請教：band1A男仔自行選校應該點樣填好？

singsingsong

阿仔而家讀緊民生六年級，級排名前十。
而家唔知自行點揀好，皇仁同喇沙覺得自己差少少，機會唔算大；其他學校從成績睇，同民生好似差唔多。有睇過英皇、華仁，鍾意男校活動多、氣氛活啲，但成績嚟講，民生呢兩年好似仲好啲。
我明白揀學校無得十全十美，都係好學校嚟嘅，請問自行階段揀校有咩提議？多谢。

LeeCC

小朋友自己想轉去男校，還是和同學一起升上中學？

mcl233

singsingsong 發表於 25-12-18 08:03
阿仔而家讀緊民生六年級，級排名前十。
而家唔知自行點揀好，皇仁同喇沙覺得自己差少少，機會唔算大；其他 ...

其實直屬中小學，自行仲可以有乜變化？局限性一定存在。求外闖，必定係直資和自行搏盡。除非，你對外闖並非係一定既部署，直中係你最大目標～

如果自我信心認為QC和LS機會平平，你會有乜選擇？退而求其次，自己又是否接受？～

論小朋友名次，若能中學持續保持，其實我直覺係求尖既表現，边間中學可以令你更大信心，似乎，大部份網推既男校都可以做到民生既水平，甚或更佳～

singsingsong

LeeCC 發表於 25-12-18 09:38
小朋友自己想轉去男校，還是和同學一起升上中學？

小朋友自己話，兩個都ok。留喺民生呢，就樣樣都熟晒，唔使重新適應。去新學校呢，就有新鮮感，而且佢本身好活潑，都想試下活動多啲、校風活啲嘅學校（唔一定要男校，男女校都得）。不過佢講明，如果真係要走，一定要去間好過民生嘅至得。但「好」嘅定義人人唔同，qc、ls緊係好，但係英皇、華仁呢類，跳過去係唔係真係值得好？

singsingsong

mcl233 發表於 25-12-18 10:15
本帖最後由 mcl233 於 25-12-18 10:19 編輯

其實直屬中小學，自行仲可以有乜變化？局限性一定存在。求 ...

多謝你嘅建議。我同個仔嘅諗法都係留喺民生都唔錯，不過如果有更好嘅機會，都會想出去闖下。直資我哋都有報。

自行方面有兩個諗法。一係自一放qc，自二放ls。橫掂都係試下，唔得就用返直屬位留喼民生。

二係自一喺皇仁同喇沙之間揀一間去搏，自二就揀一間比呢兩間稍為易少少、但好過民生嘅學校（我哋都明白呢類學校一樣難入）。但係呢間學校就好難揀，唔知英皇、華仁係咪好選擇，或者有冇其他提議？