的;後來家長會時,我同班主任提返里件事,班主任話唔覺班長態度差,佢好幫得手,不過佢會留意.....見班主任咁的態度我都很後悔講咗里件事出來,因為我家小朋友又不是受害者.都好擔心小朋友從此會被人針對,不過後來阿仔話班長的態度改善咗了,總算是一顆大石掉咗落地.
所以遇到什麼樣的老師真係好緊要,好似樓主果種老師就真係唔合格,不理家長的設訴係點,佢都不應該公開同學的名去激化矛盾.

pooh仔

奌會冇喇喇帶相機返學㗎？！就算有都會可以上堂時取機拍攝㗎？！

Yanamami

pooh仔 發表於 12-5-28 11:52
奌會冇喇喇帶相機返學㗎？！就算有都會可以上堂時取機拍攝㗎？！

手機都可以錄像, 但無人明目張膽拍囉.  仲有個來月畢業.  唔係怕事, 但多一事不如少一事.

zashikibuta

我囡囡以前亦試過被坐後面的男同學上堂時用腳踢佢張椅，結果我同班主任講了，但強調只想了解件事，幸好囡囡一向是老師眼中的好學生，所以老師較信任囡囡，最後亦要求大家向對方道歉(那男生話囡囡出去時，移椅時撞到佢張枱)。我同意先睇小朋友係老師眼中有何評價，先決定應否作出投訴。坦白講老師邊睇到咁多，通常傾向相信一向品學兼優的學生。

生媽媽

坦白講，其實我見意不用多事，冇辦法要班主任處理，當楚你應該叫你囡囡申請換位，因為你囡囡操行在班主任手上操控，好多中學除咗睇成積外，對於操行亦非常重要，我所知叩門時，有些中學見到操行B級就已經不比表你。

生媽媽

回復 zashikibuta 的帖子

認同你所講。

Sandy_Wong

我認為最緊要教好自已的子女,唔好理人地,當人地係"透明"的，讀好自已的書,好快就畢業啦!

pchui2046

回復 karen2323 的帖子

除咗打交或者好嚴重嘅行為問題，否則只需教小朋友如何應付便可。

peaceandlove

回復 karen2323 的帖子

換我，我不會介入，
好好跟孩子聊聊，分析評估一下，然後讓她去自己處理

HY412

阿囡學校一班有40人, 日日都有大大小小問題發生, 只要唔涉及郁手或粗言攻擊, 就叫阿囡學習忍耐, 始終係群體生活麻.  

** 中學情況更嚴重, 要灌輸定埋 "好" 堆 .

nungma

我也選擇不再紏纒，讓事情過去，小事一宗，你也不要唔開心，唔打都打咗咯，你都唔知個結果係咁㗎，呢件事，你身邊所有人好快就唔記得，話唔定你個女同果兩個同學好快又玩埋一堆，你都不要放在心上，呀女好快又中學，大學，做事，嫁人，哈哈，人生就係咁！

peaceandlove

讓孩子自己在學校生活裡面學習吧，家長太干預，會妨礙到他們成長的空間，我們也不需教他們怎樣怎樣，就是討論就好，適當附上一點引導，然後讓孩子去處理，就是處理不好，不如理想，也不就是孩子需要學習到的失敗跟反省契機嗎？

JustAParent

我的原則是，如果孩子受到老師不公平對待，一定出聲，我不怕他手握什麼操行分，這是骨氣和給絕對權力說不；如果孩子和同學爭執，在無暴力和不失控前題下，我不參與，要給他學會獨立和與不同人相處。這年紀的小孩，和你講在學校的不快，是信任你和找發洩對象，不等於叫你參與，很多孩子討厭父母干涉他和同學之間的事。

Chowwy

"細路仔既小爭執就由細路仔自己解決啦" - agree no more!

呀仔係學校比人改花名, 取笑, 唔開心, 我地教他怎樣面對, 沒有向班主任投訴.後來,才知道班主任是一個喜歡孩子獨立學習面對困難的人, 不喜歡家長插手, 阻礙學生成長. 所以, 真係好睇老師的教學理念.

既已你的孩子沒有求你出手, 為什麼不讓她自行面對與處理?
若她找你呻, 就聽聽她吧, 安慰她~~~~~~~~~~