面試評分標準

karen2323

請問有無家長知：中學自行收生很多時都寫，例如：40%成績、40%面試表現、操行10%及獎項10%，其實佢地係唔係真係跟這個比例去收生？定係只是做台戲？等交了表的家長無咁失望？定係只係睇學生成績？(如：教育局排名)

dongwish

這也是我一值思考的問題---學校怎樣將每一項目量化?如獎項,考生要拿多少個獎
或甚麼獎才可拿10%,又如面試表現, 他們要答多少句或甚麼標準答案才取滿分,還
是一切只是impression mark呢?

ohnono

dongwish 發表於 12-3-2 22:56
這也是我一值思考的問題---學校怎樣將每一項目量化?如獎項,考生要拿多少個獎
或甚麼獎才可拿10%,又如面試表 ...

直資中學果d可能複雜好多，我見過一間學校的面試分紙，上面列明幾個大項目：儀容、禮貌、語調、姿態、表達能力、內容等等重有一欄就係remarks，各佔一定分數。一般官津學校唔同直資，要在同一日之內，見晒所有人，可能需要兩三班老師同時唔同班房進行，所以一個量化的面試規範係有需要的。

至於獎牌、獎項這些，可參巧張祝珊的模式，雖然未必間間一樣，當中或可幫助理解。佢地將獎項分級別變成分數，獎項越多當然越高分。

成績所佔的比率就好大程度上跟教育局排名，排第一的(可能第一至第三，然後四至六.....如此類推)就肯定晒果幾拾個%。

至於揀選面試名額，好大程度係以成績行先。呢個無可厚非，教局比學校有自行收生名額就係比佢地有機會去網羅四方高手，唔通有機會都唔去揀d最叻咩。有學校先小人後君子，講明我會比廿個有特異功能的同學來面試，分得好清楚，等d家長有晒預算。