升中除了參考DSE和入U率，數學才華奪獎牌也可以參考

黃大力

小曳人好似講過，英華組隊參賽比較容易。

港隊中國數學奧林匹克奪佳績
https://www.news.gov.hk/chi/2020 ... bubf-TcYPAvRGYvh4Zg

六名學生代表香港參加第36屆中國數學奧林匹克，奪得一面金牌、四面銀牌和一面銅牌。



英華書院的游証恩奪得一面金牌，香港培正中學的陳祉軒、聖保羅男女中學的朱卓熹、拔萃男書院的徐子豐和梁譽曦各獲一面銀牌，荃灣官立中學的謝昶豪取得銅牌。



教育局局長楊潤雄讚揚港隊表現出色，成績令人鼓舞，顯示學生在數學方面的卓越才華。

kiwi2007

近呢十幾廿年，香港嘅中小學生彷彿只會專攻奧數公開比賽，而忽略咗數學的真正意義和精神。有些人不惜功本參加各種試前特訓班／雞精班務求在奧數比賽中盡攬各大小獎項以幫助升小－／升中－。其實，可能連陳省身、丘成桐...等等係乜水都未知？升大－就更加唔洗講，有冇高級程度會考 ／  DSE 狀元首選入本地數學系？知道丘成桐原來花左好多心血留港並默默地在 CUHK培育真正懂得欣賞數學的接棒者？莘莘學子的數學天份及才華已經變成了 target-based tool only?

黃大力

kiwi2007 發表於 20-12-18 10:20
近呢十幾廿年，香港嘅中小學生彷彿只會專攻奧數公開比賽，而忽略咗數學的真正意義和精神。有些人不惜功本參 ...

照你咁講，成個DSE其實都冇意義，同求學求知識不是求分數相去甚遠，忽略了真正學習是要來自內心喜愛的意義和精神，而非死記硬背追**。

kiwi2007

數學的真締肯定不只是鬥快或鬥做得最多。坊間絕大部分比賽，只標榜速度快及數量多。記得我地以前 HKCEE 及 HKALE 年代，每到附數/純數/應數堂，同學最喜歡在黑板上即席破解老師所出的難題，一個人諗唔通，揾多幾位拔刀相助，甚至横跨小息、午飯以至放學後，計得啱就會劃上呢個 // 符號代表收工。否則回家後再戰，所以有時會奮戰到 2100後，終於諗通左便會立即致電同學仔報喜並互相交流。那些年數學叻人首先在 HKCEE 的數學及附數摘A，再在 HKALE 的純數奪A，而數學同物理又會相輔相成地互擦火花令兩科也取得佳績。Back to 正常時空 now，依家入到心儀中學的 F.1, 某些家長已經憂慮將來在大學主修數學有乜出路先? 某某主修在 JUPAS 計唔計重數學科啊? 考埋M1/M2 有冇 jetso呀? 無言。

hkpapa852

黃大力 發表於 20-12-17 23:26
小曳人好似講過，英華組隊參賽比較容易。

港隊中國數學奧林匹克奪佳績

男女有別吧！

02413124

咁仲有好多野睇
英文可以睇Hong Kong Budding Poets (English) Anthology
好多學科都有香港XX奧林匹克比賽

silvia_ng

kiwi2007 發表於 20-12-18 12:27
數學的真締肯定不只是鬥快或鬥做得最多。坊間絕大部分比賽，只標榜速度快及數量多。記得我地以前 HKCEE 及  ...

sad but true.....
不過我都見到仲有同學係鐘意切磋數功既，佢地計到一條數，就好似打爆機咁開心架

silvia_ng

jli008 發表於 20-12-18 12:15
不止數學,大部份所有科都一樣,好多都衹為了分數,不理會讀書學習既真正意義. 唔講好像你提出那樣衹為了升小 ...

衰D咁講....唔好只話ACADEMIC類，就連抽時間做下義工，都會問「有冇證書攞架?」

kiwi2007

數學由升小一面試競賽開始便已被歸納為特異功能之一，而且坊間有衆多不同的培訓班，所以一向備受家長歡迎。升中一時就更不在話下，加上叩門插班時亦多考數學卷，所以數學叻在選拔過程已經可以令某些同學仔脱穎而出。在中、英、數三科中，數學奇才相對地容易令他們在學術表現及公開比賽中綻放異彩。但係上到大學，主修數學的可以非常兩極化，真正熱愛 vs 水泡至上/騎牛揾馬，更何況是副修/選修。所以，本土數學奇才至今仍要靠丘成桐頂住先。辛苦了!

hkpapa852

黃大力 發表於 20-12-17 23:26
小曳人好似講過，英華組隊參賽比較容易。

港隊中國數學奧林匹克奪佳績

係香港會參加奧數既，10個有9個都係為攞獎/証書，有幾多真係對數學有興趣吖！

而且奧數考核同評分方式同公開試大不同，亦不見奧數日後係生活/工作上能帶來甚麼益處，其實頗雞肋，所以升中後更少人會參加奧數（要攞奬都係為升中啫，大學又唔會理，父母都唔會再叫d仔女去參加啦！）

bobbob

hkpapa852 發表於 20-12-18 19:06
係香港會參加奧數既，10個有9個都係為攞獎/証書，有幾多真係對數學有興趣吖！

而且奧數考核同評分方式同 ...

我都想知有幾多個奧數金牌選手通常大學讀邊科

pharaoh

hkpapa852 發表於 20-12-18 19:06
係香港會參加奧數既，10個有9個都係為攞獎/証書，有幾多真係對數學有興趣吖！

而且奧數考核同評分方式同 ...

你又講咗事實的真相出嚟啦

akys

鬧還鬧，但幾十年冇變過，當年3A1狀元又有幾多個讀純理或數。係土壤吖！嗰幾個諾奬或出名科學家都係喺美國進修或工作㗎，成咗名就可以衣錦還鄉。

sunnymama2

hkpapa852 發表於 20-12-18 19:06
係香港會參加奧數既，10個有9個都係為攞獎/証書，有幾多真係對數學有興趣吖！

而且奧數考核同評分方式同 ...

大家唔駛諗得咁複雜，中學仲玩奧數唔係為考小學中學大學係為乜！係為興趣呀！就好似國際扭計骰大賽，玩得叻對日常生活有咩用？就係為興趣！
玩奧數對讀大學當然冇直接幫助啦，但奧數叻的人通常都係數資優，佢地係叻仔，想出去玩吓挑戰吓就係咁簡單。

cafeva

升中睇奧數大獎？唔係啩！都唔係學校訓練出來！自己果個係咪神童先？

hkpapa852

sunnymama2 發表於 20-12-19 08:35
大家唔駛諗得咁複雜，中學仲玩奧數唔係為考小學中學大學係為乜！係為興趣呀！就好似國際扭計骰大賽，玩得叻 ...

我只係想講，小學多全元奧數，代表該小學既家長進取，會為小朋友升中張羅。
中學侓玩奧數，的確係學生興趣為主，但關學校甚麼事？

用奧數去衡量中學，恐怕只係更無法反映現實