小六小六課外活動是"零"是否影響升中?

happymap2013

我之前出過POST, 小朋友成績普通,中游, 二線小學.

在小五有過運動比賽的獎項, 第五名, 有證書.

因為呈一考得麻麻地, 所以呈二打算將所有興趣斑CUT 哂, 一個不留. 希望集中火力全力考好呈二.

弱弱一問,請問如果小六呈二的課外活動是"零"是否影響升中?
雖我見到大部份學校都寫自行"課外活動"佔10-20%, 如果我只交小五的CERT, 又夠不夠用呢?

adriantai

你嘅情況係"沒有影響"

happymap2013

謝謝以上 adriantai 回覆.

弱弱一問,既然沒有影響, 為什麼自行就要佔10-20% 呢?

謝謝

adriantai

成績唔夠 課外活動冇用, 除非你選啲冇乜人揀嘅中學

RainyRice

happymap2013 發表於 24-9-24 12:35
謝謝以上 adriantai 回覆.

弱弱一問,既然沒有影響, 為什麼自行就要佔10-20% 呢?

某程度上，我估是指最重要是成績。二線學校的範圍都幾大，睇你邊間。如果停了興趣班專心讀書都好。運動唔錯的話，可以自己間中出去比賽下，攞個奬或參與証明。其實好多課外活動不需要每個星期去上堂，需要的時間少啲，可考慮。

happymap2013

RainyRice 發表於 24-9-24 13:04
本帖最後由 RainyRice 於 24-9-24 13:05 編輯

某程度上，我估是指最重要是成績。二線學校的範圍都幾大 ...

謝謝你回覆.
即是話, 我自己幫小朋友報出面比賽, 就算拎唔到獎,但有個 課程證書都可以?

因為學校校隊很多時,都佔用了不少放學時間, 所以想搵出面假日的, 又有課程證書.

唔想小六成績表太空白而難看.

如果真的找不到假日訓練,我就想真正想了解小六課外活動是"零"是否影響升中?

boisacat

其實"人有我有"果D 証書 係冇咩用，你都係專心返成續啦，只有學界/校際比賽冠軍先有用。如果怕太吉，就放D Cert。不過真心冇用的。

RainyRice

happymap2013 發表於 24-9-24 13:11
謝謝你回覆.
即是話, 我自己幫小朋友報出面比賽, 就算拎唔到獎,但有個 課程證書都可以?

如果你小朋友已經呈二，即是已經小六，咁你填表已經可以寫小朋友相關課外活動/校隊是玩到2024/P6。

證書有冇用，每個人答案都不同，只有你報那間學校可以答到你，你唔想問報名表太吉，可以考慮以下：
比如說是羽毛球、田徑，外面好多其他比賽可以自己去參加，如果有獎就寫，冇都可以有啲參與證書。
另外假日去做啲義工都可以填落課外活動，一個月去一次都可以。
我小朋友學校幾好，校隊唔落成績表，另有證明證書。

mcl233

如果你認為要追成績，咁可以無視課外活動，專心砌掂成績～

考某些中學，係會參考埋課外活動等等，大部份只係係評分列出，基本上係得個講字～

0030

多少都有影響

猴子爸

happymap2013 發表於 24-9-24 12:22
我之前出過POST, 小朋友成績普通,中游, 二線小學.

在小五有過運動比賽的獎項, 第五名, 有證書.

“成績普通,中游, 二線小學. 呈一成绩麻麻地“

我估计你的”麻麻地“，是跌落B1边缘？


若是如此，保住B1线是首要任务。全力进攻学术成绩是对的，反正不是运动特异，而自行和直资可以入心仪中学的机会胜算也不会太高，主力大抽奖反而机会大些。

happymap2013

我想自行入, 希望呈二成績表不太留白.

wasabi_s

自行直資既話,都已交表, 小六d 課外活動唔會填到好多, 博大抽獎, 緊係谷返起d成績重要. 不過課外活動cut 晒,佢無活動會唔會令佢都無咩動力讀書? 我覺得生活要平衡, 小朋友生活先快樂唔會稔埋一邊.

minnieevergreen

成績一定是基本要達標。
而你的運動的排名是區隊?港青定點 ? 有沒有代表性 ?
如果有代表性﹐你考一D係該項運動為重點發展項目既學校﹐或者喜歡[揀球員]既B1學校﹐
咁樣當然運動/課外活動係重要﹐係你唔肯定你放棄左運動是否會等於成績有進步既前題下﹐
我覺得要KEEP返。

但係﹐你都要認真同小朋友睇清楚﹐
到底係咪真係課外活動直接影響到佢成績唔好 ? 你CUT左課外活動係唔係等同佢會將果D時間都用來溫習 ?

功利D講﹐你又想少D時間放落興趣班﹐又想成績表好睇﹐而果樣運動又唔係有用到會比人睇高一線既﹐
咁可以只KEEP一D花少D時間既興趣﹐比人感覺係一個全面既學生、唔係死讀書就夠。

happymap2013

minnieevergreen 發表於 24-9-24 16:35
成績一定是基本要達標。
而你的運動的排名是區隊?港青定點 ? 有沒有代表性 ?
如果有代表性﹐你考一D係該項 ...

謝謝你回覆及以上咁多位家長回覆.
我想追呈二的同時, 有一項叫做參加過活動證書(例如: 田徑), 不是校隊.
叫做有野填上去, 無咁肉酸留空 課下活動個一欄.


如果什麼都無, 去到自行面試,我都驚佢比面試官問起...咁就真係唔識教佢點答...

minnieevergreen

happymap2013 發表於 24-9-24 16:49
謝謝你回覆及以上咁多位家長回覆.
我想追呈二的同時, 有一項叫做參加過活動證書(例如: 田徑), 不是校隊.
...

咁你又要了解下﹐你地心儀既學校係用咩模式去面試﹐內容係D乜。

我女上年面試過一堆學校﹐都好多唔同形式﹐有D純學術問答﹐有D會根據學生本身資料傾計。

如果保守一D﹐可以真係keep 1-2樣可應付既活動﹐顯示佢唔係乜都冇就okay。

如果你真係擔心﹐都可以教定小朋友可以點應對﹐

例如可以話認為呢刻成績比較重要﹐希望發揮得最好﹐所以同父母商量過想暫停活動﹐稍後會pick up返運動﹐自己都好希望繼續…etc

大忌答案係[媽咪叫/媽咪安排…]

mcl233

happymap2013 發表於 24-9-24 16:49
謝謝你回覆及以上咁多位家長回覆.
我想追呈二的同時, 有一項叫做參加過活動證書(例如: 田徑), 不是校隊.
...

小六課外活動受影響，係校長老師都會明白既現實狀況～

當年，某傳統小學對家長既說法係～

已經小六了，唔好為改善自己既弱處而去出力，應將自己既時間去鞏固自己既長處，始終係呈分試，升左中學部可以搞返啲弱處～

PuffyBobby

回覆 happymap2013 的帖子

如果你只有一個項目仲要唔係校隊又無拎過獎, 咁寧願無課外活動但學校成績好仲好喇
呢個世界就係咁現實, 成績唔好就唔會睇其他嘢 (除非你阿小朋友識飛), 成績好再睇其他活動有獎有代表性就會加分, 但無既亦都唔會扣分囉, 除非你幫阿小朋友報嗰啲專門收所謂"特異功能"既學生啫 (但其實佢地都係睇成績先)

Woodstock801

happymap2013 發表於 24-9-24 16:49
謝謝你回覆及以上咁多位家長回覆.
我想追呈二的同時, 有一項叫做參加過活動證書(例如: 田徑), 不是校隊.
...

我個女都係冇課外活動，只有一個奧數同steam的豬肉獎(學校派佢參加)，去年填form都係冇乜野寫，但我哋去咗2間直資同2間自行學校，都冇人問過佢點解冇任何活動，最後2間直資都係第一round收offer，自行亦有收穫。
努力考好呈二，加油

Greylay

樓主，
你係完全無再參加任課外活動（包括自己係出面玩嘅興趣班） or 只係沒有再玩一些可以攞獎嘅課外活動？