小五，不小心成為了老師的眼中釘（長文，慎入）

mandi_lui

這件事雖然已經過去，但一直令我猶有餘悸。

小朋友屬於活潑開朗型，讀書一直成績優異，保持在級前三名。好景不常，小五的時候口多多得罪了新來的數學老師，隨後便處處被針對。針對的事情非常瑣碎，但就日日都有。例如明明做對的功課被打大交叉；舉手答問題，容易的永遠不給你答；就算答對了題，經常多謝另一位同學；遇到困難問老師時，老師會當衆反問 “你咁都唔明，下課來找我？”，結果下課便一支箭跑走；測驗的時候，正正站在小朋友旁邊說話造成騷擾... 等等。我承認這些事情都很瑣碎，所以剛開始時我也掉以輕心，可是小朋友的自信心一日一日下降。

數學測驗考試由本來一向 9X 降至 8X，再降至 7X，呈分試逼近，小朋友變得越來越緊張。我們向班主任反映，沒想到他竟然直接把我們的問題轉告數學老師，而數學老師的霸氣回覆是：小朋友的數學底子好差，連level one的題型都理解唔到，建議家長在家幫他預習，不要阻礙全班同學的進度。

聽到這個回覆我很震驚，但亦馬上檢討。先先買了好幾本補充練習給他做，完全冇問題；然後再聘請了有經驗的補習老師給他評估，第一堂課完結後，老師反問究竟問題在哪裏？不建議補習，可是成績依舊沒有好轉。然後...然後我們發現，小朋友情緒出現了問題，會匿埋不斷做數，一日十幾頁紙，一邊計一邊狂抓頭，抓至出血甩頭髮。我們發現的時候，頭頂至後尾枕已經是一禿一禿一塊一塊了，非筆墨能形容的心痛。

那年我們飽受了精神折磨，幸運地小朋友最後成功轉校至龍校升讀小六，避過了這劫。還記得收到插班試邀請那天，小朋友興奮得流眼淚，誓言一考到馬上離開，我到現在還記得嗰種心痛。

最後，請大家不要忽視欺凌問題，日復日的小事如星星之火，如涓涓滴水，對小朋友的成長可以造成極大傷害。

mandi_lui

補充少少。
去到新學校，小朋友沒需要補習，亦同時停曬所有數學補充練習，在第三次呈分試考獲滿分。原來，他的數學底子一直沒有問題。

TAIOU4

mandi_lui 發表於 25-3-28 16:22
這件事雖然已經過去，但一直令我猶有餘悸。

小朋友屬於活潑開朗型，讀書一直成績優異，保持在級前三名。好 ...

如果尼位老師冇細路讀緊同一間小學
我諗你應該唔係唯一一個

首先多謝班主任冇牙力先
依家已經完全得罰晒佢
如果佢小氣就實玩o野 (唔洗如果)

其實我細個都試過
真係好相似
不過我唔止一次

依家諗返
可能會Win返一兩個數學比賽
求其拎個乜獎都好
跟住走去多謝佢話係佢令阿仔得到尼個獎
仲要賣笑咁對佢笑多D
可能玩得尼位臀部靈魂掂

GOODWIN

反而我想知道到底小朋友做左乜野，講左乜野個數學老師要咁對佢？

mandi_lui

GOODWIN 發表於 25-3-28 16:45
反而我想知道到底小朋友做左乜野，講左乜野個數學老師要咁對。佢？

新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你哋英文差，咁都聽唔明？
成班同學笑而不答，得阿仔衰多嘴答左：咁梗係你英文唔好啦！然後成班一陣狂笑。
下課後他當趣事跟我分享，我已經教返佢唔可以咁講嘢，但已經補救唔到。

mcl233

mandi_lui 發表於 25-3-28 17:05
新來的老師英文水平比較一般，剛開始很多同學都聽唔明講課。有日上堂，老師問：究竟係我英文唔好，定係你 ...

英小？冇龍？ TSL? 範圍縮窄好多了～

mandi_lui

TAIOU4 發表於 25-3-28 16:42
首先多謝班主任冇牙力先
依家已經完全得罰晒佢
如果佢小氣就實玩o野 (唔洗如果)

當時我和爸爸見到情況越來越嚴重，到了下學期才向班主任反映的，但班主任的做法實在令人無奈。
我唔知這種算不算欺凌，事實上亦冇證冇據，小朋友遇到這類問題，真係叫天不應，叫地不聞，只有父母可依靠。

mandi_lui

mcl233 發表於 25-3-28 17:22
英小？冇龍？ TSL? 範圍縮窄好多了～

請恕我不能透露哪間小學。
撇除這件事，我知道多年來多位老師也盡心盡力教導學生。我不希望因為我小朋友的事影響其他老師和同學。

TAIOU4

mandi_lui 發表於 25-3-28 17:22
當時我和爸爸見到情況越來越嚴重，到了下學期才向班主任反映的，但班主任的做法實在令人無奈。
我唔知這種 ...

你真係好好彩走得甩

響儒家思想o既免費教育界眼中
除非你拎到好多獎
否則學生同家長都冇乜價值

整佢唔死整佢唔走
又收買唔到佢
除o左自己走就真係冇計

mcl233

mandi_lui 發表於 25-3-28 17:31
請恕我不能透露哪間小學。
撇除這件事，我知道多年來多位老師也盡心盡力教導學生。我不希望因為我小朋友的 ...

都唔使咁認真去開名既，男仔，數學老師英文唔好，非高小先全英數，冇龍，全港仲有幾多間～～～

73662710

mandi_lui 發表於 25-3-28 16:22
這件事雖然已經過去，但一直令我猶有餘悸。

小朋友屬於活潑開朗型，讀書一直成績優異，保持在級前三名。好 ...

Poor boy.....

twobirds

mandi_lui 發表於 25-3-28 16:22
這件事雖然已經過去，但一直令我猶有餘悸。

小朋友屬於活潑開朗型，讀書一直成績優異，保持在級前三名。好 ...

小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰，學習報告卡也是寫得很刻薄，我根本轉唔到學校，走又走唔到，只能硬受！
直至，第二年轉左班主任，一天光晒！
好在，我仔天性樂觀，也可能當時，是混沌未開竅，不將這些事放心上。
那一年，家長難受到不得了⋯⋯

TAIOU4

twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...

要細路面對人性
一世流流長
仲會遇到幾個渣渣
要幫佢去適應

Rpp

我囡小學唔記得小幾也受過班主任的欺凌，要當住每個小朋友面鞠躬道歉，要玩謝曬咁，父母好心痛，畢業時佢走來問我同囡有邊幾間學校offer，我女笑而不語沒答理佢，覺得我囡情商高過我呢個媽媽。

mandi_lui

73662710 發表於 25-3-28 17:54
Poor boy.....

係，佢上咗好慘痛的一課
衰多口係要付出代價的。

twobirds

TAIOU4 發表於 25-3-28 18:17
要細路面對人性一世流流長
仲會遇到幾個渣渣
要幫佢去適應

Rpp

mandi_lui 發表於 25-3-28 18:32
係，佢上咗好慘痛的一課
衰多口係要付出代價的。

都係衰多口，會唔會同一間小學？

mandi_lui

twobirds 發表於 25-3-28 18:07
小朋友一定係心思細密，好彩你成功轉校。
有一年，自己兒子一直受到班主任欺凌，瑣碎嘅事情不停罰，罰，罰 ...

每次聽到這種欺凌事件都好心痛，有時真係只有死路一條，好彩你仔仔轉到班主任
我哋當時唔走唔得，因為五、六年班係唔會轉老師教。當時問咗很多意見，冇人答到我小六轉校後少咗一次呈分會有什麼影響，只係知道升中學時有機會成為 band 0 學童。幸運是近幾年有移民潮，如果唔係根本唔會有龍校收小六生。

mandi_lui

TAIOU4 發表於 25-3-28 17:34
整佢唔死整佢唔走
又收買唔到佢
除o左自己走就真係冇計

你這三句話好到位，

亦係香港教育制度的悲哀。

TAIOU4

mandi_lui 發表於 25-3-28 19:23
你這三句話好到位，

亦係香港教育制度的悲哀。

出面見到惡人都係咁做

做佢唔低就要識閃