音小究竟係間咩學校？

aquaho12

小朋友有音小offer, 好想了解多啲音小。上網爬文好多人都當係水泡，究竟音小d學生學術水平係點？音小多唔多功課測驗默書，係唔係好谷？希望大家比d資訊，謝謝

阿厘爸爸

我有同事個仔讀音小，是一條龍學校，入到去一定要學一種樂器，老師hea教，因為老師期間家長會幫小朋友報讀外面d英文班、數學班俾小朋友。

結果我同事個仔升中的時候，都報咗GH楊殷娣中學，而家讀緊GH中一。

如果有其他一條龍小學offer，就選擇其他，音小是一個水泡

libra2018

aquaho12 發表於 25-11-23 22:06
小朋友有音小offer, 好想了解多啲音小。上網爬文好多人都當係水泡，究竟音小d學生學術水平係點？音小多唔多 ...

百貨百客。
呢個世界沒有最好的學校，只有比較適合。

sharebuy

阿厘爸爸 發表於 25-11-23 23:26
我有同事個仔讀音小，是一條龍學校，入到去一定要學一種樂器，老師hea教，因為老師期間家長會幫小朋友報讀 ...

請問呢句咩意思「老師期間家長會幫小朋友報讀外面d英文班」 ？

GundamSeedZero

回覆 aquaho12 的帖子

我個人認為課程安排配合得唔錯。


至於學術水平，你可以參考猴子爸，DSE 2025 中英數 5+% 排名
https://www.edu-kingdom.com/forum.php?mod=viewthread&tid=3885352

像谷友說，「百貨百客」家長認為合適就好了。



我之前都以為是純happy school，但原來不是。

睇得出音小對學術是有要求的，但又不是「越級挑戰」和「死谷」那款，而且老師真的超級有愛。

學校的要求和步伐我覺得是合適，不會令小朋友太hea同時見到小朋友不斷成長，肯學習。

由於是一條龍12年，不用呈分試谷爆小朋友，我相信可以讓小朋友身心都平穩地發展，



一開學已定好了默書和評估的日期，不會逼埋一齊，家長可以早作準備。

家長也能時常參與學校的活動，當然會順便觀察其他學生的操行，整體而言都真的很純很乖。


之前有谷友提及過「學校的制度很好」，親身經歷緊就明白了。(私校制度始終彈性較大)


最緊要是我見到自己小朋友每日返學都好開心，又學到野。


唯一考慮，是交通問題，因為音小在山上的學校村。如果考慮校巴，就要預留這筆支出。