公營中小學大半年8000人退學‎

gigayan

Jacba 發表於 21-7-31 21:10
这让我想起了很多年前的上海。也是与外地人有隔阂。但是随着时间推移，已不断融合。
...

宜家係上海街頭, 講上海話嘅人已經很少, 多數都係上了年紀的........

ILOVEBEAN

回覆 ar_mak 的帖子

好正， 超級正⋯⋯

longlokma

ar_mak 發表於 21-8-2 12:38
其實你講緊呢堆野係相當複雜，首先大家要攪清楚，咩叫廣府話，咩叫廣州話，咩叫廣東話，咩叫粵語，咩叫白話 ...

講得好好

cornelius

rsx 發表於 21-7-26 15:03
Delete曬佢方便大家睇

公營中小學大半年8000人退學‎校長：移民漸增、縮班殺校難免

係，就算強如QC都有人走(朋友兒子讀開QC，父母頂唔順香港現況，但佢哋未走得住，所以安排阿仔轉去英基讀住先。)

直私更甚，阿仔嗰班走多兩個唔讀IB，9月開學只剩低14人，另一直龍男校(剛出DSE狀元嗰間)也有唔少人走。

不過走咗係咪真係大咗機會畀人插班，其實又未必，除非自身成績好，同埋插中四或以下嘅級，否則都唔係咁易。

Soundervolt

ar_mak 發表於 21-8-2 12:38
其實你講緊呢堆野係相當複雜，首先大家要攪清楚，咩叫廣府話，咩叫廣州話，咩叫廣東話，咩叫粵語，咩叫白話 ...

粵語、白話、廣府話、圍頭話係乜嘢，有興趣可以上網揾到答案，一尐都唔複雜，唔需要喺呢度再解釋。因為正確上香港一直係屬於中國一部份，只係鴉片戰爭後南京條約將香港變成為英國殖民地，所以由大陸嚟港嘅人都稱為移居，而唔係移去其他國家（唔少香港身份文件都要填寫上籍貫），所以唔適合稱呼為移民。依家去英國參加5+1計劃嘅人因為去其他國家，當然係移民啦。或者有人覺得我潑冷水，但我只係講出一尐令部份人唔啱聽嘅嘢。身為家長及生意人，我會著重計算每個決定嘅風險，所以我之前都係用客觀條件、97移民潮等等去分析風險所在，移民始終係人生重大決定，尤其要對一家大小負責任嘅家長，樓上有都有講每個case條件不一樣，有人會成功，有人會失敗，我亦識認成功嘅人，究竟自己有什麼條件成功要自己去衡量。其實好奇怪，經常喺EK見到有人讀寶校，大家都會好熱心出嚟分析風險，甚至直接去負評，但對今個帖討論移民嘅風險就唔應該？乜嘢道理？

一般需要偷渡嘅人都係陷於人生絕境，香港亦未至於敘利亞般嘅絶境國家，亦未至於需要偷渡離開，出入境仲有自由，所以你嘅比喻並不適合。

BTW，8000學生退學亦並非所有人都係移民，當中有人移民，亦有人擔心近年香港育界政治化而離開。我仔今年都係呢8000份之1，但佢只因為想讀嘅科目喺外國有較好嘅選擇而已。

longlokma

Soundervolt 發表於 21-8-2 17:26
粵語、白話、廣府話、圍頭話係乜嘢，有興趣可以上網揾到答案，一尐都唔複雜，唔需要喺呢度再解釋。因為正 ...

但你將移居英國同入讀寶校相提並論，本身已經係有偏見， 為什麼移居英國不是等於入讀SPCC呢？

Soundervolt

longlokma 發表於 21-8-2 17:31
但你將移居英國同入讀寶校相提並論，本身已經係有偏見， 為什麼移居英國不是等於入讀SPCC呢？
...

首先要睇吓自己什麼條件，之前有提及今次持BNO移民門檻要求降得好低所以可以吸引大量普通背景嘅人移民，若果根據一般條件去讀SPCC，SPCC都會變成佢地嘅nightmare寶校。

longlokma

Soundervolt 發表於 21-8-2 17:39
首先要睇吓自己什麼條件，之前有提及今次持BNO移民門檻要求降得好低所以可以吸引大量普通背景嘅人移民，若 ...

你指嘅普通背景其實是什麼？可以具體說明嗎？

longlokma

Soundervolt 發表於 21-8-2 17:39
首先要睇吓自己什麼條件，之前有提及今次持BNO移民門檻要求降得好低所以可以吸引大量普通背景嘅人移民，若 ...

SPCC也不見得全校狀元吧？
如果有一羣孩子獲SPCC收為學生，外人又憑什麼去判定這羣學生一定讀唔成書冇成就？？ 就係因為呢班學生唔係富豪子弟？？？？
重點係，就算你認為這些孩子高攀了SPCC，為什麼你不是鼓勵這些孩子加油，而是「 睇你哋幾時畀人踢出校返去讀返寶校」嘅心態？？

你口中移英嘅「普通背景」人士， 除咗你估計佢哋身家唔夠你豐厚， 佢哋嘅學歷/能力/其他才能你又知幾多呢？？憑什麼去下判斷这些「普通背景」人士唔能夠係英國好好生活？？
香港當年都係靠一大班人白手興家， 當年呢班人有幾多讀過書 ？有幾多人一開始就拎住幾桶金？

不過，最令人跌眼鏡的，是這些bk式言論竟然出自你的帖。

Soundervolt

longlokma 發表於 21-8-2 17:51
本帖最後由 longlokma 於 21-8-2 18:17 編輯

SPCC也不見得全校狀元吧？

今次英國唔需要篩選申請人條件而直接提供5+1方法移民，總之揸BNO都可以，但SPCC收生門檻極高，極少會收錯學生，兩者有極大分別。我都有朋友最近移民到澳洲，但佢飛去澳洲之前搵到工作先至開始移民程序，計算清楚可以令一家有安穩嘅新生活，十分有計劃。去移民亦未必要身家豐厚，但起碼要計算有足夠資源面對到達當地最壞嘅情況，畢竟一家大小，做任何決定都唔係一個人嘅事。

您只係質疑我對持BNO移民嘅人背景，其實好簡單，如果有高工作資格亦有條件嘅人可以循英國技術移民，唔使循BNO住滿五年再加多一年睇吓適唔適合先至成為英國人。

唔能夠客觀討論，都唔使人身攻擊，有失您一貫嘅形象噃…

longlokma

我冇人身攻擊你啊， 你睇清楚 ，我只係表達對你嘅失望。
同埋你犯咗好基本嘅邏輯錯誤。
英國門檻低 唔代表 去嘅人只係達到門檻要求。
我已經講過， 有資格技術移民或者投資移民嘅唔代表人哋唔可以選擇bno移民， 相信你對bno移民嘅理解/資料太少了。
如果你真係對呢個課題有興趣，建議你先「親自」認真上英國官方網站了解下各種visa申報/永居/入籍要求及权利，別再道聽途說。
要知道 有錢人唔一定 要去高級餐廳日日松露 鮑參翅肚 先代表有錢/証明有錢， 李嘉誠都係帶緊精工錶，呢樣唔通你唔知？
以為用bno移民就等於別人冇足夠金錢/能力應付最壞情況，這就已經是最大同bk式嘅低级謬誤。

不過，什麼是有錢人/如何移民 也不是讨論重點，因為这些都是别人的家事及决定。作為旁觀者，為什麼總不能尊重同祝福？

lflxl

識人全副身家得廿萬都帶仔女5+ 1衝過去，除左佩服都唔知講咩好。Soundervolt網友應該係指呢類有勇無謀嘅人。咁樣嘅家庭過到去係咪真係對仔女負責呢？值得令人深思。

去到讀免費學校，無一定經濟能力支持長遠發展，仔女競爭力唔好講同當地人比，同香港經濟較好嘅家庭比都係問題。反而香港政府對基礎生活基礎教育做得唔係差了。基層通過讀書向上流動的機會一定留在本地會多啲。

Soundervolt

longlokma 發表於 21-8-2 18:37
我冇人身攻擊你啊， 你睇清楚 ，我只係表達對你嘅失望。
同埋你犯咗好基本嘅邏輯錯誤。
英國門檻低 唔代表  ...

我一向嘅言論唔係要取悦任何人，同任何人想法係唔係一樣亦唔重要，所以您亦唔需要對我失望，我對您亦然。
英國喺脫歐之後，先後調整過移民政策，門檻越降越低，亦未唔見咁多香港人有移民意慾，點解要等到LOTR或BNO 5+1門檻超低先至吸引到咁多人申請移民？當然有資源，能力嘅人都可以透過BNO移民，但BNO亦有佢唔少限制，而且最後一年，英國仲可以有權決定接唔接受用BNO居住咗五年嘅人申請入籍，呢一點十分多變数，若果有能力選擇為何唔去揀一個穩陣嘅渠道？呢點有違邏輯。我相信您搞錯咗我嘅意思，我重申好多次生活喺任何國度都唔一定要富有，但起碼要令家人生活安穩，保障到家人嘅利益，樓上Iflxl網友反而明我嘅意思，若果您認為我對呢類心口掛個勇字，帶住一家大小嘅人移民欠缺一句祝福，咁我就真係要對佢地嘅家人寄語衷心及深切嘅祝福！

longlokma

Soundervolt 發表於 21-8-2 22:45
本帖最後由 Soundervolt 於 21-8-2 23:04 編輯

我一向嘅言論唔係要取悦任何人，同任何人想法係唔係一樣 ...

我相信一家人移民唔係由一個人去帶領，而是整個家庭成員商議後，或至少兩夫妻的共同決定。
要弄清楚，移民潮主因不是由於某國的門檻低，正如南丫島住屋夠平， 你有冇見到住港島同九龍嘅人湧過去南丫島住呢？所以， 什麼是因什麼是果要搞清楚。
要講變數，相信留下的要面對的變數更大。
為什麼選擇5+1而不是更快的投資移民？我之前已解釋過，選擇移民去某國的人當然对某國信任才会有此重大决定，故此任何渠道只要符合要求都係穩陣的，分別只在年期，而在安居樂業的環境下年期根本不重要，所以你的質疑是多餘的， 只係建基你個人對某國的不信任及偏见，任何渠道對於缺乏信心的人都是不稳陣的。

Yanamami

每個家庭考量唔同，priority唔同，價值觀同底線唔同。又唔可以話BNO5+1移民英國係一時衝動，有勇無謀、羊群心態……有尐家庭對移民所面對既所有uncertainty 接受能力，比要面對現時香港，又或者頭來可預見既香港高，稱過度過，咪走。公司有一向友持政府，反對極端反抗既同事，突然message我話舉家要走啦，嚇我一跳，乜咁突然？佢話無法啦，為細路……當然未有工作，甚至未買屋……衹能話，action speaks louder than words....話雖香港未至於戰亂國家咁差，但比起我地成長既年代，有目共睹，各方面亦無可否認係大不如前。走，無可厚非，對於走既人，情願面對係新國度既一切困難，亦唔想面對香港既每况越下，係需要勇氣同决心既，不容易呢。冷暖自知。

Yanamami

longlokma 發表於 21-8-2 23:06
我相信一家人移民唔係由一個人去帶領，而是整個家庭成員商議後，或至少兩夫妻的共同決定。
要弄清楚，移民 ...

的確要全家有共識。我老友走，初時戰戰兢兢試探老公，不竟有穩定高薪工作，又有老爺奶奶健在，點知老公二話不說贊成，於是準備一年內就連根拔起走人。其實佢地心儀澳洲，但奈何年紀唔細，又多病痛，技術移民澳洲不可能，投資亦無咁有米，加上又未通關，衹有以BNO一途快靚正走人。另一友人，老公對香港挺有信心，但竟然話唔介意佢如果堅持走，帶個仔走（感情要好，唔係發脾氣果種）尊重佢選擇喎，結果衹好叫仔自己出國留學，到時自己去申請加或澳移民。所以舉家移民係一定要全家ok先成事。

longlokma

Soundervolt 發表於 21-8-2 22:45
本帖最後由 Soundervolt 於 21-8-2 23:04 編輯

我一向嘅言論唔係要取悦任何人，同任何人想法係唔係一樣 ...

如何能令家人生活安穩我相信冇人比當事人清楚，外人亦都無從批評別人的家庭是否生活安穩。
要知個人財富絕對不足以令一個家庭生活安穩，社會環境更是生活安稳的重要因素。
你嘅意思大家都睇得好清楚，你一而再再而三表明了選擇bno途經移民的人即能力/财力不逮，他們都唔能夠對家人提供保障令家人生活安稳。我亦多次回應了身边有選擇这渠道的人本身也有資格以其他方式移民，包括你所指的投資/專業工作移民，bno是他們作為當事人了解過细節後作出的最佳選擇，不了解事實的人作出質疑是多馀的。
因為別人家庭選擇的移民方式而作出負面批評/不屑言詞，這算什麼心態呢？

Soundervolt

longlokma 發表於 21-8-2 23:06
我相信一家人移民唔係由一個人去帶領，而是整個家庭成員商議後，或至少兩夫妻的共同決定。
要弄清楚，移民 ...

南丫島啲樓對您可能平，但對住劏房嘅人門檻仍然一樣係高，但根據你嘅邏輯亦可以講住劏房嘅人唔一定係窮人。對一個國家唔信任就走去信任一個從未真正了解嘅國家？呢尐人直情係偏愛。若然移民可唔可以自己去試咗水溫，睇吓會唔會仲差過原本唔信任嘅國家先至去做呢個重大決定？我就係經常到當地工作，所以唔會一無所知。所謂一家人決定都只係兩夫妻，若然移民不成功便成仁，冇得say no嘅小朋友又要為父母嘅決定承擔後果？

其實閣下所講嘅嘢已經脫離客觀同邏輯亦開始重複輪迴，我亦冇其他補充，就止作罷！

longlokma

Yanamami 發表於 21-8-2 23:16
每個家庭考量唔同，priority唔同，價值觀同底線唔同。又唔可以話BNO5+1移民英國係一時衝動，有勇無謀、羊群 ...

正是如此。
如果自己唔走，但心態又好似唔抵得人走咁，何必呢？

lflxl

今次移民潮誘因同97咪一樣，都係基於對某國不信任。但印象中當年無人質疑過97移民家庭嘅實力，而今次門檻之低成本之低，好難唔令人產生質疑。

其實每個人看待事情都受到自身價值觀及眼界限制，有唔同角度觀點正常不過。唔係話提出風險評估就代表睇死人，望人X街。

至於「爲細路」呢個移民理由簡直無敵，好似唔走嘅家庭都係害左細路咁。