考完呈一傾到呈三

little_yolky

greentea000 發表於 18-2-8 11:01
無呀，我地一向無考慮單性别學校，拍拖不便！

好多好學校都係單性別學校。

greentea000

little_yolky 發表於 18-2-8 11:10
好多好學校都係單性別學校。

唔知係咪有兩個自行機會之後感覺考慮既野複雜左，好似有好多選擇咁，其實並唔係。我地考慮係咪要學費、性別、交通、宗教呢Ｄ在先，已經少左好多選擇。

little_yolky

IloveJJ 發表於 18-2-8 11:07
綠茶又講得啱喎，既然你又唔想你女讀啲好勁既學校，你哋自己中學咪好囉！你女輕輕鬆鬆就入到，你哋中學中 ...

揀學校要合適, 啱程度至得。阿女鐘意果間同聯繫之間, 仲有好多學校選擇。我哋九龍城真係燕瘦環肥。老實講, 我無乜壓力, 係阿女硬係鐘意果間, 至有壓力, 阿媽揀個好老公俾佢硬係唔滿意, 要自己揀。


我哋既聯繫唔可能會影響小學部既升中策略, 因為中學係女校, 學校仲有四成男仔, 所以唔可能有影響。我反而覺得係學校鬆散既文化同埋班主任係新仔, 真係乜都唔知。

chanwendy

Kalongmama 發表於 18-2-8 10:38
我同你差唔多，第一日中文，作文，聆聽。第二日英文，作文，聆聽。第三日數學，常識，音樂。Oral 一早考。 ...

我地學校又係永遠數常係同一日考的, 初小覺得冇問題, 因為初小常識唔洗點溫, 去到高小就覺得好辛苦.  呈一時好啲, 因有小三BCA, 高小考拉長咗, 就數常分開咗兩日, 去到呈二又變返平時咁, 好在學校安排咗星期一先考呢兩科, 都叫有時間溫.  啱啱出咗呈三時間表, 都好彩學校排到數常分兩日考.  

Kalongmama

chanwendy 發表於 18-2-8 11:24
我地學校又係永遠數常係同一日考的, 初小覺得冇問題, 因為初小常識唔洗點溫, 去到高小就覺得好辛苦.  呈一 ...

我哋咁多年也是星期五考常同數，好吃力，亞仔數低好已經好啲，我通常之前温定常識，最後一日操下數。其實家長也想分四日考，也响校長反映過，但一年四考，會少左4日教書喎

bb鼠

IloveJJ 發表於 18-2-8 11:25
開始咗放假，呢個假期真係好hea。唔敢去旅行，但放完假返去係測驗。測驗只測中英數。數學已補習，就唔駛額 ...

我地放到月尾，呈三3月中考，返返學半個月就考，呢個假期咪預習未學果d, 做下練習

bb鼠

Kalongmama 發表於 18-2-8 11:32
我哋咁多年也是星期五考常同數，好吃力，亞仔數低好已經好啲，我通常之前温定常識，最後一日操下數。其實 ...

我地分4日，中英數常各一日，星期4開始中，數常仲有星期六日再煲

little_yolky

bb鼠 發表於 18-2-8 11:09
自己教都唔知小朋友咩料！
我女話班主任同佢講你可唔可以有邏輯思考多d, 對數敏感d:sigh ...

我話你d減數愈減愈大明眼人一眼就睇到 ======> 你搞到我响office笑咗出嚟。阿女話佢上當成日睇ETV。

bb鼠

IloveJJ 發表於 18-2-8 11:38
同我哋一樣，放到月尾，兩星期後測。問題係我哋中英文都係考運用，唔考課文，所以預習咩好呢？呢個學期常 ...

我地中英文有考課文詞語，我通常臨考先串下睇下，如果考運用咪做多d練習見識多點題目，呢個係我唔睇書嘅女嘅方法

greentea000

little_yolky 發表於 18-2-8 11:17
揀學校要合適, 啱程度至得。阿女鐘意果間同聯繫之間, 仲有好多學校選擇。我哋九龍城真係燕瘦環肥。老實講,  ...

可能人仔唔係我女，我無咩代入感，好似間間Ｂ１英中都OK。又可能而家中學一讀６年，唔鍾意間學校都要捱６年諗下都好慘。所以我無感覺邊間特別適合佢，一定要勸佢揀果間。同埋又唔係我讀，我重視既因素佢可以完全唔考慮都正常。好似我估華英又舊又細佢會睇唔上眼，雖然佢都係唔揀，不過係因為華英係個斜坡上形象好孤獨！

bb鼠

little_yolky 發表於 18-2-8 11:40
我話你d減數愈減愈大明眼人一眼就睇到 ======> 你搞到我响office笑咗出嚟。阿女話佢上當成日睇ETV ...

真㗎，六上小數乘除，幾蚊100g糖，十幾蚊先買到幾十g
一係細佬有4/8個pizza, 食咗2/3之後仲有5/8

bb鼠

IloveJJ 發表於 18-2-8 11:43
謝謝。因為我仔睇好多中文書的，所以考前寫熟詞語和背熟課文問題就已9x分了。英文，係唯一可以做下練習既 ...

我會針對女比較差的閱讀理解同排段重組句子

little_yolky

IloveJJ 發表於 18-2-8 11:19
唔，我哋學校安排俾五六年級既所有老師，都係好有經驗架!咁你哋啲仔，派成點?我覺得你哋無論計分方法，以 ...

都唔係既, 起碼我哋85分係A, 已經好你哋好多了。而且, 你哋中作佔40%, 真係攞命。我哋呈分唔計聆聽同說話, 好好多了。不過, 我覺得簡介會做得唔夠好, 有一半時間俾中學校長講嘢, 講D阿媽係女人既觀點, 係嘥時間, 反而呈分部份講得唔夠仔細。又無安排班主任長D時間同家長傾談, 各科分數分布唔夠透明等等, 都相當不利。

greentea000

IloveJJ 發表於 18-2-8 11:25
開始咗放假，呢個假期真係好hea。唔敢去旅行，但放完假返去係測驗。測驗只測中英數。數學已補習，就唔駛額 ...

人仔選擇返學校，佢驚自己hea hea下又一日。見家長谷講，都有1／3同學仔返學。

little_yolky

bb鼠 發表於 18-2-8 11:44
真㗎，六上小數乘除，幾蚊100g糖，十幾蚊先買到幾十g
一係細佬有4/8個pizza, 食咗2/3之 ...

數研個老師, 就考試前個禮拜同我哋講：佢終於無錯運算喇。當時個頭係亂晒既。
剛剛個禮拜, 教佢立體圖形, 數研老師話阿女好唔掂, 係小二時基礎無學好。