乙部可以填別區中學 ?

bestwish

我睇過khmama的填表策略。 提意不要填band 3 學校。 可以填他區學校睇下有冇得執雞。

禁我想問, 乙部都可以填他區學校?  乙部會接受他區學生咩 ??????

係咪即係派完派淨, 如果仲有位, 就會派跨區學生 ?

pooh仔

原帖由 bestwish 於 13-03-28 發表
本帖最後由 bestwish 於 13-3-28 14:11 編輯

我睇過khmama的填表策略。 提意不要填band 3 學校。 可以填 ...

中學選校同小一有啲唔同，
中學網除了自己區內學校外， 還回撥啲他區學校學額，但位唔多， 所以你填表時會有張校網list (跟據小學校網), 以那張lust 去選校。 並不是可以簡list 以外怹他校網

ohnono

回復 bestwish 的帖子

統一乙部的「他區」學校跟其他區的學校有分別。「他區」學校是由教局指定某幾間別區中學提供部份學額給本區的同學選擇。目的為了填補區內某個banding學額之不足，亦可平衡各區的學校選擇。


「他區」跟甲部的「跨區」派位又不同。甲部是不受校網限制，所以甲部的「跨區」是同學可自由選擇不同校網的學校。

bestwish

ohnono 發表於 13-3-28 14:28
回復 bestwish 的帖子

統一乙部的「他區」學校跟其他區的學校有分別。「他區」學校是由教局指定某幾間別區 ...

禁即係咪另一條隊, 唔係大圍條隊呀?

ohnono

bestwish 發表於 13-3-28 15:27
禁即係咪另一條隊, 唔係大圍條隊呀?

係同一條隊。你要在乙部30個志願中花一個志願去選擇這類得幾個位的「他區」學校。搏唔搏就見人見智。

bestwish

ohnono 發表於 13-3-28 15:37
係同一條隊。你要在乙部30個志願中花一個志願去選擇這類得幾個位的「他區」學校。搏唔搏就見人見智。 ...

唔明, 同一條隊又點會得幾個位 ?

安格斯媽媽

原帖由 bestwish 於 13-03-28 發表
唔明, 同一條隊又點會得幾個位 ?

他區中學只會安排几個位給你們校網，例如上年觀塘網有約十間b2中學，再加他區如將軍澳，港島東區，黃大仙及九龍城等有共二十間，但每間只供2-1x學額若b2生排列正確應不會派入b3的

ohnono

bestwish 發表於 13-3-28 15:53
唔明, 同一條隊又點會得幾個位 ?

統一派位乙部有分本區和他區兩種學校，他區學校的目的就係從別區抽調一些數目的學額用來填補本區之不足。

但教局亦為了平衡各區的學校選擇，有時一間學校要提供幾個區(例如皇仁書院，要比三個位東區的同時，也要比四個位中西區)，因此不可能每區提供太多數量。所以當本區學位不夠派時，教局會向別區學校埋手，由眾多學校的幾個幾個位組成一定的學位數目提供給缺小學位的地區。


此等幾個幾個組成的「他區」學額，原則上跟本區的沒有分別，同學可自由選擇，但因為每間學校提供的學位不太多，因此並不受家長歡迎，多數都放棄放在較前的志願的位置。


亦正因如此，卻制造了一些冷門機會給一些喜歡搏一搏的家長。既然沒有人夠膽放前列位置的，若有家長將之放在較前的志願，咁成功都唔係話沒機會，視乎有機多人會咁樣搏。


教局雖將之放入同一條隊，但家長可以唔揀、放在第一志願或將之放在較後的位置搏沒人揀而自己的隨機號碼又唔好的時候就有機會派到。任君選擇！

bestwish

ohnono 發表於 13-3-28 16:37
統一派位乙部有分本區和他區兩種學校，他區學校的目的就係從別區抽調一些數目的學額用來填補本區之不足。
...

係咪即係你地所講每間5-1x個位只供乙部跨區學生。

2BMa

睇你夠唔夠膽博，而且個隨機NO正唔正。

ohnono

bestwish 發表於 13-3-28 22:45
係咪即係你地所講每間5-1x個位只供乙部跨區學生。

有得10個8個位那些應該係統一派位甲部先會有咁多。甲部是冇區域限制，所以可跨區派位。
乙部那些他區位，每間學校通常都係給2、3個位比第二個區作為他區位，比到4個位的都已經好少。

安格斯媽媽

唔係博熱門b1頭都唔難，我上年放棄同本區學生爭8x個學位的b1校，改將只有8個位他區b1校放第一也成功

khmama

你似乎搞唔清乙部抽獎只供本區學生抽，唔會有他區學生抽本區學位，除非個他區學生轉入嚟變成本區學生，先可以在乙部抽本區學位. 通常本區嘅學校有較多學位抽，一般有幾十個，但如果本區學生太多，本區學位唔夠派，就會由他區借啲學位比本區學生抽，但每間他區學校唔會借到好多位，通常得幾個.

bestwish

khmama 發表於 13-3-28 23:25
你似乎搞唔清乙部抽獎只供本區學生抽，唔會有他區學生抽本區學位，除非個他區學生轉入嚟變成本區學生，先可 ...

我就係唔明, 禁點解乙部可以填他區學校?  

講禁耐講唔到重點啊 !

他區學校本身有他區的學生抽。禁你地所講的幾個位, 禁點抽同點派 ?

elbar

bestwish 發表於 13-3-28 14:09
我睇過khmama的填表策略。 提意不要填band 3 學校。 可以填他區學校睇下有冇得執雞。

禁我想問, 乙部都可 ...

一般資料

l
2011/2013年度中學學位分配辦法簡介單張

l
2011/2013年度中學學位分配辦法光碟

第一部分 : 概述 [參加資格 / 自行分配學位 / 統一派位]

第二部分 : 概述 [自行分配學位的配對 / 派位組別的劃分 / 統一派位]

l
2011/2013年度中學學位分配辦法簡報
[2012年10月]

ohnono

bestwish 發表於 13-3-31 17:17
我就係唔明, 禁點解乙部可以填他區學校?  

講禁耐講唔到重點啊 !

之前都已經講左，不過都照答多一次。


點解乙部可以填他區學校?

------------------
因為本區的學額的不足，或教局要平衡各區的學校質素(例如黃大仙區，他在九龍城區借了瑪利諾修女4個位，但又要借返保一2個位比官塘)，所以要借其他區的學額，而這類學額就叫做「他區」。上面的例子，瑪利諾修女本是九龍城區的本區學校，但因借了4個位給黃大仙區，因此這4個瑪利諾修女的位在黃大仙區就成了「他區」位，但瑪修仍然保留了110個位(99個給直屬小學和11個給區內其他學生去抽)供九龍城區內的學生。


這類「他區」的學額跟本區的學額本質上沒分別，只要是本區的學生都可以揀。如以上的例子，只要是黃大仙區內的女學生(這4個位是只比黃大仙區抽的，其他區沒份) ，都可以揀選瑪利諾修女(那4個他區位)作為統一派位乙部的第一、二、三、四、五..........的志願。之不過一般家長心態都希望揀一間有60、70個位的學校放在第一志願機會多一點而矣。


每一年教局都會於5月初派發一份中學分區概覽給升中學生，裡面詳列當年的本區學校/學位和他區的學校/學位數目，學生可依照自己意願選擇學校，不論本區或他區的學校，並將之填落乙部之選校次序就可以。


P.S.他區位雖然數目不多，但正因為數目不多，同學唔夠膽選或放在較前的志願。但如果有同學將其放第一或較前的位置就可能有機會一擊即中！但若果碰著人多選就要視乎好唔好彩，個隨機號碼靚唔靚。

fion6406

原帖由 bestwish 於 13-03-31 發表
本帖最後由 bestwish 於 13-3-31 17:18 編輯

張統一表有得你揀既他區學位，你就可以揀囉，同本區學位一樣處理方法，係位少囉，每間他區學校通常一兩個位，總之你收到張Form有得揀就可以揀。如深水埗區有沙田學校揀一樣

13-3-31 21:22 上傳

下載附件 (31.59 KB)

khmama

即是你本區本來只係賣橙，隔離區只係賣柑，但係嚟本區買生果嘅人太多，唔夠橙派，咪去隔離區攞幾個柑，放係堆橙入面比你揀，明未？

redkoni

bestwish 發表於 13-3-31 17:17
我就係唔明, 禁點解乙部可以填他區學校?  

講禁耐講唔到重點啊 !

他區學校本身有他區的學生抽。禁你地所講的幾個位, 禁點抽同點派 ?

重點是你其實不用理會本區及他區這些專用名詞！且先看看以下的例子：

舊年乙部大抽獎，何明華會督銀禧中學 共有104個派位，分佈於四個校網：深水埗區有10個、九龍城區有86個、黃大仙區有2個、觀塘區有6個。

由於銀禧中學屬於九龍城區校網，所以九龍城區校網的學生乙部揀銀禧便叫做揀「本區」學校，並且可以抽其86個學額；亦因為銀禧並不屬於深水埗區校網，故深水埗區校網的學生乙部揀銀禧便叫做揀「他區」學校，而且只能抽其10個學額；如是者，黃大仙區校網的學生乙部揀銀禧同樣叫做揀「他區」學校，只能抽其2個學額；觀塘區校網的學生乙部揀銀禧都是叫做揀「他區」學校，只能抽其6個學額。

就係咁簡單，如果仲唔明都唔緊要嘅，最緊要一世夠運，哈哈。 幸運是我

chrischeung

回復 安格斯媽媽 的帖子

你系米油尖選黃芴南`?我見數恉一樣