在AI 年代, 大家認為那些技能在學習上更為重要?

akys

cafeva 發表於 26-1-23 10:57
去年DGS 個狀元話用AI溫習

將歷年題目輸入去，可以幫你forecast , tip 題添。阿仔聖誕返咗香港，見佢溫習，寫Program，做Project無時無刻都開著個Gemini。重要嘢會問多一兩個AI，話唔好俾佢老點。

akys

Elon Musk in Davos
https://www.youtube.com/live/UrB2tQDVLLo?si=YxiuIfUBEYhclBFQ
機械人來了， 今年工廠，明年家用。最終數量多過人類。

stillgood20

barque 發表於 26-1-23 08:43
Google 出咗S A T模擬考試，會幫你分析，和建議結果如何改進。

遲吓補習老師和補習社都可能會受影響

出题目老师/机構，同样用AI.
之后，反其道而行。

真係予盾对決。

cafeva

akys 發表於 26-1-23 13:02
將歷年題目輸入去，可以幫你forecast , tip 題添。阿仔聖誕返咗香港，見佢溫習，寫Program，做Project無時 ...

阿女都用Gemini. 佢話教得清楚, detailed 過老師
我自己都日日同AI傾偈, 以防老人癡呆.

akys

cafeva 發表於 26-1-23 14:11
阿女都用Gemini. 佢話教得清楚, detailed 過老師
我自己都日日同AI傾偈, 以防老人癡呆.
...

喜歡與否，整個學習模式已有大改變，能否掌握運用對成績越來越重要。

964000

cafeva 發表於 26-1-23 14:11
阿女都用Gemini. 佢話教得清楚, detailed 過老師
我自己都日日同AI傾偈, 以防老人癡呆.
...

我女都話教得好過老師

barque

964000 發表於 26-1-24 17:29
我女都話教得好過老師

老師授課時是一對幾十個學生，Gemini AI是一對一互動，我覺得發問自己唔明白點解時，即時得到解答，亦可有AI 舉例說明更容易。學習加快速度。

964000

barque 發表於 26-1-24 17:46
老師授課時是一對幾十個學生，Gemini AI是一對一互動，我覺得發問自己唔明白點解時，即時得到解答，亦可有 ...

老實講，都唔係個個老師都識教書
未來世界，「自學能力」更重要

twhkleung

twobirds 發表於 26-1-16 13:27
巴菲特警告AI風險不亞於核武 稱科技發展失控恐帶來巨大危害

https://hk.finance.yahoo.com/news/巴菲特警 ...

唔介意嘅我又吹兩句.

其實呢啲名人,大科學家,諾貝爾獎得主,成日講嘅risks, 或者打開咗Holy Grail / Pandora's box. 其實, 主要唔係驚佢有super intelligent, 會叻過人類, 而係佢蠢, 但能力強(呢句說話好似好矛盾), 但事實就是這樣.

因為佢係一個好大嘅knowledge base, 而不是intelligent, 更加係一個black box, 我哋基本上唔知道佢點解會come up 咁樣嘅決定或者答案.

好似呢度好多網友都覺得佢好聰明, 甚至勁聰明, 其實, 係因為大家並唔明白佢嘅運作原理.
就好似, 阿仔數學差, 但係, 我又唔識同佢補習, 咁我就請個補習老師返嚟同佢補習, 而補完習之後, 阿仔嘅成績又好似好咗, 咁我就覺得個老師好勁, 但係, 實際上個老師係咪好勁, 我真係完全唔知, 因為佢就係一個black box, 一樣道理.

- https://proceedings.neurips.cc/p ... 1c4a845aa-Paper.pdf (其中一個作者只係大學三年級學生)
- 呢份就係2017年出嘅一份論文, 講述今日嘅ChatGDP或者deepseek係點樣運作, 關鍵技術就係叫"Attention", 當你睇明咗呢份paper之後, 你就會明白我點解成日話今日嘅ai, 其實係好蠢, 根本冇可能同人相比, 佢只係一個好大好大嘅knowledge base ONLY.

- 但係, 點解啲咁多叻嘅professor, 仍然話佢係一個人類嘅好大威脅呢? 關鍵就係, 因為佢係一個black box, 佢嘅運作係冇visibility, 佢嘅邏輯, 係冇interpretability, 更加係冇reasoning, 但係, 佢又可以解答到我哋好多問題, 絕大部分嘅人, 都覺得佢好勁, 甚至相信咗佢, 將駕駛交畀佢, 轉咗做自動駕駛, 將核電廠運作交畀佢, 靠佢開發的藥, 畀人類食落肚, 甚至乎嚟緊嘅戰鬥機, 都會用人工智能去控制的無人飛機, 但係, 佢到底點解會有呢一個答案, 我哋其實一啲都唔知點解.
咁如果小事, 娛樂, 同佢傾下偈, 就當然冇問題啦, 但係, 如果係大事, 佢控制核電廠, 出咗咩嘢, 人類就會可能被毀滅.

所以話潘多拉盒子打開咗, 並唔係因為佢有超級智慧, 而係驚佢唔知做咗啲乜嘢, 我哋冇辦法知道點解, 承擔唔起後果.

簡單一句, 要驚嘅, 唔係驚佢叻過人, 係我哋對佢冇一個可預測性, 唔知佢會點做.

一啲今天ai model嘅特性:
1. 語言表達能力非常好. 令你覺得佢講嘅嘢好啱.
2. 並唔識得講"我唔識", 而實際佢真係唔識嘅嘢, 佢都會講到好似似層層.

所以,有幾樣嘢, 我成日同啲朋友講, 同ai傾計之後, 一定要問嘅嘢:
1. 你對你剛剛嘅答案嘅可靠性, 有百分之幾可靠率?
2. 當佢畀咗一堆正面嘅論點你之後, 叫佢畀返一咋負面嘅論點去插返佢自己, 從而判斷佢嘅答案係啱定錯.
3. 問多幾個ai model係有啲用, 但係, 因為而家開始, 佢哋都互相抄來抄去, 所以, 佢哋嘅答案越嚟越接近, 不同嘅只係文字上的表達不同.

Anyway, 佢的而且確可以幫到我哋做好多手手腳腳嘅粗重功夫, 但係真正要用腦嘅, 特別係開發一啲新問題嘅答案, 其實都係要靠人佢自己, 睇下你自己夠唔夠smart, 搵到個答案, 唔係靠ai.

大家可能會話, 唔係喎, microsoft啱啱先至話炒咗好多programmers, 而改用ai去到幫助程式開發?
microsoft當然可以啦, 因為佢開發一個程式, 其實佢係有一team program managers, 係寫好一個好詳細好詳細嘅specification, 然後分畀programmers, 跟住個specification去寫個program出嚟. 咁ai當然就可以幫到手, 減去好多programmers.

但係好多細公司, Program manager係佢, 寫 specification又係佢, 寫 program又係, 所以根本減無可減.
不過, 唔排除以後啲細公司, 都慢慢開始將啲programmer轉咗做寫specification, 而寫program, 就交畀ai做.
但係呢個需要時間轉型, 因為, 在微軟做一個program manager, 都要五至十年經驗, 一下子, 一個新畢業嘅學生, 其實係冇能力去到做到呢個角色.

twhkleung

annie40 發表於 26-1-4 21:00
咦,原來已經忘記伊拉克和利比亞？佢哋又係好「乞美憎」嘅,,富貴潑天,兵力有限,卻又天真漫爛,竟然公然嚷嚷 ...

(通常我講嘅嘢, 左聽到會當我右, 但, 右又會覺得我係左, 其實我只係想講啲騎牆中間話而已.)

好似伊拉克/利比亞難民, 走曬去美國歐洲, 一啲蝦佢哋國家嘅地方申請難民庇護, 有冇走去俄羅斯伊朗? (可能因為資訊不對稱, 其實, 有更多難民走左去俄羅斯同伊朗都唔定???)

Anyway, 其實我係想講:
- 沒有永遠的朋友, 也沒有永遠嘅敵人.
- 敵人的敵人就是朋友, 呢句說話未必啱曬. (獅子係老虎嘅敵人, 但對羊嚟講, 不論獅子或是老虎, 都不會是他的朋友.)
- 最好唔好跟住風向走, 否則轉彎都轉唔切.
- 有啲人, 受人因為, 會銘記於心.
- 有啲人, 受人因為, 會覺得呢個人, 可以再畀你繼續leverage多啲.

呢啲, 就係我過去幾十年, 係職場見/學到嘅現實"人性".

(Again, 我只係一個維園阿伯, 講嘅嘢, 唔代表係真理, 錯! 更加一啲都唔出奇, 請莫見怪!)

twhkleung

加樂爹 發表於 26-1-5 12:32
都唔想講咁多, 不過見到現在, 仲有人認為俄烏戰爭單是一場侵略戰, 就真係只證明只睇政治立埸, 口號去相信 ...

可能網友係國際關係/政治行政學系學專家, 又睇過明斯克協議原文, 所以清楚實際內容.

不過, 如果只係google search下, 咁要多少心, take side 去睇事件, 會令到自己唔係左, 就係右, "中"會較難.
冇辦法, 而家啲人, 開口埋口, 就話叢林法則, 唔打唔安樂, 人...都係不見棺材,不流淚...

(我嘅說話, 可能又係好唔啱聽,哈哈)

twhkleung

加樂爹 發表於 26-1-16 09:23
因為今次係你在mastermind 去set 個 abductive reasoning 睇佢係咪你心裡面條虫.
但係如果佢做主, 你做客 ...

(Again, 我只係一個維園阿伯, 講嘅嘢, 唔代表係真理, 錯! 更加一啲都唔出奇, 請莫見怪!)

其實, reasoning本身, 並沒有做主做客之分, 更加唔存在彈出彈入, 關鍵只有你問得好唔好, 因為reasoning就係reasoning.

好似你的例子係非常之好, 係常見嘅101/hello world example.

Reasoning 約20種, 也會按不同學科分類, e.g., law, psychology, philosophy, math, CS/AI, neuroscience, etc.

但大致上, 仍然是跟從 Epistemic Cognition Control loop, or Bayesian Brain 之類的分法.
即係 Epistemic -> Causal -> Predictive -> Decision -> feedback/learning -> ... (返回 Epistemic).

A. Atomic building blocks - cant be decomposed further.
- Adbuctive (A): Inverting the Function (y→x)
- Inductive (I): Building the Function (Data→F)
- Deductive (D): Running the Function (F(x)→y)

B. Inference Purpose
- Transductive (I+D) / Analogical (A+D) / Statistical (I+D) / Probabilistic (A) / Bayesian Reasoning

C. Environmental Purpose
- Contextual (A+D) / Temporal (D) / Spatial Reasoning (D)

D. Causal and Constraint based
- Causal (I+A) / Counterfactual (A+D) / Constraint (D->A) / Non-monotonic (A1->A2) / Default Reasoning (I+D)

E. Action and Decision
- Deontic (D+E) / Conductive (D+E) / Practical (A+E) / Heuristic (A) / Meta- Reasoning (E)

呢門科學幾有趣, 講嘅因果關係, 同中國講嘅"天時/地利/人和"比較接近, 講嘅係navigation或者係exploitation, 同另一套概念 (6W1H)講求 Discovery或者係 exploration好接近.
有興趣, 可以問下deepseek! Enjoy and Have Fun!

我做咗個簡單嘅表, 去解釋呢~20 reasonings, 關於呢個"落雨地下濕咗"嘅邏輯關係. 大家分享指教.

twhkleung

barque 發表於 26-1-24 17:46
老師授課時是一對幾十個學生，Gemini AI是一對一互動，我覺得發問自己唔明白點解時，即時得到解答，亦可有 ...

冇錯, ai真係幫助好多手, 學習上, 真係快咗好多.

我都冇辦法想像, 如果聽日冇咗ai, 可以點樣生活....

barque

twhkleung 發表於 26-1-25 12:12
冇錯, ai真係幫助好多手, 學習上, 真係快咗好多.

我都冇辦法想像, 如果聽日冇咗ai, 可以點樣生活....

我覺得現在無論是學生，抑或是各行業工作的人。懂得利用AI運用AI會係一個個人好大的優勢。

當然自己最好具備批判性思維邏輯思考高分析能力

加樂爹

twhkleung 發表於 26-1-25 12:10
(Again, 我只係一個維園阿伯, 講嘅嘢, 唔代表係真理, 錯! 更加一啲都唔出奇, 請莫見怪!)

其實, reasoning ...

多謝你呢個資料, 大家可以學下野.除左針對AI, 亦可以了解人類學習的盲點.

Black Box...是科學人常用一個好的比喻, 大家都嘗試由一點點蜘蛛馬跡去推論真相.
記得兩年前在EK post, 對AI的評論, 都是"失業", "機械控制人類", "世界末日"....
當時我想, 或許最後是真, 但中間確實很多missing pieces, 我們又怎能把電影橋段硬放入呢?

看來是誰把關, 法律制定, 什麼國家應用, 如何應用都是中間重要過程.
若現在一代, 不了解不參與, 就是放手了權力....我上面帖文#86 說的.

missing pieces 就是Black box 內容.

*******************

上面列舉20多種reasoning,....
1. 當AI沒有人的不確定性回答, 正正就是開發者不想加入去的不確定性?
2. 如管理核電設施, 不會想像由AI去做決定; 但同樣我想問, 比我太太去做決定, 都一樣有risk.
3. 人類的reasoning 比較優越嗎---人類裡面更有不確定的心理因素, 偏袒等原因....
4. 說回來, 創造一個Ai, 是否可以把類似人類的perception 放入去, 做權重決定...但咁你咪仲驚?
5. 我們想要怎樣的AI?

******************

人類智能是否總有些地方比A.I. 好?

可能你列舉出20多種, 有很多仍是A.I. 沒有的羅輯思維, 所以, 他仍處於初階....

這個問題, 如上, 人類覺得比A.I. 優越是否處理那些uncertainty, 詭異多端的羅輯思維.
咁要開下阿Trump 個腦袋, 佢應該係現代人類中最足智多謀既表表姐!

A.I. 夠快, 數據夠多, 提問夠準....

不如又試下同A.I. 玩下測謊機, 睇下佢能否找得出你破綻?

*****************

人類有幾creative?

人類99%的創意都是由發現問題, 從嘗試, 對比, 改善, 最後由非常小的能人爆破出來 (所謂1%)的人.
那99%的人類, 根本都是正常範圍內的人.
那1% 高深莫測的人....10年, 20年...100年出一個, 出完招數後, 後繼都是模仿者.


P.S. 再多謝你給的資料, 同玩攝影, 音響一樣, 你們知的關鍵位很專業, 但如我一般用家, 很難看得到對A.I. 的一擊致命弱點.  
究竟"我們下一代, 是依舊用傳統教育, 先把學校功課完成, 考卷做好, 但對A.I. 仍是日後的事去處理.

或是, 在中, 小學已經了解這另一類的學習模式呢?

例如:
操卷比閱讀更有成效?
讀書念左, 但有關注分析, 如何分析, 如何考核?
怎麼的A.I.生活平衡?
A.I. 素養?

akys

twhkleung 發表於 26-1-25 12:12
冇錯, ai真係幫助好多手, 學習上, 真係快咗好多.

我都冇辦法想像, 如果聽日冇咗ai, 可以點樣生活....

哈哈，突然諗起小學時有個老師教用算盤時講過冇咗計數機啲人點計數。幾十年嘅記憶突然跳出來。

964000

twhkleung 發表於 26-1-25 12:07
可能網友係國際關係/政治行政學系學專家, 又睇過明斯克協議原文, 所以清楚實際內容.

不過, 如果只係googl ...

同意
同投資一樣，通常啲人一窩蜂去做的事就最好唔好跟。
眼見立場行先，感情用事，通常都唔會做到最好的決定。

加樂爹

twhkleung 發表於 26-1-25 12:07
可能網友係國際關係/政治行政學系學專家, 又睇過明斯克協議原文, 所以清楚實際內容.

不過, 如果只係googl ...

@ twhkleung, @ 96400

我猜想閣下應該是工科人, 對事件始末都要盡力去找出黑盒內的關係.比較另一位網友96400, 是用投資態度, 看整個形勢, 盡量把自己放在中間, 再去押注或是分散投資.

而我焦點是 "明斯克協議原文"不是在條文細節, 而是默克爾承認條約是一個拖延, 待歐洲有時間整頓好自己, 她當時既心機, 動基是什麼?

我的想法焦點是在為什麼?
- 俄羅斯跟歐州人種族真是永遠合作不來嗎, 為什麼?
- 默克爾 (我是欣賞的有承擔的政冶人), 是她, 是她背後的一個集體決定?
- 當我再見現在歐州對美的軟弱, 會令我引證了一些原因....
....之如此類的想法.

所以, 如果說是靠邊站, 我想不如說是經過想法, 我是跌落在那一個態度上.


// 我嘅說話, 可能又係好唔啱聽,哈哈//

好似你這個說法, 在長一輩的人都認為是要求大家和而不同.
我理解這是道理是正確, 但更重要是討論, 互相學習.
你既專長, 提供左很多思考性的引題.
相反, 只為到不邊站, 去磨合一個對話, 反而看不到人家的意見, 及自己的缺失.
內心說話一日未出口, 一日都如未經印證既想法.
所以,重點是一定要講, 但要如何做到可以討論的氣氛.

講番回來, 很多人讀書仍然是靠讀Notes, 讀points.
考試當然無問題, 因為試卷都是順著points 去考核.

1. 但在A.I. 年代, 你們會認為考核方法應該怎麼?
2. 好像我們三者, 對知識的理解態度是不同的, 大家想下一代------在A.I. 知識充斥的年代, 是怎樣學習及理解知識?

- 在黑盒內找最接近的關係細節?
- 找中間位置, 保持客觀?
- 在黑盒外看到的線索提問題, 再找答案?

加樂爹

正如前說, 與其擔心電影情節內的 "機械控制人類", "世界末日", "唔洗請咁多老師"...
AI 是否有不及人類的地方, 但又擔心失業問題, 倒不如想下將來發展的AI是那個方向, 如何規劃這個"新拍檔"的規劃限制.


今日新聞, 歐洲對X平台, 所產生的色性影像內容封鎖及罰款.

其實, 這些比較起上面的機械人統治人類更貼實地面.

之前文說, 教育界說要培養AI學習的"素養", 其實社會上要如何把關?

加樂爹

twhkleung 發表於 26-1-25 12:10
(Again, 我只係一個維園阿伯, 講嘅嘢, 唔代表係真理, 錯! 更加一啲都唔出奇, 請莫見怪!)

其實, reasoning ...

你的20多種思考方法, 是否人類都有相似的思考程序?今日見到呢段新聞, 待你參考下給大家意見.

大腦運作方式比想像更接近 AI！新研究揭密兩者用相似方法理解語言


// 當我們聽別人說話，大腦不是一次就知道全部意思，而是每個字都須經一連串神經處理步驟。Goldstein 與同事示範，步驟會依序展開，與 AI 模型處理語言步驟呼應。AI 早期層主要聚焦字詞基本特徵，較深層再結合語境、語氣與更多意義。


人類大腦活動也是相同模式：早期神經訊號對應 AI 模型較淺層處理階段，較晚期大腦反應對應模型較深處理層。時間對應在較高階語言區域（如布若卡氏區）特別明顯；反應出現較晚，卻與 AI 模型較深層表徵最吻合。


Goldstein 博士表示：「最驚訝的是，大腦逐步展開意義的方式，竟然這麼接近大型語言模型轉換序列的步驟。儘管兩者構造完全不同，但似乎都朝相似、一步步建立理解的過程靠近。」


此研究顯示，人工智慧不僅能產生文字，也能幫助科學家更深入了解大腦如何創造意義。//