1成中學生曾想自殺 Band 1校高危

daisy17772

本帖最後由 daisy17772 於 18-4-8 16:48 編輯

有好多家長認為社工沒有作用， 但係我看到嘅就不一樣。但我認為視乎家長如何同仔女溝通，和作出指導。 例子有D家長， 唔知係咪唔會鼓勵 仔女搵社工， 或者畀佢哋覺得咁樣做係inferior。我自己做鼓勵仔女主動搵社工 ，唔需要害怕 老師，又或者 覺得同社工講適合過同父母講，就去揾社工傾。父母demonstrate 點樣既態度好重要。 學校就算有再好嘅校社工 ，學生無被鼓勵的情況下， 有等於冇啦。

我女的學校社工對於班女都有 疏導作用。有D真係當佢係傾談對象，有時一D問題可能揾人傾下就心理上好好多。佢地同學見另外同學心裏不舒服，都叫或陪佢去揾社工。一念之差，有嗰人係學校幫下眼睇下，都好D。

Soundervolt

Yanamami 發表於 18-4-8 16:30
未必係誇大，更未必关教育制度事……標題指band1校学生，唔仔細想会以偏概全。我感觉係錯配，本身能力不足 ...

從小開始陪太子讀書嘅家庭最易出事，呢類家長對子女成績比較緊張，期望比較大，但又唔願放手，來自父母嘅壓力自然唔會少。

daisy17772

Yanamami 發表於 18-4-8 16:30
未必係誇大，更未必关教育制度事……標題指band1校学生，唔仔細想会以偏概全。我感觉係錯配，本身能力不足 ...

根據過往資料， 就算係band1生 ，升咗上中大讀神科，一樣自殺。

daisy17772

我見過有中學生有輕生之念，話係學校被老師要求做D佢認為不合理的事情，但好明顯佢唔揾家長傾，又唔揾社工，更不敢跟老師反映，這正就是推自已埋 牆角的情況。呢D情況多出現於高中生，因面子唔揾社工，老師又成日話佢地要學自已解決，唔好成日揾父母出面，令D學生一個人面對，危機就出現。

我聽過有D家長同個女講，學校有什麼事自已解決，你同我講，我都唔會揾老師傾。仔女聽到你咁講，遇到問題又點會話你知。就係無溝通law.中學階段佢哋係法律上 係兒童或者少年。 其實大人有冇諗過佢哋自己喺工作上， 唔通所有嘢都係自己解決，冇搵老闆出面?

學生求學期間遇到問題 ，不外乎 學業成績 ，除此之外 在學校，老師 又何嘗 沒有帶畀佢哋壓力，在家庭也可能有壓力。

1998Ruby1998

回覆 daisy17772 的帖子

10 個中學生有 8 個都唔鍾意社工。原因係社工會出賣資料，我自己都經歷過，以為社工信得過，點知轉個頭就同我班主任講，班主任就同返我父母講。咁即係我返到屋企又會畀人鬧，問題依然存在，只係個波不斷拋來拋去，最後都係要靠自己解決／捱過。呢個惡性循環先係令到我地唔鍾意社工，通常都唔係關乎面子問題（已經冇曬面冇自尊，仲有咩面子問題？）。

Charlotte_mom

Yanamami 發表於 18-4-8 12:16
交心需要信任，需要时间~中学生好难同个三唔識七既社工交心｡初中時阿女学校有講座，都係叫同学有心事有难 ...

我地長駐tim，又幫到幾多？
要社工跟進嘅個案，好多時係需要老師/家長介入，但十幾歲最忌就係呢d，好難打開心窗
老土講，傾兩傾就抒發到的話，就唔會咁多人攪到要睇精神科啦

Charlotte_mom

我仔sen，考試可安排特別室同加長時間
今年開學簽form，學校問需唔需要支援呀，同唔同意同班主任交換資料呀，我都有問我仔點睇，我仔長期case慣左就話ok，佢ok我至填ok，始終佢已大個仔我要尊重佢決定
但佢特別同我講，唔要考試去特別室，唔要加時，佢唔想人地覺得佢有特別待遇
長期客仔都有抗拒嘅時候，何況唔係長期客仔呢？

真係要靠老師同家長細心把關，有咩唔妥要好好地同仔女傾下

咁又當然，如果學生本身同老師/家長之間已經無信任，咁就真係求助無門了（老師家長唔轉介，社工鬼識d學生咩）

Yanamami

我大女间中学好关愛学生~DSE班主任同老師好留意学生情緒，上堂可边食零食飲野，老師又請全世界食雪糕，家長日又问女係屋企情况，更要每个家長靜靜雞寫張A4卡俾女，鼓勵佢，等班主任遲d可以俾番女睇……所以虽然考公开試係有压力，但大家心理都好平衡｡

daisy17772

Charlotte_mom 發表於 18-4-8 18:28
我地長駐tim，又幫到幾多？
要社工跟進嘅個案，好多時係需要老師/家長介入，但十幾歲最忌就係呢d，好難打 ...

是的，有頗多情況其實需要家長介入。我見成功處理的個案都是這樣。所以是有成功的例子，但要視乎家長的態度，合作與否，教育背景都有影響。。

至於你所說， 如果舒發下都幫到，就唔會咁多人要睇精神科， 這個我就極不同意。 倒返轉諗 ，可能其實有一啲細case ，就係學生已經搵途徑抒發咗，同學、老師、社工又好， 所以 呢D情況 已經被制止了。

係 心理輔導角度去睇， 第一時間要解決嘅並不是問題本身，而係當事人的情緒。 起臨床心理學， 教育心理學， 有一樣嘢就係學 疏導情緒， 係處理危機時好critical. 絕不能夠睇少抒發情緒。 情緒絕對影響判斷力、 事情嘅 準確性。

王家爸爸

Charlotte_mom 發表於 18-4-8 18:28
我地長駐tim，又幫到幾多？
要社工跟進嘅個案，好多時係需要老師/家長介入，但十幾歲最忌就係呢d，好難打 ...

社工跟進得唔好，傾得唔好，反而有反效果，而且會令小朋友尷尬（俾其他同學知道自己有問題）。而老師既不經意介入，效果會更好，因為當傾偈，又唔明顯，其他同學唔會發覺。

miriam

1998Ruby1998 發表於 18-4-8 17:36
回覆 daisy17772 的帖子

10 個中學生有 8 個都唔鍾意社工。原因係社工會出賣資料，我自己都經歷過，以為社 ...

唔好講社工, 輔導主任都係一樣, 講完隨時將件事發大黎搞, 或者唔理, 真係多謝晒囉!

daisy17772

miriam 發表於 18-4-8 20:15
唔好講社工, 輔導主任都係一樣, 講完隨時將件事發大黎搞, 或者唔理, 真係多謝晒囉!
...

其實輔導主任唔一定專業。

miriam

朋友細佬經歷, 佢細佬應該係資優, 但班主任玩針對, 見家長時班主任同副校玩單打再針對, 搞到佢細佬怕左返學, 驚到嗌自殺同企跳, 學校出埋教育心理學家都搞唔掂.

校長怕搞出人命, 唔知同班主任加副校點傾喇, 對佢細佬 180 度轉變咋.

Charlotte_mom

王家爸爸 發表於 18-4-8 20:05
社工跟進得唔好，傾得唔好，反而有反效果，而且會令小朋友尷尬（俾其他同學知道自己有問題）。而老師既不經 ...

聽過個好平常嘅case
老師不公平對待，學生唔開心，情緒有困擾搵社工傾，講好唔同老師講，第二日學生發現老師（就係大細超果個）已經知悉對話，真係勁老土又勁尷尬
個學生直頭覺得自己俾人出賣左，仲down多兩錢，當然極力宣傳叫人唔好搵社工傾心事，死硬！
一傳十十傳百，社工信譽歸零

Charlotte_mom

daisy17772 發表於 18-4-8 20:04
是的，有頗多情況其實需要家長介入。我見成功處理的個案都是這樣。所以是有成功的例子，但要視乎家長的態 ...

我寫得衰。我唔應該話傾計抒發無用，只係想表達要解決事情需要多方面、從根源配合，唔係大家肯傾兩句就解決到

daisy17772

1998Ruby1998 發表於 18-4-8 17:36
回覆 daisy17772 的帖子

10 個中學生有 8 個都唔鍾意社工。原因係社工會出賣資料，我自己都經歷過，以為社 ...

對於你親身經歷過感到被" 出賣"， 深表同情。 人與人之間的關係， 信任就係根本。

無辦法，輔導的工作係人做同人有關的事情，人處理事情的質素所以會有參差。

社工做facilitation 時，有沒有取得當時人信任，與家長、學校溝通時，夠唔夠仔細，眉精眼企，懂得做有效溝通，"不只是溝通"，都對處理事情有影響。取得信任不代表要完全迎合對方要求，專業都有底線。

一件事的處理手法看來被定性為 "出賣"，能否透過有效溝通而理解為， 避免不可挽回的結局出現，與父母教育背景、心態，和社工的經驗，都有關係。

ANChan59

HM168 發表於 18-4-8 14:19
沒有跨大，朋友係医院兒科見很多這類case

中学生去儿科？

ANChan59

我只见 Band 1 Band 2 只差两个%，为何只是 Band 1 有问题，我认为如果三份二中学生有自殺问题，是严重社会问题，不单单是学业问题。

家长们不要被传媒標题黨误導，以为只是 Band 1 ，所以一厢情愿以为是学业问题。

我亦不会完全相信社工这类调查，目的是为社工增加资源，增加影响力。

HM168

ANChan59 發表於 18-4-8 21:53
中学生去儿科？

係under 19歲都是兒科

Charlotte_mom

ANChan59 發表於 18-4-8 21:59
我只见 Band 1 Band 2 只差两个%，为何只是 Band 1 有问题，我认为如果三份二中学生有自殺问题，是严重社会 ...

突然醒起
有次聽個talk，講者係博士級人馬。
佢話有排發現阿仔唔開心，同阿仔傾心事，阿仔話，阿爸係博士，阿媽係碩士，如果我咩都無，咁點算呀
原來現今父母叻，對仔女本身已經係一種壓力

呢個theory在我老闆個女身上再被証實，又係阿爸博士，阿媽碩士，今次加個高材生阿哥。個妹覺得自己好弱，不停迫自己（真係情緒病急call家長果種）
爸媽有本事，俾嘅資源正常地會較好，學生唔係傻嘅點會唔知，父母對仔女就算無兜口兜面話有咩期望，稍為識唸嘅學生都會希望唔好辜負父母期望。在學生有挫折時好易將呢d「精神負擔」一次過蒸晒出黎
可能不少band one生都係咁，所以情緒困擾在b1生身上發生較多亦不無道理