如何栽培資優小朋友

CaptainLevi

小兒今年十歲，年初做了評估145+ (Visual spatial 155 Fluid Reasoning 151 Verbal 係High Average) 小朋友個性溫和友善、好聽活，有良好社交。學習上算是專注，除了不喜歡作文，沒有明顯弱項，但學習態度非常被動，甚少主動學習。我自己和不少老師都有鼓勵佢多點自學，但小朋友好確實回答：I am not that type of person, I prefer guideline, if you give me 300 questions, I will do it.

數學嘅學習能力係高的，現在有學奧數，大部分時間放在運動上面。想搵一些數學/科學課程或練習，希望大家俾啲建議，感謝!

LeeCC

未搵到引起佢興趣的事，又或者未有志同道合同佢sync到的朋友，帶佢參加不同活動，參觀/參加一些科研比賽，識多人，見識下，等佢去發掘新興趣

呢d小朋友只要發掘到興趣，就會自發去做，到時你阻都阻唔到佢

akys

CaptainLevi 發表於 25-8-18 19:40
小兒今年十歲，年初做了評估145+ (Visual spatial 155 Fluid Reasoning 151 Verbal 係High average) 小朋友 ...

其實不用特別安排，玩多啲，睇多啲書去開竅(揾興趣)，反而留意語文尤其佢唔鍾意作文(我估中文?)

作文呢，呢個技能未來可以100%由Al取代，衹要輸入idea, keyword, 莎士比亞又好，孔子又好，都可寫出來，但考試仍然要用呢。

CaptainLevi

LeeCC 發表於 25-8-20 08:10
未搵到引起佢興趣的事，又或者未有志同道合同佢sync到的朋友，帶佢參加不同活動，參觀/參加一些科研比賽， ...

暫時興趣都係數學、科學方面，但唔算話好明顯。 五、六歲時曾經迷過下做數，但追到家姐程度之後熱情好似少咗，而家最鐘意做嘅嘢應該係YouTube睇人打機

數學比賽有參加過幾次，但冇交到朋友，之前學校有個好叻嘅學長，阿仔好想同佢交流，可惜學長已經轉校。阿仔都鍾意玩board games，不過咁啱friend嗰幾個又唔多玩。

Greylay

CaptainLevi 發表於 25-8-20 23:13
暫時興趣都係數學、科學方面，但唔算話好明顯。 五、六歲時曾經迷過下做數，但追到家姐程度之後熱情好似少 ...

可以考慮加入資優兒童家長會，比較容易搵到志同道合嘅人一齊玩

CaptainLevi

akys 發表於 25-8-20 19:59
其實不用特別安排，玩多啲，睇多啲書去開竅(揾興趣)，反而留意語文尤其佢唔鍾意作文(我估中文?)

作文呢， ...

係英文…中文寫作我哋已經放棄咗…

佢作文其中一個最大障礙係冇發生過嘅事佢好似寫唔出咁…而且效率好低、成日發夢，試過成個鐘寫得幾十字…

我爬文睇到話PSI高嘅小朋友，一般都好快手，但佢呢個Very Superior 就好多嘢都好慢！食飯如果唔理佢，一碟意粉可以食個半鐘、刷牙去廁所乜嘢都慢…飲杯奶又可以磨你十幾分鐘…

akys

CaptainLevi 發表於 25-8-21 13:44
係英文…中文寫作我哋已經放棄咗…

佢作文其中一個最大障礙係冇發生過嘅事佢好似寫唔出咁…而且效率好低 ...

我嗰個英文好勁，中作超差。當年CP開口就問佢中作係咪好差，佢話中作設計上不利這類轉得快嘅孩子，在句子內要考慮如何放入成語，修辭，明暗喻，排比等，手追唔上個腦咁話。我覺得與其刻意培養強項，反而應該保底弱項，雖然吃力不討好，但都要做㗎。

IQ高與成績好不好並不等同，要看佢哋心情，特別係正確心態。所以要搵多啲嘢俾佢哋玩，有錢嘅有好多付錢嘅好活動，冇錢嘅可以參加學校奧數隊，xx隊，學校亦會幫忙加入HKAGE 等活動， 去搵出喜歡嘅事物。

CaptainLevi

Greylay 發表於 25-8-21 01:33
可以考慮加入資優兒童家長會，比較容易搵到志同道合嘅人一齊玩

謝謝

CaptainLevi

akys 發表於 25-8-22 12:10
我嗰個英文好勁，中作超差。當年CP開口就問佢中作係咪好差，佢話中作設計上不利這類轉得快嘅孩子，在句子 ...

今年會報HKAGE，科大DP如果冇學校提名是否極難入？
如果收費的有什麼建議？ 謝謝