瑪利諾vs德望vs瑪利曼vs聖保祿spcs：學術成績&學習模式

b3410

creambun 發表於 21-3-26 17:45
Thanks! 可以多點了解MCS  
另外，如果我女有你朋友個女一半自覺性就好了！
...

自覺性方面，可能MCS的栽培功不可沒

hkwcr

睇來瑪利曼應該係最輕鬆模式…不過要自律

其他三間以考測、功課份量同模式來講，邊間比較大壓力？

B.B.BaBa

jli008 發表於 21-3-27 00:19
梗係啦,又唔係我讀,成日講到好似係我入讀咁,係我讀就會講比某些心胸狹窄既人聽~
其它學校有冇派我就 ...

其實本人幾乎從來都唔會回覆閣下，但今次真係要回一次。

第一，8# 版友希望有 MCS 家長分享一下，13# 版友提議閣下講多 D MCS 的事，唔明點解閣下會話人心胸狹窄？希望閣下不是指 EK 的版友們吧！

第二，本人只說出不派試卷回家係好正常，沒有表達過 無問題 或 有問題 的想法，希望閣下不要想太多。

第三，相信閣下並不認識本人，不知為何閣下會誤以為本人知識高，客套或抬舉的說話就請不需要說了。謝謝！


利申：本人唔需要知關於 MCS 的事，如要知都可以隨便問到好多位 MCS 家長，但當中卻不包括閣下。


最後，本人以後仍然會繼續唔會回覆閣下的。

b3410

hkwcr 發表於 21-3-27 02:15
睇來瑪利曼應該係最輕鬆模式…不過要自律

其他三間以考測、功課份量同模式來講，邊間比較大壓力？

我估應該SPCS讀書壓力最大，畢竟要準備考兩個試。不過多勞多得，裝備的好，小朋友將來出路也比較廣闊。
我覺得呢四間的學業成績和付出屬於成正比的。

課外活動特別體藝方面GH比較出色。

自由或者小朋友自理，主動能力，我覺得應該不會好大分別，畢竟考到入到的同學，都係叻女，對自己有要求。

我覺得選校可以從經濟負擔情況/距離交通/將來升學期望/有冇體藝特長幾個方面考慮。

anitamos

mcs 二考一測（以往正常時期均在假期前完成），據女評論功課數量不是超級多，但每份有“深度”要花時間，中一有2科校本(pbl, elp) 好似以做project或寫野為主。最特別是家政，其功課是各科目最花時間，每次assignment 也以寫文字為主，3年家政主要圍繞營養學，再配合每年有少少課時針對特別範圍（煑，縫，個人形象）。數學應該是眾多囡囡最“輕視”的，因可以花在此科的時間不多，冇時間操，而且不是天天有功課（有衹是約5題），尼科需要自己加倍注意。

PTL_L

hkwcr 發表於 21-3-27 02:15
睇來瑪利曼應該係最輕鬆模式…不過要自律

其他三間以考測、功課份量同模式來講，邊間比較大壓力？

輕鬆唔代表學唔到，成績唔理想，Dse成績可參考hkpapa數據。功課量、考測適中，又唔代表好輕鬆，小朋友培養到自律自主既態度同精神，為自己下學習決定，個人認為中學階段不應再「餵」知識了，應是學會「找」知識，長大後，踏入社會自律自主自信，呢啲特質都好重要。

mcl203

去到高中階段，不少學生都係狂補㗎啦，基本上已經無分別。除非，非常資優或非常隨意者例外～～～

creambun

anitamos 發表於 21-3-27 11:22
mcs 二考一測（以往正常時期均在假期前完成），據女評論功課數量不是超級多，但每份有“深度”要花時間，中 ...

謝謝提供資料，除兩考一測外，請問MCS 每科多不多Quiz？數學似乎是好多女校的死穴。

anitamos

creambun 發表於 21-3-27 11:56
謝謝提供資料，除兩考一測外，請問MCS 每科多不多Quiz？數學似乎是好多女校的死穴。
...

每科也不定期有quiz, 吾知幾多，因女每晚也坐系書枱做功課或溫quiz或其他預備。

b3410

creambun 發表於 21-3-27 11:56
謝謝提供資料，除兩考一測外，請問MCS 每科多不多Quiz？數學似乎是好多女校的死穴。
...

以我所知MCS，MSS兩間小學的數學也教的比較簡單。另外兩間直資唔知。不過總體感覺
數學科：  女校 <男女校<男校
不過文科方面女仔完勝！

PTL_L

mcl203 發表於 21-3-27 11:53
去到高中階段，不少學生都係狂補㗎啦，基本上已經分別。除非，非常資優或非常隨意者例外～～～
...

想請問下，高中時大多會以咩形式補習㗎？大型補習社還是私補適合啲？

mcl203

PTL_L 發表於 21-3-27 12:27
想請問下，高中時大多會以咩形式補習㗎？大型補習社還是私補適合啲？

認為幫到自己嘅補習社，即係每人睇法唔同～～～

若果係進取型嘅中學，學生自己識搞㗎啦，社群大啲，代代相傳，參考資訊較易拿取～～～

個人觀察，傾向補習社，有業績嘅老師會目標遠大啲，私補收唔到幾多～～～

mcl203

b3410 發表於 21-3-27 12:11
以我所知MCS，MSS兩間小學的數學也教的比較簡單。另外兩間直資唔知。不過總體感覺
數學科：  女校  ...

校內唔緊要，最緊要係校外，殊途同歸，俾嘅物資係一樣～～～

medicine

mcl203 發表於 21-3-27 12:34
認為幫到自己嘅補習社，即係每人睇法唔同～～～

若果係進取型嘅中學，學生自己識搞㗎啦，社群大啲，代代 ...

宏觀睇問題,係比較容易理解.但宏觀的東西,在微觀來睇,亦未必適合.
始終人係一個個獨立的個體,甲之蜜糖 或許乙之砒霜.

結論,試過先知.

PS:未試過.

cafeva

b3410 發表於 21-3-27 12:11
以我所知MCS，MSS兩間小學的數學也教的比較簡單。另外兩間直資唔知。不過總體感覺
數學科：  女校  ...

其實S PCC高中保係咪都多人補習？

mcl203

medicine 發表於 21-3-27 12:41
宏觀睇問題,係比較容易理解.但宏觀的東西,在微觀來睇,亦未必適合.
始終人係一個個獨立的個體,甲之蜜糖 或許 ...

Track Record~~~

所以話好個人，好團體，又話歷史背景，又或 N個理由～～～

Hkmama818

mcl203 發表於 21-3-27 11:53
去到高中階段，不少學生都係狂補㗎啦，基本上已經無分別。除非，非常資優或非常隨意者例外～～～

...

有冇高中唔補習+唔係資優而成績卓越的例子？

b3410

cafeva 發表於 21-3-27 12:53
其實S PCC高中保係咪都多人補習？

點可能唔補呢？目標滿天星而完全唔補，我覺得呢個階段資優也未必可以做到。分別在於補幾多，點樣補 ，搵同校前輩還是搵出面老師之類。
我哋也打算去進補喇，高中臨門一腳，以我所知國際學校也要補下囉。

AAmother

anitamos 發表於 21-3-27 11:22
mcs 二考一測（以往正常時期均在假期前完成），據女評論功課數量不是超級多，但每份有“深度”要花時間，中 ...

PBL和ELP都好有興味，數學我是覺得份量太輕，可能F.1比佢哋過度升F.2後份量會大大加大吧！