SJC為何成績下跌？

喇叭茶

b3410 發表於 22-4-1 10:48
好好的討論唔好嗎？

前面okay, 不要再意氣用事喇。

前輩，你認為這個討論方向/氣氛嘅轉折位在哪處呢？我都想好好檢討一下

喇叭茶

chitchit0520 發表於 22-4-1 10:52
沒問題，我的品又不是由你評價。你太自我中心了！

當然不是由我評價啦。
家長們嘅眼睛係雪亮嘅

mcl203

所以中文課程係咪偏難就不願置評了，但都係同一個人認為，課程偏難並不代表  合格機會  都係偏難，達3 有近60%，達2有近90%，數字已經可能顯示要達3已經係要求並非太高，過半人係可以達標，又或許係在篩選目的下嘅標準要求～～～

因為某些學生未達3就認為要求太高，本身究竟有無睇過數據？無3就求2，用2去拉一條標準線，似乎，已經不太有意義，已經係可以考慮唔使考中文DSE了。況且，未達2者又可以要求1已經夠用，係同理，咁仲考中文為乜呢？近100%達標。課程深係並等於取3難～～～

昨晚難得同位年輕人提到呢個討論，佢奇怪反問達3唔難喎，係認真啲取4亦非難事，你無諗住合格當然唔合格，佢自評中文欠佳，但DSE中文係有得背有格式，取4甚或以上並非太難，可能只係家長自己覺得難，但佢哋唔係考生～～～

bobbob

Poyau 發表於 22-4-1 09:18
當年會考中英數合格率較文憑試低

DSE 2021 | HKCEE 2010

雖然hkcee中英文合格率好似低啲，但印象中當年入u只求有E就得，唔係要3喎。。
話時話，當年中文真係淺過而家好多，識人字都唔識多隻居然攞到B

b3410

喇叭茶 發表於 22-4-1 10:52
前輩，你認為這個討論方向/氣氛嘅轉折位在哪處呢？我都想好好檢討一下
...

唔敢當前輩，只係大家一起學嘢
前面討論中文方面其實我都好有興趣知道，如何做好中英文平衡，我諗好多家長都好想知道。

bobbob

b3410 發表於 22-4-1 10:51
前面討論頗有營養，後面部分不如自行清理一下，保留有營養部分。
拜託喇 ...

睇嚟都就快鎖post

mcl203

b3410 發表於 22-4-1 11:00
唔敢當前輩，只係大家一起學嘢
前面討論中文方面其實我都好有興趣知道，如何做好中英文平衡，我諗 ...

好認真mode，無論課程如何，都係睇返達3是否要求好高，係咪非常難達標～～～

可能，EK啲非神科唔讀論下嘅產品，中文達3係接受唔到，中文取3咪計分蝕晒焯，計4C+2X咪少咗4分，最多得38分，不如唔好計中文，又阻住我去摘星星，一粒星都不能少呀～～～

補返句，認為唔公平，仲有IB/GCE俾‘家長’揀，咁就唔使投訴啦，考唔掂IB/GCE嘅中文，或者成績未如理想，莫非又要嘈唔可以要求咁高～～～

喇叭茶

b3410 發表於 22-4-1 11:00
唔敢當前輩，只係大家一起學嘢
前面討論中文方面其實我都好有興趣知道，如何做好中英文平衡，我諗 ...

啱呀，大家其實係討論緊係咪DSE中文程度可以稍為放寛，另中文弱d嘅數理男生有喘息嘅空間，大學也不至於因中文科而失卻人才（加埋好多人一早因為中文科而避走了）。
當然，從另一個角度睇，民族大義，中文無敵，呢個講法係永遠可以凌駕一切嘅。點解唔好好學好中文？身為中國人就要學好中文，要求DSE合格啫，咁樣都嘈亂巴閉…..(下刪一千字)

喇叭茶

bobbob 發表於 22-4-1 10:59
雖然hkcee中英文合格率好似低啲，但印象中當年入u只求有E就得，唔係要3喎。。
話時話，當年中文真係淺過而 ...

你叫當年中文攞C或以下嘅人情何以堪⋯⋯

mcl203

講呢啲，可能，最客觀嘅意見係 去問吓啲身在Band 2中學嘅學生，中文或英文嘅入大學要求，係佢哋面對嘅最大問題～～～

否則，結論去取自強者，咪又係啲唔好阻住我DSE42/IB45/GCE星星星星 嘅說法～～～

beastiebistro

Emm...帖題其實係SJC點解成績下跌，解釋已經有（同意與否另計）。

討論DSE中文程度是否應該另闢蹊徑呢？

Zleep

mcl203 發表於 22-4-1 11:11
本帖最後由 mcl203 於 22-4-1 11:17 編輯

好認真mode，無論課程如何，都係睇返達3是否要求好高，係咪非 ...

你有邊個post 唔認真，嘿嘿！
等我又得閒亂嗡下先，我認為主要係個制度問題，再加上一部分超叻學生同識玩既家長都一起參與，所以無論你點將個試題／課程改淺，都總係有一部分人脫穎而出，程度弱的學生我相信唔會因為份卷淺左而成績大幅躍進。
整個syllabus 改淺左，令到原來不合格的同學有機合格，或本身2，3既可望穩d 拎4or 什至5。
但要考慮係拉curve 制，你vs 係其他學生對份卷既完成度／準確度而已。

現實世界係叻既人永遠係最快搵到竅門去克服困難，而冇咁叻既人只能慢一d，每個等級就係咁拉出黎。

至於有冇需要學到咁深，我份人比較膚淺，個遊戲rule 係要你學到咁深，你只能去搵攻略，因為最後你都係要參與個遊戲，默默去陪佢顛，even 個遊戲真係幼稚，玩唔掂咪IAL ／ IB，呢個都係另一種克服困難的skill。

mcl203

Zleep 發表於 22-4-1 11:35
你有邊個post 唔認真，嘿嘿！
等我又得閒亂嗡下先，我認為主要係個制度問題，再加上一部分超叻學生同識玩既 ...

又係認真mode，我識人唔多，識嘅見到嘅朋友，唔係學生，一早都睇到佢哋俾壓力子女選學制嘅意向，係1分都不能少嘅基本原則下，係會選IB，就算佢一直評自己子女係中強英弱，入咗IB都會補中文，亦非怕中文～～～

另一啲，DSE/IB都無所謂，似乎能力IB模式都適合，會取DSE，反正DSE嘅前人/坊間支援力量大，可供參考又海量，入目標科啫，求夠分即可～～～

只會死背硬讀嘅，似乎，我係唔識嘅，所以唔評論～～～

又至於，自己位年輕人嘅母校，出名差中文，識嘅過10位同學，成績前中後都有，結果係無一個炒中文，全部係6大，亦只有一個係非3大。戴返個頭規先，佢哋炒嘅一定有，只係我唔識嘅原校生～～～

喇叭茶

mcl203 發表於 22-4-1 11:31
講呢啲，可能，最客觀嘅意見係 去問吓啲身在Band 2中學嘅學生，中文或英文嘅入大學要求，係佢哋面對嘅最大 ...

Band 2中學，絕大部份都係中中，佢哋喺日常嘅語境中，英強還是中強？

喇叭茶

beastiebistro 發表於 22-4-1 11:33
Emm...帖題其實係SJC點解成績下跌，解釋已經有（同意與否另計）。

討論DSE中文程度是否應該另闢蹊徑呢？ ...

係喎，其實SJC下跌原因，結論係乜嘢？

beastiebistro

回覆 喇叭茶 的帖子

我講咗我睇法，可以轆返上去睇睇。

mcl203

喇叭茶 發表於 22-4-1 11:54
Band 2中學，絕大部份都係中中，佢哋喺日常嘅語境中，英強還是中強？

你又游出公海啦。你唔係評緊中文3係咪高要求咩？莫非又伸延到英美人仕認為中定英難？我見識少，未見過香港仔唔識睇中文餐牌～～～