五旬節中學 (KL3)

SPJB

星期六剛剛去聽左簡介會, 感覺良好, 雖然人唔太多, 只有半個禮堂, 但學校的安排很好, 有不同科目的老師講解課程, 同學們亦很有禮貌及積極介紹, 講真, 同學們的英文真係講得唔係幾好, 但很努力嘗試, 此終係F1生及B3學校, 算很不錯了. 簡介會尾段有安排答問時間, 家長們都好勇躍發問, 校長們都能仔細地解答家長的問題. 可惜時間問題, 還有一啲不明地方都問唔到. 我有幾個問題及疑慮, 希望各位可以比少少意見. 謝謝!

1) 跟據khmama的資料, 五旬節係B3A學校, 為什麼四班可以開三班英文班呢?
2) "署任校長" - 因為7月暑假期間舊校長突然間離職, 時間太急, 現在由其中一個副校長代替, 佢話按教育局規定, 校長一職要公開招"拼"的, 現在正進行中. 喺唔知道咩人會做來年校長的情況下報讀, 大家覺得有無問題呢?
3) 學校中一巳可以出外午膳, 我個人有啲擔心, 小朋友們就好高興. 大家覺得中一出外午膳係咪一個問題呢? 還是比佢地試過就知外面搵食艱難呢~~
4) 自行收生階段學校不設面試
5) 這校現在校風如何呢?

我兒是B2C-B3A的, 本來想自行鄧鏡波及彭學高, 但係:
鄧係天主教, 聽聞會偏向收天主教小學的學生
彭交通真的不方便

現在想改變一下, 自行試以下兩間:
胡紹織 - 胡係B2B又多人喜歡 我係咪有少少大貪呢?
五旬節 - 有少少擔心以上的問題

其實我本身住官塘, 朋友問我點解自行時唔選官塘的學校, 返學方便啲. 但我真係唔多識官塘區的中學, 連名都唔識多個, 以我仔的成績, 有邊間官塘區學校校風好又合適呢?

請大家比啲意見我, 好心煩啊!

grace_xian

你講的是永光？

khmama

開英文班係根據2008年同2009年入中一嘅學生成績，只要夠29個學生屬全港頭40%，就可以開一班英文班。由於九龍城係強區，所以五旬節能受惠開3班英文班。排名係根據2010年會考成績排，五旬節成績只屬3A.

cmvfamily

回復 khmama 的帖子


問五旬節的英文班，是否全部科目都用英文教呢?
還有五是 B3A，為甚麼成績可以足夠開英文班呢? 五可以叫英文中學嗎?

cmvfamily

回復 SPJB 的帖子

我問過五的學生，他們說學校門口有飯車，可以在飯車買飯盒。

khmama

開英文班係教育局教學語言微調下嘅出品，如果唔係全開四班英文班，都唔可以叫英中。上面我已經解釋咗點解b3a成績但又可以開三班英文班。

wkkelvin

回復 cmvfamily 的帖子

Lunch Car provides poor and dirty lunch. Don't buy.

cmvfamily

回復 khmama 的帖子


謝謝你的回覆~
請問五的英文班，真的是全部科目都是英文教嗎?
而鄧鏡波得1班英文班，那豈不是鄧比五更差嗎?
謝謝~

cmvfamily

回復 wkkelvin 的帖子


謝回覆~
吓
咁即係一定要係學校食，因為學校附近全是民居。

SPJB

khmama 發表於 12-12-2 15:59
開英文班係根據2008年同2009年入中一嘅學生成績，只要夠29個學生屬全港頭40%，就可以開一班英文班。由於九 ...

不明白啊! 為什麼只有五旬節受惠? 我去了很多九龍城二三線的中學參觀, 大多數只開到一班英文班, 為什麼五旬節可以開三班而又只是B3A學校呢?

SPJB

cmvfamily 發表於 12-12-2 17:06
回復 khmama 的帖子

在簡介會中, 學校好詳細地講左教學語言的問題. 有三班英文班, 一班中文班.
中一及中二 :
以全英文授課: 英文及數學 (全級都係)
以全中文授課: 中文, 中史, 通識, 聖經, 普通話及視藝
部份班別以全英文授課, 部份班別以中文授課: 電腦, 音樂, 體育
部份班別以全英文授課, 部份班別以增潤形式授課: 綜合科學
部份班別以增潤形式授課, 部份班別以中文授課: 地理, 歷史
增潤形式: 主要以中文授課, 選取若干內容以英文授課

中三:
以全英文授課: 英文及數學 (全級都係)
以全中文授課: 中文, 中史, 通識, 聖經, 普通話及視藝
部份班別以全英文授課, 部份班別以中文授課: 電腦, 音樂, 體育
部份班別以全英文授課, 部份班別以增潤形式授課: 生物, 化學, 物理
部份班別以增潤形式授課, 部份班別以中文授課: 經濟, 地理, 歷史
增潤形式: 主要以中文授課, 選取若干內容以英文授課

中四至中六:
以英文授課: 英文, 數學, 生物, 物理, 化學, 經濟, 資訊及通訊科技及企業會計與財務概論 (會計)
以中文授課: 中文, 經濟, 地理, 歷史, 通識, 生物, 聖經, 體育, 中國文學, 中史, 視藝, 企業會計與財務概論 (商業管理)
除中英數通外, 學生可選修以下兩科:
理科: 生物, 化學, 物理
文科: 經濟, 歷史, 中史, 中國文學
其他: 視藝, 資訊及通訊科技, 企業會計與財務概論

SPJB

cmvfamily 發表於 12-12-2 18:18
回復 wkkelvin 的帖子

我都唔敢比佢喺快餐車買飯食呀, 好DIRTY.
學校有飯商可訂飯的.

ohnono

SPJB 發表於 12-12-3 09:07
在簡介會中, 學校好詳細地講左教學語言的問題. 有三班英文班, 一班中文班.
中一及中二 :
以全英文授課: 英 ...

以band 3A的成績跟本不可以開三班英文班，我覺得佢地有少少誤導添。
係語言微調政策低下，好多學校都陸續推出不同的教學組合，務求迎合社會，更重要的是要衡接新高中的課程。

而將數學科和綜合科學科變為英語授課以便到新高中時衡接物理、化學、生物和數學，這些科目都是我們以往所謂的理科學科。因這幾科除生物之外，以計算為主，不太依賴文字閱讀和書寫表達，對同學易於掌握。

此外，有部份班以英語授課的科目是體育、音樂、電腦，這些非主科用中文和英文的分別不大。

最主要的文科學科經濟、地理、歷史，卻只能以中文授課。

在我看來，這跟英文班的定義相去甚遠！如照這情形是連一班真正的全英文班都沒有。

SPJB

ohnono 發表於 12-12-3 10:55
以band 3A的成績跟本不可以開三班英文班，我覺得佢地有少少誤導添。
係語言微調政策低下，好多學校都陸續推 ...

ohnono,
你一分析之下, 令我明白了很多.
其實揀得B3學校跟本就唔介意佢係以中文教學, 可能會更加適合B3生呢?

另外, 我想問你熟唔熟官塘校綱? 因為家住官塘, 自行時想揀返官塘, 返放學方便啲. 但我一啲都唔熟識官塘綱, 有邊啲學校係B2校風又好嘅呢?

khmama

五旬節同胡兆熾早幾年都係九龍城band2嘅熱門學校，是否可以吸纳多啲全港40%內嘅band2頭學生而夠數開英文班，只要問下學校有幾多班係全英文授課就知道。如果純粹得兩科利用英語延展課時全英語授課，嗰班唔算係英文班，你要搞清楚。開英文班係睇2008同2009入學成績，如果一間主要收band2生嘅中學，而中五會考只有band3成績，即是間學校負增值。

betsymak99

官塘區熱門Ｂ2學校有基孝，五邑, 寧波二,等

betsymak99

梁季彝，堅樂,

SPJB

khmam 發表於 1-12-1353
五旬節同胡兆熾早幾年都係九龍城b2嘅熱門學校 間甲否可以啲全港40學校內嘅band2頭學生而夠數開英文班 ...

多謝各位高人指點，我好死蠢，完全唔識分柝，被誤導左都唔知。唉！越知得多越迷綱，都唔知報那間好，好怕幫阿仔選錯學校，好心煩！

ohnono

我相信你之前喜歡五並不是因為他能開三班英文班。只不過你聽完簡介會後對佢有期望，所以先有此反應。若果撇開英文班的文題，五在同類型、同組別的學校中，校風算是不錯的了。

鄧我又未聽聞話會優先取錄天主教的學生，況且是男校，沒有女生的競爭。胡我相信是band 2頭和中的首選，對band 2尾的同學沒有著數。但若太早選五又恐怕等同放棄抽獎。所以如果進取一點我會選胡配鄧。保守些免去夜長夢多的選鄧配五！

SPJB

ohnono 發表於 12-12-3 23:45
我相信你之前喜歡五並不是因為他能開三班英文班。只不過你聽完簡介會後對佢有期望，所以先有此反應。若果撇 ...

一覺醒來, 見到你有如明燈的指點, 實在是感激萬分.
你頭一段真的講出了我心所想.......我都唔知自己想點........ 心大心細.
我唸我多數都會在自行時博一博胡同鄧, 大抽獎就1) 鄧鏡波/彭學高, 2)五旬節, 3) 九龍塘/新亞.
*自行時沒有選彭而在大抽獎選第一有沒有問題呢?
*其實彭都ok, 本來想自行選的, 但交通確實不方便

在這裡再一次多謝各位熱心的家長為我這個什麼也不懂的人一次又一次的分析, 每次見到你們的回覆個心又定一定, 無言感激.