聖保羅男女 23/24 招生

fatman69

Dylanli2017 發表於 22-12-6 17:21
其實前領既同學補完後是咪多數都有5，6科5**？ 讀cc壓力真是唔講得少，讀1A尚且每相差0.5分相差1個名次，cc ...

哈哈！真係吾知佢地將來攞幾多個5**啦！只知好多在校都有船，咁嘅成績將來考DSE 會點？大致上都會符合期望掛？
至於壓力？當你以為自己考得幾好，拿住張成績對照表去比對，但發現科科都在中位以下時，就知強手如林係點解！
所以好多中一家長都會謙遜咁話，希望考到前100名就願啦！

little4kids

開咗學幾個月, 從小朋友口中都感受到啲同學有幾犀利, 唔係犀利在家底,係犀利在能力! 我哋係攞住兩條船入的，不過小朋友都感覺到自己只係好普通，但這班小朋友係有壓力就有動力，我都同佢講中一考到前100已經好犀利啦，見佢測驗啲分數，都真係顛覆咗小學嘅認知!

朋友方面我見佢都男男女女玩得幾開心呀！有約過一齊食飯，有住過宿舍，有認識一啲確實係好有家底嘅朋友(從交流口中知道住邊估到)、亦都很多普通家庭人士，大家相處都融合，放學有一齊坐車，返到屋企又會group chat, 自信定自卑都係自己俾自己嘅，唔會有人在乎，出到嚟社會都有唔同階層啦！唔通入到一間公司做嘢，你會因為唔夠同事/太子女有錢自卑咩。都係做好自己

B.B.BaBa

考到前100名？各位家長可能都要失望了.... 都無名次，又何來前 100？

Dylanli2017

B.B.BaBa 發表於 22-12-7 08:45
考到前100名？各位家長可能都要失望了.... 都無名次，又何來前 100？

好似是前30先有名次？前30仲有機會入神科，如果考30名後，我情願去讀1a好過，有時自信對人既發揮水準有好大影響。

B.B.BaBa

各位同學做好自己就得啦...  

好多人補習，但又好多人瘋狂打機，又好多人參加 N 項活動，有人上堂狂瞓覺.... 呢D狀況大家又知唔知？CC唔係全校都怪物、只會喪讀書、鬥成績鬥家底..... 其實同一般中學生活大同小異，乜人都有，戀愛大過天、下一站天后、考試出猫、free rider、離魂大法、火星人.......

補習呢件事，應該咁講，你專心上堂，有唔明識得去搵老師問到明，唔補習其實都無問題。反過來... 去左補習，有得倚賴，上堂仲會唔會咁專心？有問題仲會唔會問老師？有得補習，上堂聽書已經變成浪費時間，做下其他野好過...

有 D 人真係好鍾意補習，呢 D 人叫做家長，事實係有唔少學生去補習，純粹係為左向家長交差、阿媽叫去咪去囉....

200904

係呀，太神化CC啦。
我女現在中二，同班同學從來都沒有說過自己的家底如何？沒有這方面的比較。
全級前30有獎學金拿，可以知道是哪幾位。但也只是當日早會不在教室，去禮堂拿獎。回來，也沒人打聽你到底是第幾。
最多對照那張前1/4及中位綫表，對照自己張成績表，班級前十或set前十有名次，看看自己大概在什麽位置就足以啦。
也不是人人要補習，看自己的經濟能力和適應能力。暫時小女仍無需補習，但我不排斥補習，哪一天，她需要，我也會考慮安排。
之前也有朋友讓我多留意小朋友在神校的心理需求。但我覺得CC和其他1A津校其實在校風上也沒多大區別。

DD仔

200904 發表於 22-12-7 09:43
係呀，太神化CC啦。
我女現在中二，同班同學從來都沒有說過自己的家底如何？沒有這方面的比較。
全級前30有 ...

聽朋友講，SPCC好嚴，校服、頭髮、早會一粒聲都唔可以出等等，仲利害過小學，如果品性唔太乖嘅人根本頂唔住，所以校風良好到一個點。係咪真係咁？

200904

回覆 DD仔 的帖子

沒聽過我女投訴過喔。只聽她說個個同學都正常曳咯。

小鹿揀學校

storymum 發表於 22-12-6 16:24
除非CC 有特異功能，可以隔空睇到學生背景，否則我吾相信CC 會咁神可以做到只收有家底嘅小朋友呱！ ...

其實睇個地址已可以估到個家境啦！

medicine

小鹿揀學校 發表於 22-12-7 11:05
其實睇個地址已可以估到個家境啦！

人地講"步行籌款，聞說其中有一班竟籌得6位數字，可見同學對學校是十分愛戴"/



請問,乜學校教育學生"對學校的愛戴"是以家長的荷包來衡量咩?(某非又會講,該些捐款是由學生去麥記兼職所得的100文加埋家長的"路費補貼"組成?)


PS:還是有人價值觀扭曲,以此來炫耀?除了進一步證實前面有會員所講的學生家境非普通中產家庭而是富裕人家之外,還有咩特別意義?

medicine

真係咁猛料,去屯門公路邊個一間讀丫嘛

B.B.BaBa

大把普通家庭的子女入讀，住幾十年舊樓、住公屋的都有....

補充一點，頭 15%有船，唔一定係 30人，呢班人都係無名次的，但你會知攞幾個 subject award 嗰個一定係級一

杏仁豆腐

DD仔 發表於 22-12-7 10:25
聽朋友講，SPCC好嚴，校服、頭髮、早會一粒聲都唔可以出等等，仲利害過小學，如果品性唔太乖嘅人根本頂唔 ...

我女頭髪日日都求其扎，毛毛燥燥咁，咁多年都無投訴過
年年都有頑皮同學，初中亦試過有男同學打交，有欺凌;
去到高中，見到全班同學好團結，會一齊去各大學information day,  分工合作，有人負責去聽admission talk,  有人負責去faculty攞料。

相比小學，我覺得cc中學寛鬆啲(我女同令公子同一小學)，啲男同學都頑皮搞笑的

334455

回覆 little4kids 的帖子

認同，學業方面因為小朋友能力都太接近了。入spcc最大收穫就係學生能力不相上下，互相鼓勵，有包容有競爭很舒服的學習環境。

334455

回覆 334455 的帖子

發覺CC嘅用家大都好正面，反而唔係用家“聽講” 或 “朋友仔女說……”負面消息多。好奇怪的現象

DD仔

杏仁豆腐 發表於 22-12-7 11:26
我女頭髪日日都求其扎，毛毛燥燥咁，咁多年都無投訴過
年年都有頑皮同學，初中亦試過有男同學打交 ...

Hello 你好！我個friend唔係APS, 所以冇得咁樣比較

storymum

小鹿揀學校 發表於 22-12-7 11:05
其實睇個地址已可以估到個家境啦！

  CC 有冇睇地址去揀學生就真係吾知，但我小朋友及佢一齊住同區或隔離區的同學，都係住普通好舊嘅舊樓、居屋，可以話係一般上車盤去型容囉

medicine

storymum 發表於 22-12-7 12:00
CC 有冇睇地址去揀學生就真係吾知，但我小朋友及佢一齊住同區或隔離區的同學，都係住普通好舊嘅舊樓、居 ...

記唔記得有某人講過話自己中產?
"我睇過有啲文章話飲咖啡嘅人係中產，或者鍾意睇法國電影嘅人係中產，我喜歡睇吓戲、飲茶，同一般中產生活上冇大分別。"



如果以咁樣的標準去睇,"一般上車盤"究竟係乜概念?

200904

回覆 Dylanli2017 的帖子

我就不那麽認爲咯。以SPCC DSE 5分以上的成績，英文 89.7%， 數學73.8%，中文57%，自己達到這個比例之中，就應該至少有5分的成績。所以，自己的心理期望不是那麽高到要達到前30名。

Cmon

樓上很多真實用家真實意見真實情況，但很多非用家偏向相信CC睇家底、壓力大、學校嚴格、個個全科補習、學生鬥生鬥死

我相信如果小朋友有力考入CC, 不用理會別人的批評，相信自己小朋友能力，SPCC是一間不會令你失望的學校（戴定頭盔：小朋友係需要有自主學習能力，對自己有要求才適合及配合到學校課程，否則在頂峰生存，是有一定嘅壓力）