朋友幫仔仔選中學, 話最重要學校不可放學生出去吃飯???

GIGI168

佢話乜都係假, 最緊要學校唔比出外吃飯, 你地會否是考慮之列???

2隻臭豬

回復 GIGI168 的帖子

會, 不過唔係最重要 , 如果自己鍾意個間可以出去食我都會揀  

ohnono

有d係中一至中三唔比，中四或以上就比。

杰杰媽媽

我會睇,但唔係最主要, 越遲可以出街食就最好啦

‵v′bb

杰杰媽媽 發表於 12-11-21 15:56
我會睇,但唔係最主要, 越遲可以出街食就最好啦

me too

ohnono

阿仔學校中一都可以出外吃飯，經過第一年好奇心驅使外出和朋友吃飯之後，今年鳥倦知還了，邊度都唔想去，留在學校飯堂，吃完還可睇下別人打波。

當然考慮時還要看學校的地區，那些較僻的，或者附近沒有選擇的，倒不如留校午膳算了。但情況許可的，有時識得放下，佢行極都唔會行好遠。你成日收緊晒，佢越想走，走得更遠去逃避大人的魔掌！

cmvfamily

我都覺得唔出去食飯，好似好d，但唔係最主要因素。

One-Mama

如果只係食物之考慮, 大可自備飯盒, 但如果為了阻止仔仔隨街走, 就以此為選校首要考慮, 便有點斬腳趾避沙蟲吧.

Meikin

我都覺得唔出去食有好處, 但選校時冇諗過這方面, 只要入到心儀的學校, 入郷隨俗啦.

阿仔嗰間中一規定留校食飯盒, 今年中二有得出去食, 最初一個月真是興致勃勃出去揾食, 但好快就知揾食艱難, 上上落落, 又要等位, 最近的商場food court又貴, 去遠些又花時間......結果都係多數留在學校canteen買野食, 食完仲夠時間打波或做其他事.

我曾經都擔心過佢外出午膳的安全問題, 不過遲早都有第一次, 唔擔心得咁多, 惟有多叮嚀佢過馬路小心D.

km822

呀仔剛升中一，選學校時真係完全無捻過呢一方面。呀仔學校中一已經可以出外食飯，但係佢都好少出去食，因為學校又平又好味喎，重可以留番啲時間打乒乓球。反而佢小學同學入左間中一至中五都冇得出去食飯嘅學校，呢位同學形容自己似坐緊監。

mayc

大家留意吓,Banding 越高的學校,管得越少!

Yanamami

阿囡間女校, F1仔第一日番學(非夏令時間)都要出外食lunch. 學校無飯堂/ 訂飯. 不過lunch time 係11:20a.m. 食頭輪, 唔洗爭位之餘亦少機會碰到他校學生或其他食客. 佢地食完其他學校先放lunch. 所以呢個安排都OK.

yschau

mayc 發表於 12-11-22 08:15
大家留意吓,Banding 越高的學校,管得越少!

講得啱

connie0420

冇得出去食飯,我覺得不是太大問題,最重要係吾係心儀學校,校風好

bb86

我會睇,但唔係最主要考慮

jj7723

又好似係wor!
我地呢區2間B1A 中一已經出街食, 反而幾間B3要中三先可以。

ELJCHL

原帖由 ‵v′bb 於 12-11-21 發表
me too

Yes agreed

fion6406

原帖由 mayc 於 12-11-22 發表
大家留意吓,Banding 越高的學校,管得越少!

或者樓主朋友正是要揀選Band 2尾/3 學校，所以校風緊要，要揀些管得嚴的。

ohnono

我又唔覺乜野band 1學生可以管自己，band 3學生就唔可以自己管自己！
BPS夠係band 1頭喇，咪一樣低班唔可以外出。

其實我覺得大部份band 1學校都經歷有半世紀，校舍的位置多是近住宅和市中心，校舍的設計在當時是沒有考慮到預留空間給用作飯堂。迫不得以才因循著以往的做法，午飯時放學生外出。

相反band 2、3的學校較新，設計上已顧及全日學制，早已預留地方作飯堂之用，亦騰空地方給學生休息。因此實有利於學校推行校內就食，除可協助家長提供有營養的膳食之外(家長一定喜歡，起碼唔駛擔心佢地在外面唔知食埋d乜野)，還可培養同學對學校的歸屬感。早幾年九華在家教會的協助下，改善了午膳的供應和服務，令一眾同學可在如此舒適的環境下享用午膳。