五旬節中學大幾係band幾

cmt1010

如題，巴富街果間，謝謝

ohnono

如果以末代會考6科14分的百份率13.5%來說，成績像是band 3學校多過band 2學校。但由於band 2學校和band 3學校的分界不像band 1和band 2的可以用英中和中中來分別，所以只可以用受歡迎的程度來作參考。

五旬節在九龍城不像何官和胡兆熾等受歡迎，像是一般band 2生的次選，所以只算是band 2尾，band 3頭的學校。

k_0530_a

% 重底過彭學高及九龍塘中學？

ohnono

k_0530_a 發表於 12-6-30 15:20
% 重底過彭學高及九龍塘中學？

係呀，一年佢多幾個同學有6科14分，一年佢少幾個囉！

一般band 2中至尾甚至band 3學校，我諗d家長會睇校風、口碑和受歡迎程度多過睇成績，多幾個或少幾個真係已經沒有甚麼意思！

SPJB

回復 ohnono 的帖子

非常同意! 請問有無人知以下幾間B2/B3學校的校風如何 (只講校風)?
1) 鄧鏡波書院
2) 禮賢會彭學高紀念中學\
3) 九龍塘學校
4) 五旬節中學
5) 賽馬會官立中學

謝謝!

ohnono

回復 SPJB 的帖子

我覺得九龍塘應該排在賽馬會前。另外，我會加多間新亞在九龍塘和賽馬會之前，他除了因為收較多新移民，所以成績或許不太突出，但校風我覺得不錯，可以考慮！

k_0530_a

彭學高是黑馬，吾太多人認識，成績也不太特出，但學校環境及校風尚算不錯。據聞換了校長后，成績也在進步中。

SPJB

回復 k_0530_a 的帖子

謝謝你們的回覆, 希望我兒能在6年級的兩次呈分試成績趕上少許, B2也有很多好的選擇, 而B3的學校真的不想選.

k_0530_a

希望你兒成績能排回B2 ，問定資料兩手準備也好，因早幾年朋女個仔B2成績，排彭學高第七都入吾到，最后派到第九志願既九龍塘中學。所以彩數真係好難講。除非上到B1個就吾同玩法。

SPJB

回復 k_0530_a 的帖子

我兒根來無可能由B3去到B1, 所以真係要聽天由命啦!
如果真的係B3, 鄧鏡波有無機呢? 我都知係有啲高牛高攀, 我博佢比較多位咋.

k_0530_a

都係果句啦！吾搏就一定冇！

cmvfamily

我阿仔是B3生，B3 有無好校風的學校呢? 請指教。

cmvfamily

聖三一中學，校風是否好差呢? 無乜人提起既?  

SPJB

回復 cmvfamily 的帖子

我姨甥仔在聖三一讀中四了, 當初我也問我家姐為何揀這間, 佢話都問過家長老師意見, 這間在B3來說校風比較"好", 但亦有很多家長叫我千萬不要選這間. 我見我姨甥仔這幾年都沒有變壞, 只係佢真係唔喜歡讀書, 有點頑皮, 喜歡跟老師作對 (小學時巳是這樣), 這些對我來說都不算是壞, 只是頑皮反叛而已, 但可能在一些家長心目中巳不能接受. 真的很難判斷每間學校是好是壞, 要看小朋友的本質及家長必須要看緊一點吧!
我也正在頭痛怎樣幫我兒選擇一間"好"的B3學校, 大家有料請報上來, 好的壞的也可以, 好讓一眾在煩惱中的B3家長參考一下吧! 謝謝!

cmvfamily

好的，大家交流一下。
其實我想去學校門口睇吓D學生的情況。
我成日覺得B3學校，好極都有限，我只想搵一間只係成績差的學校，校風好d的學校。
希望大家有料請報上來。

jannielam

我姨甥女上年扣門入了勞功子弟中學，而且入了精英班（中文用普通話，除了中史、音樂其他用英文書）。她讀得很開心，而且沒有學壞！但聽聞其他班就無咁好了。

cmvfamily

jannielam:
扣門入勞功子弟中學，難入嗎? 要甚麼成績才入到呢?

jannielam

我覺得扣門不難，我姨甥女多數B好似一科C(大抽獎第一排胡兆熾，第二排彭學高。派了入彭學高)，是放榜後兩日才去扣門的，去到即場考試、面試，即日知道收唔收。