英文長期不合格

964000

Zleep 發表於 22-6-16 09:39
謝謝分享，我想問下有冇岩男仔（小三）睇既書介紹？我仔係只睇中文書，三國／十萬個為什麼系列／曆史人物系 ...

呢兩套好睇：
Dragon masters (介紹好多人都鐘意睇）
Secret Agent Jack Stalwart （講個男仔係一個spy, 每集去一個國家執行任務，好似James bond咁好多gadgets, 又有那國家funfacts/語言介紹）
不過你先要令佢肯開始，可能初初伴讀下，show下佢入面Dgadgets的圖畫同佢傾下，或者叫個Net揀D書陪佢一齊睇一路傾。

Zleep

964000 發表於 22-6-16 19:33
呢兩套好睇：
Dragon masters (介紹好多人都鐘意睇）
Secret Agent Jack Stalwart （講個男仔係一個spy,  ...

再次感謝！我試下買dragon 先，見過好多次但唔敢買，因為佢話怕查英文字典，但中文書又唔怕查先怪，總之好多藉口。

oxford reading tree 係圖書館借過幾次，佢都好似提唔起勁，可能係冇伴讀關係，睇中文書時我會係佢旁邊睇其他書，有時又會問下佢睇緊乜。但英文書就我自己都小睇，如果叫net 陪睇，又好似少左d 傾計時間，因為net 都有佢自己既教材 （佢係就住小朋友程度一步一步果隻）

睇完你reply 我覺得主要都係我地家長方面交戲不足，要再加把勁。

就從你上面果2本入手先，第2本都似似地sherlock holmes 如果依你描述

964000

Jessy 發表於 22-6-16 02:55
多謝晒你咁詳細列出來，我可以比多幾個選擇佢。

Storey Tree House 我有，但仔女都無興趣睇

我想起你女話睇到ORT 9, ORT其實仲有stage 10-12 叫ORT Chronicles, 故事係Kipper佢哋長大成青少年，一起對付壞人有時光機等，會交待返之前magic key由來，又有少少歷史介紹。
我覺得益智又有趣，不過我女細個時話個壞人（Virion)好spooky唔肯睇，你女可以試吓，好多人二手賣。

964000

Zleep 發表於 22-6-16 20:51
再次感謝！我試下買dragon 先，見過好多次但唔敢買，因為佢話怕查英文字典，但中文書又唔怕查先怪 ...

趁你仔仲細快啲交下戲，大D唔理你了唔會再大影響力。
我女細個時睇咗D書好睇會興緻勃勃咁介紹我睇, 為面掃興我都會睇埋欣賞下，而家唔得啦佢睇D書太厚頂唔順了

poonseelai

964000 發表於 22-6-17 11:11
趁你仔仲細快啲交下戲，大D唔理你了唔會再大影響力。
我女細個時睇咗D書好睇會興緻勃勃咁介紹我睇, 為面掃 ...

我真的會睇孩子D書，只是太多無辦法睇哂

964000

poonseelai 發表於 22-6-17 11:40
我真的會睇孩子D書，只是太多無辦法睇哂

其實我都成日睇，尤其non-fiction通常又有趣又深入淺出好睇過大人啲書，另外有啲買咗佢唔睇唔好嘥又自己睇埋。
真係好幸福我地以前都冇咁多選擇（或者唔識）

王家爸爸

jesswu 發表於 22-6-9 08:20
代友問。
其他科表現好好，除了英文。
快呈一，估計英文依然不合格。

首先搵出小朋友既興趣，然後用英文去學佢有興趣既野。

Jessy

964000 發表於 22-6-17 09:09
本帖最後由 964000 於 22-6-17 11:05 編輯

我想起你女話睇到ORT 9, ORT其實仲有stage 10-12 叫ORT Chro ...

我有呀！睇完9就接住睇，但啲字比較深，我同佢一齊睇㗎。但最後都睇唔晒，一路睇佢都話覺得驚，好似睇到11尾就停咗，佢話太驚。

964000

Jessy 發表於 22-6-18 21:43
我有呀！睇完9就接住睇，但啲字比較深，我同佢一齊睇㗎。但最後都睇唔晒，一路睇佢都話覺得驚，好似睇到1 ...

係呀，我女都話驚，到大個都唔敢睇

Babylyly

jesswu 發表於 22-6-9 08:20
代友問。
其他科表現好好，除了英文。
快呈一，估計英文依然不合格。

級2x 都係band2A ? 平均分多少？
如果其中一科主科59，真係要3 科100 先拉到平均分89

其實我明，因為我小朋友級15 內，英文都係比較弱

Azzurro

圖書館分：銅鑼灣中央，大型，中型，小型
不妨去中央或大型圖書館看看
好齊全，根本無需要買書。。。不停難度的書都試下
好多女士買菜車去幾十本書掃回家，一張證 8本書，4張已經 32本書。。。

carmenlook

jesswu 發表於 22-6-9 16:32
謝謝你。
老師講佢係2A生。但如果呈分好有機會上1C。
英文成績有D，總分C

2A生重要長期英文唔合格，要靠有得溫嘅默書拉到C，上到英中得2科唔係英文，實在冒險，朋友孩子2線級三，英文唔強，上到中一差唔多全英，聽唔切，唔明，跟唔到，上學期全級尾三，信心冇埋，佢小朋友重要比你朋友個小朋友好D，唔係唔合格，只係二線小學英文本身淺啲加佢又唔係好叻咁解，小學英文科比例少唔會好難都長期唔合格，上英中害咗佢

Raccch

回覆 carmenlook 的帖子

因為英文影響其他科真係好可惜，以前仲要係級3，相信打擊好大。有時如果唔了解下其他小學的英文程度真係可能係升英中的時候落後其他同學好多，不過如果剛剛升中，肯繼續讀落去的話仲可以努力操練下追返上小小。

LeeCC

有前輩教，睇下間中學用咩level的reader ，就大約知學校expect學生要有什麼程度

Jean1769

carmenlook 發表於 22-6-27 01:19
2A生重要長期英文唔合格，要靠有得溫嘅默書拉到C，上到英中得2科唔係英文，實在冒險，朋友孩子2線級三，英 ...

香港人就係有英中必勝謎思。因為英文搞到其他科死埋何苦呢。而且讀英中絕對唔等於英文會變好。呢個如意算盤打不響的

天外之人

回覆 Jean1769 的帖子

其實王家爸爸都講得好貼切,從小就應對學習好有興趣,夾硬去學到中學一定見真章.臨急臨忙都冇辦法,都係要以興趣為先. 真係讀到書,就算中小/中中都一樣有成就,諗住入了英中或名中就以為入梗大學,見唔少入咗英中或名中,唔係退出轉校就係時間編排密集谷到衡一衡,仲見到一位家長幫小朋友揾咗十幾二十間中學都入不到,都唔承認自己係虎媽,最終指派所謂一般中學又講讀得開心,所以何苦呢?

carmenlook

Raccch 發表於 22-6-27 11:35
回覆 carmenlook 的帖子

因為英文影響其他科真係好可惜，以前仲要係級3，相信打擊好大。有時如 ...

唔係啱啱升中，已經幾年了，情況未能扭轉，再加有啲情緒病，更加難搞

carmenlook

天外之人 發表於 22-6-27 17:12
回覆 Jean1769 的帖子

其實王家爸爸都講得好貼切,從小就應對學習好有興趣,夾硬去學到中學一定見真章.臨急 ...

語言唔係一朝一夕，唔係話望到實用力啲就聽得明，程度唔夠跟唔切，越嚟越深，一甩咗要用兩三倍嘅力先跟得返，其實我覺得揀間好嘅中中起碼讀得掂、聽得明先，或者搵間有英文班嘅，咁就有得走盞，好過夾硬上英中，長期英文唔合格，估計佢平時溫書都要串字，上到中學咁多科用英文，下下幾十頁甚至成本書，記得慢根本搞唔掂，唔瞓都讀唔晒咁多科，已經六年級，不妨搵啲中一Band one學校嘅書睇睇，俾小朋友望望，要有心理準備係講緊六、七科用英文

Raccch

回覆 carmenlook 的帖子

有情緒病應該情況都比較嚴重，希望佢可以搵到適合的學校就讀。始終身心健康係第一位。

964000

carmenlook 發表於 22-6-28 16:46
唔係啱啱升中，已經幾年了，情況未能扭轉，再加有啲情緒病，更加難搞

已經有情緒病，放下執著，健康行先，中中冇問題，話唔定仲對北上發展有優勢，路係行出來。