升中派位漏洞 家長未交同意書 兒子已獲取錄

elbar

劉先生展示兒子的小六學生證及學校同意書，對「順利」入讀直資學校感驚訝。



升中派位機制經過數次改變，至今仍存在漏洞。有學生早前參與直資學校面試，獲取錄後仍決定參加統一派位，學生家長沒有向學校簽署承諾入讀同意書及提交相關文件，但最終學校成功取錄該學生。家長批評整個認證制度形同虛設。

家住沙田的劉太兒子下學年升中，年初她攜子到區內直資學校林大輝中學申請報讀作派位「保險」。 4月接受面試後，校方願意取錄其子，着她先交 600元留位費，日內再遞交教育局所派發的小六學生證及學校承諾同意書，證明願意放棄其他政府資助的中一學位，劉太繳款後再作考慮，決定放棄入讀該校並保留文件。校方同意書列明，若不交回文件即視作放棄學位論。

兩個月來，學校只曾致電劉太一次，詢問她其子會否參加校內活動，從未問她會否放棄學位，劉太已為兒子挑選統一派位的心儀中學。

教局指交留位費反映意願

上周放榜日，她滿心期望回校領取派位資料，結果叫她大吃一驚，「張紙話阿仔入林大輝（中學），咁即係話佢根本無跌入個派位機制」。她致電教育局，對方指「教育局只係第三者，佢哋梗係信中學嘅滙報，你個仔無可能可以派位」。劉太認為，機制明顯存在問題，「寫明唔交文件就作廢，教育局指引都講明我必須交學生證同埋簽同意書，咁點解個仔仲入到學，請問呢啲文件同機制有咩用」？

教育局卻提供事件另一版本，發言人指林大輝中學決定取錄該生後，家長即繳交留位費，反映家長的入讀意願；至 4月中旬學校兩度致電家長要求補交資料，家長亦承諾補交，所以認為家長沒有改變立場，校方遂將其子納入取錄名單，經校長簽署再交予教育局處理。對於為何未交齊文件仍能順利入學，發言人未有回應。

林大輝中學校長吳奇壎表示，會了解事件是否涉及人為過失，但強調校方一定會與家長保持聯絡，「家長交完留位費之後，我哋一定會聯絡佢，叫佢補交齊所有文件，除非家長親口話放棄，唔係我哋都會視作取錄」。他指，小六學生證及同意書均由學校保管，毋須向教育局繳交。

greendotdot

原帖由 elbar 於 10-7-12 15:10 發表
教育局卻提供事件另一版本，發言人指林大輝中學決定取錄該生後，家長即繳交留位費，反映家長的入讀意願；至 4月中旬學校兩度致電家長要求補交資料，家長亦承諾補交，所以認為家長沒有改變立場，校方遂將其子納入取錄名單，經校長簽署再交予教育局處理。對於為何未交齊文件仍能順利入學，發言人未有回應。

這個case如果屬實，政府真係好似幫埋啲直資「住搶」，唔怪得曾經有專業人仕提醒家長，在统一派位乙部只要在選校次序曾經揀過派位直資，最後如果不能從家長的選擇派位，電腦會優先派另一間還有剩位的派位直資俾果位學生，因此選校時也要留意這點。

greendotdot

呢啲所謂專業人仕意見，不是我自己作！




直資中學或「不選也派」
(星島)2009年4月22日 星期三 06:30

(綜合報道)
(星島日報
報道)直資中學取錄中一學生可以有三種方法：第一種是完全自行收生，例如聖保羅男女中學、拔萃男書院
和拔萃女書院等；第二種是部分學額作自行收生，部分則由政府派位；第三種則是完全由政府派位。
　　不少家長以為，直資中學是「不選不派」，但原來有機會「不選也派」。中學學位分配委員會主席黃美美表示，如果家長在統一派位選校表內，有選過任何一所直資中學，即使學生最後不獲派所選的直資中學，但也有可能被派往另一所有參加統一派位但家長沒有揀選的直資中學，情況跟資助中學的派位方法相似。「只要在三十個志願內，有選擇過直資中學，學生是有機會被派去直資學校，故家長要留意。」
　　○九學年本港共有五十三所直資中學開辦中一，其中有二十一所會參加統一派位，分布全港九區，其中以深水埗最多共有五所，其次則是東區有四所。由於直資中學一般都要繳交學費，故家長替子女選報直資學校時要有心理準備，宜先查閱學校網頁，了解學費詳情。

wan2010

我個女個同學嘅case差不多，佢一早註冊了林大輝，但政府又俾佢大抽獎，佢以為有double chance!

jumum

同意Kenfu的看法。如果不想子女入這所中學,為什麼不直接告訴校方?

greendotdot

睇報道似「羅生門」，事實局外人無從稽考，但我認為政府應該有些機制，向家長確認一下，才去取消該等學生參加统一派位。

不排除有些家長聽人講，除非簽回「直資諾同意書」，否則政府不會取消派位，果啲直資學校有可能為咗搶客，遊說家長，落訂交留位費，以表誠意，諸如此類...，遇到這種情況，未必個個家長意識到所謂「合約精神」，以為交留位費並不等同簽回「直資諾同意書」，以為買個保險也無妨，派位派得唔好才去交埋尾數，如果係咁情況，我覺得家長唔係「撒賴」，係被人「誤導」，直資學校應該要先向家長講清楚才收佢地留位費。未必個個家長(包括本人)都可以咁精明嘛。

RainyDay

好多家長都想買個保險架啦, 無可口非既...我覺得個間X大輝有D問題喎....比咗留位費姐, 又無簽合同..... 個小朋友咪好慘, 無啦啦無咗個機會...超錯囉...

petunia

家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家長擺明就想玩手段咁「買保險」。佢又有無想過教育局同埋學校很難做的？

家長向直資學校提交入讀申請，並確認收生後，學校需要通知教育局該名學生不會再接受派位。....教育局這種做法理由是，全港收生已經不足的情況下，你派左A學校但係走左去讀X直資，A學校就無端端收少左一個學生。多10個咁樣的家長，A學校就會不明不白地面臨殺校線。

這一名家長，為了子女的升中前途，已經走上不擇手段的方法，又交留位費，又專登唔表明立場是否保留學位，不單止林大x中學，無論邊間直資，呢位家長都會咁樣玩野，俾佢派到位，發現原來俾林大x差，佢就發脾四話交左留位費等於無交；on the other hand，就係依家的情況。

家長一開始就立心不良，無論是不是因漏洞而出問題，呢位家長已經不值同情。好的津校直資都收晒生了，同林大x都反埋面，讀都讀得唔安心.....

自食其果！

mimikitty28

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

davidmimi

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

完全贊成

呢位家長好似買咗樓，俾埋錢，但就唔去簽約，如果賣方唔交幢樓出來，佢應該嘈到拆天！

princesserela

同意！

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

aryee

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

同意，根本係司馬超之心。派得好就無交同意書，派得唔好就話交左留位費。

judy

依家啲家長真醒，俾佢諗到交錢唔交文件呢招。

我估，佢嘅如意算盤是，交了留位費，再參加派位，如派得不好，即到直資学校交涉。如学校不收，佢會大大聲話，不是交了留位費了嗎？不是說過補交文件嗎？現在我就來交文件了。

這件事，政府要嚴肅處理林大輝中学。不是說要有小六同意書嗎？沒有同意書在手，怎能上報！

另一個要嚴肅處理的是那教局發言人，甚麼"交留位費反映意願"， 將來個個個家長間間学校交留位費留位，仲有制度嘅？

至於家長，當然永遠係一啲錯都冇嘅，千錯萬錯，此乃社會嘅錯，係政府嘅錯。

samuel89

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

對呢位家長深表同情, 愛莫能肋.....
根本成個漏洞都系呢位家長自己掘出來....而家自己"捐"入左個窿諗住"抖抖", 點知一個屈尾十俾林大x封死左個出口...無奈...

20091

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

Sami

我都覺得個家長問題lor..佢想買保險, 又唔想直接話比校方知唔讀, 如大抽奬唔好, 就先去讀, 佢都交左留位費la..如果真係唔想讀, 要等大抽奬, 應該一早同校方講唔會讀, 咁就唔會有誤會la...

原帖由 jumum 於 10-7-12 23:04 發表
同意Kenfu的看法。如果不想子女入這所中學,為什麼不直接告訴校方?

ivory0915

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

同意 ~

mamimummy

原帖由 petunia 於 10-7-13 08:56 發表
家長是不是在輸打嬴要呢？

換轉是林大x如果(記住....如果！)是band 1直資，佢交左留位費但係因為未交文件就無得讀，咁佢會唔會又投訴留位費不等於留位呢？

作為家長，用盡方法幫小朋友搵合心水的中學，這種情緒不難明白，但呢位家 ...

stanleya

我覺得林大x都都好難做.佢見家長交左留位費一定有責任留翻個位比個小朋友啦, 如果佢唔留位, 咁小朋友又派得唔好, 咁點同個家長交代? 可能佢以為你家長大頭蝦未補文件啫.所有家長都應該知道揀左直資就要放棄中央派位. 如果諗住唔讀一定要同學校講清楚.
當然如果學校在上報時再謹慎明確同家長講聲未收到你的文件,搞清楚家長意願.咁就最好啦.
不過香港教育派位制度真係玩死人. 最慘係d小朋友. 見到佢地喊得好悽涼, 真係好唔開心.