想問運動係咪對叩門（中一）好重要？

kymkym

小女今年小四，成績中上，運動得一樣（游水）係校隊，不過學校唔係好着重，剛剛完左比賽，游水成績一般，現在諗緊點分配時間。
阿女唔想有壓力游水（即係唔想練咁多日水），因為游水要游得多時間先快。如果唔游水，就咁學業為主，對叩門或者直資係咪可以呢？

catf2

kymkym 發表於 19-10-30 14:03
小女今年小四，成績中上，運動得一樣（游水）係校隊，不過學校唔係好着重，剛剛完左比賽，游水成績一般，現 ...

游水成績一般, > 都係專注返學業先啦..除非叻到學界名列前茅..不過應該小學都已經被拔, ..

其他學校都多數睇學術為先, 其他項目輔助進攻

kymkym

catf2 發表於 19-10-30 14:18
游水成績一般, > 都係專注返學業先啦..除非叻到學界名列前茅..不過應該小學都已經被拔, ..

其他學校都多數 ...

明白。我有聽其他家長講，都要有樣運動係手，考學校有着數。所以先唔想放棄游水（已經由幼稚園開始）不過代表學校比賽完，發覺仲有一段長距離，阿女大又開始有自己諗法。

2jkidsfather

kymkym 發表於 19-10-30 14:28
明白。我有聽其他家長講，都要有樣運動係手，考學校有着數。所以先唔想放棄游水（已經由幼稚園開始）不過 ...

學業才是正道。
其他是錦上添花，不要掉亂次序。
有好的學業，無傑出運動也可升好中學。

kymkym

2jkidsfather 發表於 19-10-30 15:38
學業才是正道。
其他是錦上添花，不要掉亂次序。
有好的學業，無傑出運動也可升好中學。

Thx.

little_yolky

kymkym 發表於 19-10-30 14:03
小女今年小四，成績中上，運動得一樣（游水）係校隊，不過學校唔係好着重，剛剛完左比賽，游水成績一般，現 ...

你話自行、直資有項運動就錦上添花啫，叩門靠實力呀！升中只要成績好就得。

kymkym

little_yolky 發表於 19-10-30 16:12
你話自行、直資有項運動就錦上添花啫，叩門靠實力呀！升中只要成績好就得。
...

明白，自行都係人交我交，相信都係靠大抽獎，不過直資會報下。

LOKLOK89

主力睇成績, 影響你係邊個組別抽先.

Poyau

學業為重

Charlotte_mom

有學業有體藝，學校算你all round
但有但唔精，就輸俾「有瓣精」嘅對手了
既然唔能靠運動食糊，不如專注學業啦

b3410

學業最重要。游水當放鬆，健身，all round, 唔使有壓力。以我理解中學希望小朋友all round , 係希望小朋友將來有方法去舒緩壓力，健康愉快的去面對公開試
而且將來長大成人，也多一些興趣愛好，豐富人生。所以千萬不要把這些變成壓力。

mcl203

游水叻，唔一定係用於比賽～～～

以前，小朋友去報某泳會游泳，試水後，導師問你想幫佢報求生或比賽，中肯佢俾既評估係，你小朋友唔識求生技能～～～

ksli312

除非你女游水有天份並且成績、時間係學界或分齡係全港前列果D，否則好難以運動入學校。最最最重要係你女好中意呢個運動，否則入了學校亦讀得好幸苦。我女話有個同學係校隊，每次飯後上堂見到佢，個頭都係濕嘅。其實做運動員真係好辛酸

王家爸爸

kymkym 發表於 19-10-30 14:03
小女今年小四，成績中上，運動得一樣（游水）係校隊，不過學校唔係好着重，剛剛完左比賽，游水成績一般，現 ...

除非小朋友游水好叻，有排名（或者學校相信你第日會有排名），否則游水對升中基本上無幫助。當然如果兩個人成績、潛質等都一樣，有游水或者任何其他附加既野，都係著數啲。

王家爸爸

mcl203 發表於 19-11-5 11:45
游水叻，唔一定係用於比賽～～～

以前，小朋友去報某泳會游泳，試水後，導師問你想幫佢報求生或比賽，中肯 ...

呢樣我同意，唔需要將運動、興趣同比賽掛勾。

mcl203

王家爸爸 發表於 19-11-5 11:54
呢樣我同意，唔需要將運動、興趣同比賽掛勾。

咁有一樣技能，升中用於某些關顧全人教育既一定有好過無。係某些只會強調學術既小/中學，落場都會唔夠人。

kymkym

王家爸爸 發表於 19-11-5 11:51
除非小朋友游水好叻，有排名（或者學校相信你第日會有排名），否則游水對升中基本上無幫助。當然如果兩個人 ...

想問下，有什麼中學比較無咁傳統。（九龍城及觀塘區）

王家爸爸

kymkym 發表於 19-11-5 12:09
想問下，有什麼中學比較無咁傳統。（九龍城及觀塘區）

你點定義傳統？

kymkym

王家爸爸 發表於 19-11-5 12:15
你點定義傳統？

唔好太多規矩，可以俾小朋友發揮，唔介意小朋友多嘢講，外向。（小女係好多嘢講，唔識嘅人都可以吹水，好快就可以融合）現在的小學係天主教小學，好多限制……