聖公會基德小學

grassland_lea

今年去多間將軍澳區既小學叩門，基德令我印象最深刻。

如果唔係派咗去某間只得8個老師+2個主任既舊學校，真係無唸過比個仔去讀基德，但從叩門交表到面試安排，都令我們認真去考慮如果佢哋收我個仔，我哋會唔會註冊。

叩門交表嗰日，有個主任單對單同我哋介紹學校而且帶我哋遊覽學校設施(覺得學校空間好大)，好感受到老師同校長好有熱誠。面試當日，好大雨，校工見我哋有困難，主動幫助我哋(同尚德某名牌基督教學校既職員比較，絕對係極端!!)。另外，面試當日都張貼咗，註冊名單共100人(即4班)，另28人叩門。

當然都考慮該校响將軍澳較新，暫時派位成績一般，不過也有出皇仁仔等名校學生。不過由於校內競爭暫時較少(暫時比較少"精英"報讀)，估計成績中上的我兒，反而可以更得到學校關注。另外，因為人數少(得4班)，如果B1比例同其他學校相約，其實人數佔比例較高。相信該校成績會一路上升。不過雖然校址位置地方寧靜，但真的有點不方便，坐校車可能好些。

雖然叩門結果未公佈，唔知最後會唔會入去讀，但都係值得推薦既學校。