考好呈分試,一次都不能失

MC1128

我知最近最多家長討論選校，但真係好想提吓子女將第一次呈分的小五家長，準備好考試．
有點經驗想分享，老友個女與小女同校，高兩級，她的成績一向理想，豈料考完第一次呈分後，發現成績不夠好升直屬中學，整個暑假頓然蒙上陰影，第二次呈分已大有進步，但仍未能追回失地，幸好第三次成功了．
看見老友這次經驗，小囡小五呈分試，不敢疏懶，成績尚可，就在這時又聽到另一位好友的苦況，其子讀同區男校，高一級，同樣有直屬中學，因此早明遊戲規則，是爭入前一百名，才能穩升中，他的頭一二次呈分試都過關，第三次才失手，結果老友一家立即打消暑期出門旅遊大計，要等七月派位結果．幸好都派到，看完這個例子，小囡升上六年級，第二次呈分也悉力以赴，成績保持．
當我以為已經搞拈，一切正常，阿囡第三次呈分成績卻大跌．忐忑了很久，自問這六年來很努力，點解臨尾才出事？上星期終於收到成績表及選校表，好彩，阿囡三次呈分總成績拉上補下仍能過關，放下心頭大石．
原來，真係一次都不能失，希望大家好好準備呈分試！祝大家都有好成績！

psiou

唔失都無用，小兒頭兩次呈分試成績係B1C-B2A。自行階段有B1中學2nd int。第三次呈分試十課全A，中英數常亦不是A尾，照今次成績推斷肯定在校內B1A，但班主任向小兒表示三次拉混只係B2A。sigh

kwongck

三次呈分試中，是否每次成績各佔三分一呢？有人知嗎？謝！

k_0530_a

psiou 發表於 12-4-22 16:09
唔失都無用，小兒頭兩次呈分試成績係B1C-B2A。自行階段有B1中學2nd int。第三次呈分試十課全A，中英數常亦 ...

應該是考第三次呈分試既學生成績全部提升晒 .  
所以就算阿仔升了都影響不大 .

psiou

k_0530_a 發表於 12-4-22 16:52
應該是考第三次呈分試既學生成績全部提升晒 .  
所以就算阿仔升了都影響不大 .
...

可能係，只有學校知，我諗如果係真係一齊上嘅話，要大家嘅成績和小兒相約先得，校內六年級總共有210人，而我兒今次成績應係班內前十，班內亦只得兩人有十A成績。結果係總成績不升反跌，由B1C變B2A。

pooh仔

三次呈分加埋除以三

k_0530_a

psiou 發表於 12-4-22 17:07
可能係，只有學校知，我諗如果係真係一齊上嘅話，要大家嘅成績和小兒相約先得，校內六年級總共有210人，而 ...

為一原因是其他班成績比您阿仔果班勁 .
我識人班名次是九 , 級名次是過百 .
因呈分試成績計法不同普通試 .
就算兩個人都有相同數量 A .
但一個是數學取 99分 , 一個是常識取 85 分 .
在呈分試計法已相差很大 . 因數是 99 x 9 , 常只 85 x 6 . 總分已相差很大 .

psiou

為一原因是其他班成績比您阿仔果班勁 .
+++++++++++++++++++++++++++++++
可能係，咁要210人大概都要考到起碼中英數常A先得，咁大家嘅effect先offset到，而我兒唔係A尾。我兒係所謂精英班，係校內前1/3之內。

MC1128

回復 psiou 的帖子

你的意思是第一次呈分成績是B1C,第二次是B2A,咁即是第二次已經跌咗,因為應是累積計算,而第三次即使好到B1A,仍拉不到,維持B2A,是否即Band 2頭?咁個跌勢是第二次呈分時做成,當時是否好差?若你有信心第三次的成績應好到可以拉番,應該問吓老師箇中原因,你一級人數咁多,真係好多變數.希望你大抽獎成功!

cellon

kwongck 發表於 12-4-22 16:34
三次呈分試中，是否每次成績各佔三分一呢？有人知嗎？謝！

對大抽獎來說：是的。

但請留意：由於時間問題，自行收生和大部直資收生，都只能看到頭兩次的呈分。

DeReMe

為何不問一問老師小朋友的級名次,呈分試校內次第及學校派位情況，那就不用靠估。

ohnono

psiou 發表於 12-4-22 17:46
為一原因是其他班成績比您阿仔果班勁 .
+++++++++++++++++++++++++++++++
可能係，咁要210人大概都要考到起 ...

還要看看小學的級數，即有人所謂的小學banding(雖然小學係冇banding分，但咁樣講樓主可能會較易明)。
有名牌小學可以全級同學有超過玖拾幾%是band 1生，就算考百幾都重可以係band 1。
有普通小學考30幾已經係band 2，百幾人當中，得廿幾人穩入band 1行列。
睇banding唔可以單係考慮自家學校裡全級的排名，更何況只有班中排名。
若有懷疑，應盡快向老師提出請教，以釋疑慮，因交表的日期快到。

bmuimami

原帖由 psiou 於 12-04-22 發表
本帖最後由 psiou 於 12-4-22 16:12 編輯

唔失都無用，小兒頭兩次呈分試成績係B1C-B2A。自行階段有B1中 ...

A多，有可能是試卷淺了。自己主要睇排名

ohnono

看來，樓主要將個標題改一改。除了一次都不能失之外，應該加入：一分都不能少。

wloi

回復 pooh仔 的帖子

話雖如此，不過，5年級的考試課程係比6年級的淺。所以，5年級第一次呈分試要去盡，務求第一次得多些分，就算6年級的呈分試有少少退步都可以用5年級的呈分試來拉一拉。6年級的課程相對深，不是這樣容易拿好高分。

cherry媽咪

所以當年老公都話要大女由小三開始keep住個成績，因為一跌有排追。

MC1128

wloi 發表於 12-4-22 20:03
回復 pooh仔 的帖子

話雖如此，不過，5年級的考試課程係比6年級的淺。所以，5年級第一次呈分試要去盡，務 ...

這正是我出post的原因，家長千祈咪諗住第一次差，仲有兩次可以追而不去盡，我校的經驗是第三次最難，因此才被阿囡的成績嚇親

kwongck

我想：第三次呈分試是最好機會升Banding，因為很多人入了直資中學，或已心知自行收生中會有着落，所以考完第二次呈分試，就鬆懈下來。