南區選校，請比啲意見。

venus.c

我仔屬於b1尾b2頭，心儀學校有聖伯多祿中學，浸會呂明才，阿sir話入聖伯多祿肯定無問題，其實而家係咪浸會呂明才好過聖伯多祿的?除了這兩間還有什麼好選擇呢?灣仔維多利亞好唔好架?阿sir話聖公會呂明才過往學生都比較難入。

wwyee

回復 venus.c 的帖子

我女女個BAND都係差唔多，不過我地係官小,選擇比同區小學多3間，但係屈指一計好怕抽唔到，大抽獎都要同樣識要排。
我自己本人都有打算同女女入表浸女呂，如果同聖簡我都會排呂記先，因為始終有聯小(三間)，機會都係一半，我估大多數人都會好似我咁諗，而唔入表聖記，不過呢個係心理遊戲，好似小學一樣D人唔敢入田始怕抽唔中，點知有肯博的第一志願入晒。
早幾年呀仔同學二次平均分，大約78分入表浸呂自行，IN左一次(入親表都會)，不過未能再IN第二次，所以自行浸呂應該會簡80分以上。

wwyee

你講既灣仔維多利亞?係咪鄧肇堅維多利亞官立中學?
小六呀蛇曾經同我講過，係你自己本身想唔想放佢出去，定係想唔想逃出你既五指山，學術出去讀會好過係番南區讀，因為出面既小學品行同學術都會比南區好，不過要睇小朋友會唔會心野。

MUMMYSIK

請問鴨真是band2嗎?

wwyee

鴨真係BAND 2B，南區女校鴨真同培德都有參觀。
真光好D，學生乖D。
成日見到培德學生拍拖，同係香港仔遊蕩

MUMMYSIK

如果是band 2b，鴨真好似進步緊，鴨真校長話開2班英文班，好吸引，睇怕好難入!!

培德原本都覺得抽得過，印象中應是 band 2C，點知老師的資料是band 3，真定假?

wwyee

我未參觀前都諗培德先，不過去完，覺得係禮堂講野個幾位老師真係悶到嘔。何況D學氐，邊有心機上堂呢。
而真光，我係先去大坑果間先，起初以為係同一辦學團體，後來先攪清，衹係姊妹學校。
大家都有聯繫，有好多活動同教學分享，就算佢係BAND 2 我都覺得，簡得過。

MUMMYSIK

放心，浸呂和聖記應該唔錯!

中西區好多學生以南區這2間作保險排在英中後面，近2年有b1男仔抽唔到會派入。

Ruby_Lau

請問浸呂和聖記比較,是否浸呂banding高些呢?
鴨真是否高過浸呂呢?
甚麼是"生活與環境"科呢?
thanks

Charlotte_mom

wwyee 發表於 12-12-4 12:27
我未參觀前都諗培德先，不過去完，覺得係禮堂講野個幾位老師真係悶到嘔。何況D學氐，邊有心機上堂呢。
而真 ...

哇哈哈哈, 忍唔住login覆一覆
我咪就係培德舊生lor, 你句野真係笑到我流眼淚, 即刻去ptcc網頁"介紹"下d老師俾我個女識(我女今年中1)

wwyee

真係唔好意思，我都係以參觀得見，那個情況實有點兒悶場。

Charlotte_mom

原帖由 wwyee 於 12-12-17 發表
真係唔好意思，我都係以參觀得見，那個情況實有點兒悶場。

吾介意，的確，悶到我都無揀俾自己個女

Charlotte_mom

原帖由 wwyee 於 12-12-17 發表
真係唔好意思，我都係以參觀得見，那個情況實有點兒悶場。

吾介意，的確，悶到我都無揀俾自己個女

leoncf

我個女在PT就讀得幾開心。因為體育堂有足球踢喎。佢今年入左城大。個人觀察所見2012中一的學生質素高左，起碼我在補習社見到學習態度幾好，入到精英班的同學水平不會差過B1，可能同本年學位不足有關。2013升中派位中西區可能首次出現B1女仔唔夠B1學位的現象，(2012中西區B1男生已有派不到B1校)所以南區女仔學位可能會受到中西區的衝擊。加上嘉諾撒系內小學會叫B2學生在自行選培德。這些女生入到南區會係B1。如果南區B1c的女仔就算PT都有未必百份百入到，不要太老定。

cherrynequ

我都係 PT 舊生, 畢業後到依家都無返過去, 阿女讀 ST. FRANCIS, 今年小六拿成績表時, 老師都有叫那些應該入唔返自己中學的同學選 PT, 話校風OK, 加上 BAND 2 學校,會讀得輕鬆D

我唔係住南區, 唔知依家情況點, 想當年, 選小學時, 阿爸同我選 st. clare, 但入唔到, 就讀左PT小學直升上去, 阿爸都係貪係女校, 校風又唔錯, 加上可以直升, 先考慮佢

wwyee

咁你女女而家讀緊那區邊間?我女係band2而家自行都唔知簡唔簡返南區，因為太少位喇

Charlotte_mom

老實講, 傳統女校唔係我杯茶, 所以小學已揀左港大同學會, 而家升左港同書院, 我自己住銅鑼灣, 柴灣同黃竹坑對我黎講都OK

Charlotte_mom

cherrynequ 發表於 12-12-18 07:26
我都係 PT 舊生, 畢業後到依家都無返過去, 阿女讀 ST. FRANCIS, 今年小六拿成績表時, 老師都有叫那些應該入 ...

各人選擇唔同, 我就係唔想小朋友O係一間太專制既學校成長, 所以DAY 1已經無考慮PT, 以前阿媽貪近, 女仔又乖, 呢樣係真既, 而家我希望著重全方位發展多D, 我同妹妹都係PT出黎, 最大ISSUE唔係學業成績, 而係學校導輔小朋友成長/自由度/培育領導才能/組織能力等方面, 由於校風太嚴/太封建, 學生完全無學習機會, 入到大學至知自己幾井底, 呢樣係我全力去避免我小朋友去SUFFER的 (至於點解入U, 你鬧我唔感恩圖報都係咁話, 如果當年唔係有搵人補習, 我根本無可能入U)

如有得罪多多原諒, 可能學校已改變都唔定, 我無再理解了

Charlotte_mom

leoncf 發表於 12-12-18 03:22
我個女在PT就讀得幾開心。因為體育堂有足球踢喎。佢今年入左城大。個人觀察所見2012中一的學生質素高左，起 ...

或者請新D既家長UPDATE一下學校情況, FOR EXAMPLE, 而家PT個學生會係點選出黎?

wwyee

明白，港大小我工作時到過，覺得果度既學生無咩壓力，而且好自由同開心，係個不錯既選擇，反而我住南區。
都時常見PT既學生，我覺得無你當時就讀咁嚴喇，係街比較喧嘩，更有好多著校服拍拖，傳統女校黎講同區比較，真光乖D