升中交流區 - 北區

ccn008

絕對讚同有進步好重要.

hinhei

于良發頭三十巳是band one 頭學生, 跨大埔band one 英中機會好大!

亞力士

陳主任都話跨大埔band one 英中機會好大 ,留番d北區位俾人

ccn008

Hi Ricetaster,

想請教, 如果就讀小學比張form你, 話係全校只推薦你一個去某中學, 甘填完, 交埋返學校, 係咪即是99%入緊那中學?

ricetaster

邊有100%  ! 放咗榜先至係真嘅  ! 如果推薦嘅中學係你心儀嘅, 咪自行及大抽獎都放 1st choice, 但始終明白被推薦/邀請嘅小六生係唔只來自一間小學或得一個候選人, 如果中學覺得你嘅條件和他們心目中嘅要求有相當落差, 會有可能唔比位你。

[ 本帖最後由 ricetaster 於 11-1-25 13:17 編輯 ]

ccn008

但如果係小學推薦得你嘅, 都有相當信心; 不過我都係認為面試好重要, 臨場表現吾好就講咩都無.  tks!!

ricetaster

我因為親見囝囝同學有被推薦但最後落選嘅經歷, 成績之互相比較至係最關鍵, 十二歲學生的面試成績唔會落差太大, 好多時面試係循例見吓, 除非你面試表現太差,但成績唔多達到學校要求就無面比。

[ 本帖最後由 ricetaster 於 11-1-27 11:40 編輯 ]

fungyubb

ricetaster,  表已經交了，雖然已成大局，但也想聽聽你的看法。自行只選了一間—鄧顯，沒有報第二間，小女也同意搏一搏。她就讀的小學有五班小六，她在第二次呈分試考全級第三，以往保持在全級十名內，這樣選校策略是否有些冒險？因怕一個好彩第二志願收了她，在統一階段便沒有機會再派鄧顯了。另外，想請問：1.統一階段甲乙部第一志願選鄧顯，乙部第二是不是不可以選甲寅年？2.那第二、三志願應該選哪間學校？3.如果自行和統一階段都沒有選甲寅年，敲門時機會是否會受影響？

ricetaster

如果你在自行非鄧顯不入嘅, 連甲寅在 2nd choice 收你, 你都唔接受嘅, 就揀得啱 ! 呢個情况係有D 浪費咗 2nd choice, 但非君不嫁就只有咁揀。

大抽獎因為北區十四所學縮班, Band 1 中學少咗180個學額, 正常乙部 2nd choice 係入唔到甲寅, 咁填 1st choice派唔到, 就會被人派到第五,第六志願。你嘅方法離不開 : -

進取型
1st Tang Hin, 2nd 甲寅 ,  3rd 馬錦明
一, 二志願唔得就去本區, 大埔, 沙田英中叩門。

保守型
1st Tang Hin,  2nd 風釆/馬錦明, 3rd 廖萬石
第一志願唔得就去本區, 大埔, 沙田英中叩門。

P.S. 甲寅點睇你唔填佢係第一或第二志願, 我估唔到。好似佢D 叩門位有特別安排渠道, 唔收無聯系背景嘅學生。但以你小朋友嘅成績都應揾哂三區英中報名, 大把學校收, 只要做哂指定要做嘅嘢, 無謂哂時去估一D自已找不到答案嘅事情。

叩門時要留意, 一般在叩門之後的一至兩天內就要考筆試, 有時會撞期。

[ 本帖最後由 ricetaster 於 11-1-26 16:46 編輯 ]

fungyubb

ricetaster,

   正如你所說，統一階段第二志願入到甲寅年的機會咁微，這樣選擇是有特別意義嗎？還是如果預咗派唔到鄧顯都會到區內英中叩門的話，起碼第二志願選過甲寅年都容易解釋？如果接受現實，第二志願選李嘉誠/田家炳，派到的機會會否較大？

ricetaster

即使唔計今年北區因縮班而減,, 少咗180個 Band 1 學額, 在以往大抽獎在乙部 1st choice 和 2nd choice 填兩所英中都已經係冒險, 而今年720 個英中位係滿足唔到約1000名band 1 生(即使部份人跨咗區),。

在第一回合過, 鄧顯, 甲寅,陳融應該無晒位, 連李嘉誠 , 田家炳嘅學額都去得七七八八, 即係話第二回合, 抽得到李或田嘅機會可能 少於八份之一, 根本今年係無萬全之策, 純講彩數, 合理地博 咪 2nd choice 李或 田, 一般情况大部份家 長2nd choice 已經揀馬錦明/風采, 如果第一志願唔得就一定要去本區或他區叩門, 第二志願只不過最後水泡, 所以你如果覺得最後水泡都係重要嘅就揀得保守D, 因為無人担保叩門一定掂, 不過你囡囡成績好, 叩門成功機會大, 要最後一呈分試要繼續考好佢。

[ 本帖最後由 ricetaster 於 11-1-27 11:46 編輯 ]

@1314

已收到德信中學的中一面試結果,只是wait list(31March前才知後補結果),本來我打算,如果考不到德中,我會考慮林大輝中學(如果考到).
林中會在26/2面試,多數會即日或短期內知道會否取綠.
我應該点處理?知不知德中wait list,收綠機会大不大
?

[ 本帖最後由 @1314 於 11-1-27 15:58 編輯 ]

fungyubb

ricetaster,
    多謝你的提醒，冇錯！最後一次呈分試要繼續考好佢，革命尚未成功，大家仍需努力！

north2010

你地收到面試信未? 有同學仔已收到迦密柏雨面試信喇 !

ricetaster

copied from 迦密柏雨 web site :

"面試於2011 年3 月5 日（星期六）上午九時至下午四時進行，每一位申請人均獲面試的機會，各申請人要按指定時段到校進行十五分鐘的面試，請在提交申請表時附上回郵信封，本校將於二月下旬郵寄面試詳情給各申請人。"

原帖由 north2010 於 11-2-15 13:20 發表
你地收到面試信未? 有同學仔已收到迦密柏雨面試信喇 !

fungyubb

過了自行交表後大家好似靜咗D。聽講這兩年陳融的受歡迎度減弱了，我在小學的家長會中，小學校長對此校的評價有些隱晦，是甚麼原因？有沒有家長知多D？分享下！如李嘉誠與陳融又點比較呢？

fungyubb

在中學概覽名單上有『他』的他區中學，於統一派位選校表內應填在甲部(跨區)？還是乙部(本區)？到正式選校時是否可以在表內看到各間中學有多少學位分配給本區？希望大家提供資料 。

YC

I want to know too, thx.

原帖由 fungyubb 於 11-2-15 20:29 發表
在中學概覽名單上有『他』的他區中學，於統一派位選校表內應填在甲部(跨區)？還是乙部(本區)？到正式選校時是否可以在表內看到各間中學有多少學位分配給本區？希望大家提供資料 。 ...

ricetaster

所謂甲部即係適用全港在學概覽上有顯示嘅中學校你都可以選擇, 至於乙部, 只限選擇中學概覽在你所屬校網列出所有分本區學校及他區中學, 他區係為彌補本區學位不足或幫D他區籮底橙學校散貨, 一般他區都係每間比兩個位左右。

今年本區14間中學都減一班(一般原先係5班中一), 如果你真係要check 到大抽獎乙部每校有多少個位, 大約formula係 :

4班 X  36人 - 自行54人 - 留班位8人 - 甲部2人= 80人

大抽獎乙部每校大約有 80 個學額, 最多亦唔會超過88人。

原帖由 fungyubb 於 11-2-15 20:29 發表
在中學概覽名單上有『他』的他區中學，於統一派位選校表內應填在甲部(跨區)？還是乙部(本區)？到正式選校時是否可以在表內看到各間中學有多少學位分配給本區？希望大家提供資料 。 ...

fungyubb

明白哂！再問係唔係他區有學校分給本區，本區也有學位分給他區？正如你舉的formula，每間也有2個位分給他區？只是不同學校分到不同的他區？