編班考試定生死 學子慘淪白老鼠（太一叮）

elbar

「各位同學，你哋一定要為學校爭光，為學弟學妹考好呢場試！」乜嘢考試咁巴閉呀？原來日前考嘅係中一編班試，新生入學後讀中文班定係英文班，就睇呢一鋪嘞。據講考試結果仲會影響佢哋原先就讀小學未來四年嘅派位組別。

事關重大，各學校都嚴陣以待，中一派位後就第一時間要小六學生返學校溫書，特別係狂操英文。其實，好多學校早喺一年前，學生啱啱升小六就安排佢哋惡補，每日放學後留低溫一粒鐘，全年風雨不改。校方攞歷屆編班試模擬試題畀學生做，溫到滾瓜爛熟為止。考試前半個月更係加碼，每日操三四粒鐘。

回歸後，特區政府愛國心爆棚，全力推動母語教學，點知搞到唔湯唔水，學生中英文都唔掂，更弊嘅係產生標籤效應，英中、中中壁壘分明。係人都知道，香港地不嬲重英輕中，家長都想自己嘅仔女英文誇啦啦，於是乎，英中招生打崩頭，中中就冇人吼。當局冇晒符，又話搞「微調」，批准部分中文中學開英文班，透過編班試分班。

嘩，直情係一試定生死！各小學有乜法子唔搏命逼學生惡補。咁就難為咗班細路咯。嗱，有啲小六生每日喺學校操練三粒鐘試題，返屋企又再溫習三粒鐘，仲要睇英文課外書。咁搞法，莫講話細路，就算大人都頂唔順。難怪好多學生都直言「壓力好大」。

小六學生其實一年要應付四次考試，編班試只係其中之一，仲有呈分試、畢業試、全港性系統評估，次次生死攸關。大佬呀，小六學生十一二歲咋，點可以承受咁大壓力！

講開又講，現時中小學生真係唔易做，事關班政府高官食飽飯冇事做，成日心血來潮搞乜嘢教育改革，一時話推動母語教學，一時又話要「微調」。又話要推行新高中學制，仲要開設冇人講得清楚學乜嘢嘅通識課程，總而言之，一波未平一波又起，將學生當白老鼠玩到殘。叮！

幼小嘅心靈點可以承受咁大壓力呀？難怪近年周不時有學生自殺，呢，近日就爆咗四單。據撒瑪利亞防止自殺會數字顯示，舊年十至十九歲青少年嘅自殺死亡個案，比○五年飆升四成三，其中學生自殺個案更比○八年增加一倍，當中唔少係不堪壓力輕生嘅。

太一叮忍唔住要問各位高官：你哋閉門造車推出一個個無厘頭改革嘅時候，有冇諗過，咁做會將學生推上絕路？如果自殺嗰個係自己嘅細路，你哋仲會唔會咁搞？

elbar

• 中一編班試昨日舉行，學生都為爭入英文班努力。

教育局微調中學教學語言後，準中一生參加編班試決定入讀班級。由於編班試成了校內英文班或中文班的甄別試，各中學都重點測試學生英語能力，有學校推出「四合一」英文試，亦有學校特別調高英語科成績作分班標準。多間「半英中」承認，純以中一編班試英文成績「定生死」，或會出現有第一組別學生偶有失手而「錯配」入中文班的情況，但因英文班名額有限，編班試不設上訴機制，預料將有大批被編入中文班的準中一生家長申訴無門。

艱深四合一英文試考起學生

新中學教學語言政策下，不少兼開中文及英文班的「半英中」要校本自設編班準則，在新學年將開設英文班的北區風采中學，除以中一編班試的英文科成績作編班準則外，更增設歷時四十五分鐘、集數學、電腦、地理及科學的「四合一」英文試，不少準中一生於試後高呼「好深」。校長曹啟樂指「四合一」英文試一定要較艱深，才可分辨哪些學生可接受英語教學。另一邊廂，有傳統英中將在新學年「落車」，有家長不諱言希望子女考入英文班，對將來升學銜接較有益處。

將開設兩班英文班的東區「半英中」中華傳道會劉永生中學，以編班試英文科成績乘三倍、數學科成績乘兩倍，以及中文科成績的總分數編班，校長鄭德富揚言不設上訴機制。

另一東區「半英中」衛理中學則只以編班試英文成績用作編班，亦不設上訴機制，校長羅世光早預料將有被編入中文班的學生家長不滿編班結果。他承認以一次編班試成績決定準中一生入讀中文班或英文班或不準確，故學生升讀中二時，會再依據學生中一全年英文科成績重新編班，「畀多次機會，會公平啲」。

教育評議會主席鄒秉恩指出，普遍「半英中」為方便學校篩選學生入讀英文班，主要透過中一編班試英文科成績作為編班工具。不過，若學校只以一次編班試英文成績分班，或會導致個別學生錯配於中文班或英文班，甚至有第一組別學生會被編入中文班，為家長帶來極大困擾。鄒認為，每間中學應自設上訴機制和準則，以及申訴渠道。

happyvalley

原帖由 elbar 於 10-7-15 19:44 發表



「各位同學，你哋一定要為學校爭光，為學弟學妹考好呢場試！」乜嘢考試咁巴閉呀？原來日前考嘅係中一編班試，新生入學後讀中文班定係英文班，就睇呢一 ...

日日都要過馬路 la，考試唔會死得人，分數亦唔會死得人，但係比呀爸呀媽鬧先會死得人。

lisa5398

我女兒考入九龍真光，編班試分入英文班，但學校保留了部份英文班學位待下星期英語銜接課程完結時按成績作第二次分配。我覺得真光這樣做法不錯。

Sindy

原帖由 lisa5398 於 10-7-15 23:52 發表
我女兒考入九龍真光，編班試分入英文班，但學校保留了部份英文班學位待下星期英語銜接課程完結時按成績作第二次分配。我覺得真光這樣做法不錯。 ...

編班試本來無問題,但因為今年有中中可以用英文教,所以唔係全中/全英既學校,果d學生就受好大壓力,係教育局睇唔到呢度,無適當既措施,所以先搞到咁

lisa5398

教育局以前管得太死被人鬧，孫公而家拋番個波給學校，各施各法去微調，中中／英中的標簽將會逐步淡化，但大部分學校為保聲譽一定會對學生不斷催谷壓力肯定不小，幸好取消了會考，少了一些壓力。

CrabPincers

原帖由 Sindy 於 10-7-16 00:22 發表


編班試本來無問題,但因為今年有中中可以用英文教,所以唔係全中/全英既學校,果d學生就受好大壓力,係教育局睇唔到呢度,無適當既措施,所以先搞到咁 ...

今年我幫個女將一間中中, 但會開一班英文班的學校填係第三志願, 我打過電話去問, 點樣可以讀到英文班, 老師答我係跟編班試去定個學生可吾可以讀到英文班, 吾係跟家長意願, 呢個我都知

之後我再問, 甘到中二呢? 會吾會如果入吾到英文班, 佢話, 如果學生成績差左, 就有機會要讀返中文班, 甘我又問啦, 甘樣, 個學生未好苦? 讀左一年全英的教科書, 忽然之間又要轉返做全中? 有無諗過個學生? 個老師話無辦法, 還要年年跟成績去編係吾係讀英文班


呢種壓力, 我覺得還大過讀小六時law


我同時間, 都問左一間直資, 都係有英文班, 但同一情況, 都係要看中一時讀成點, 先再決定中二有無得再讀英文班


好大壓力

judy

原帖由 lisa5398 於 10-7-16 00:47 發表
教育局以前管得太死被人鬧，孫公而家拋番個波給學校，各施各法去微調，中中／英中的標簽將會逐步淡化，但大部分學校為保聲譽一定會對學生不斷催谷壓力肯定不小，幸好取消了會考，少了一些壓力。 ...

取消會考，迎來334，一試定終身，點会少壓力呢？

yildary

It is not the '334 system' fault.   It is the problem brought by 'Mother Language Education'

Please don't be confused!

lisa5398

唯有化壓力為動力啦！
作家長的給多點關心和鼓厲

judy

原帖由 yildary 於 10-7-16 11:27 發表
It is not the '334 system' fault.   It is the problem brought by 'Mother Language Education'

Please don't be confused!

呢個我知。

judy

原帖由 lisa5398 於 10-7-16 11:50 發表
唯有化壓力為動力啦！
作家長的給多點關心和鼓厲

化壓力為動力，我識。

我開始捽(動力)阿二了。

KWT

原帖由 judy 於 10-7-16 11:01 發表


取消會考，迎來334，一試定終身，點会少壓力呢？

最慘是通識科,好似什麼題材都可以叫通識,考試出題厘定學生水準,什麼叫達標,什麼又叫fail呢?總知,玩死人.

KWT

原帖由 洋洋 於 10-7-16 11:46 發表
即係，淨係影響有中,英文班嘅學校?
跟住就係每年入中文或英文班?

如以成績論英雄,即是話這些中學生要年年面對更大考試的壓力,爭取入英文班教學.

你做父母是否放手不管?如果d中學生今年讀英文班,明年成績只可讀中文班,他自己是否可以接受這個標籤.

judy

原帖由 KWT 於 10-7-16 12:57 發表
最慘是通識科,好似什麼題材都可以叫通識,考試出題厘定學生水準,什麼叫達標,什麼又叫fail呢?總知,玩死人.

唔想死多两錢重，讀中文通識啦。

我估通識應有一定課程范围。学了通識，煅練了思考。見到甚麼問題，都可有紋有路分析作答。我想重點不在觀點答案，而是能否"有紋有路"地作答。

我帶阿大去考会考，見到啲考生在試場外盡最後努力背答案。將來通識，如何背呢？

Sindy

原帖由 CrabPincers 於 10-7-16 10:12 發表


今年我幫個女將一間中中, 但會開一班英文班的學校填係第三志願, 我打過電話去問, 點樣可以讀到英文班, 老師答我係跟編班試去定個學生可吾可以讀到英文班, 吾係跟家長意願, 呢個我都知

之後我再問, 甘到中二呢?  ...

其實原意係咪咁轉法架?咪仲衰過全英/全中?

CrabPincers

原帖由 KWT 於 10-7-16 13:03 發表



如以成績論英雄,即是話這些中學生要年年面對更大考試的壓力,爭取入英文班教學.

你做父母是否放手不管?如果d中學生今年讀英文班,明年成績只可讀中文班,他自己是否可以接受這個標籤. ...

先吾好講label 呢個問題先啦, 夠竟有無諗過學生的適應問題? 今年英文, 出年中文, 後年英文.............

CrabPincers

原帖由 Sindy 於 10-7-16 14:25 發表


其實原意係咪咁轉法架?咪仲衰過全英/全中?

我會覺得係law
我問左兩間, 一間津校, 一間直資
兩間都甘答我, 中一靠分班試, 中二看中一考試的成績

我都有問, 甘中一考試成績吾好, 中二用返晒中文書呀? 個學生點適應呀? 佢地同一個答案, 叫個學生勤力d 讀書, 中一都跟吾到, 唯有中二讀返中文班(大約係甘上下既意思)

之後我再提不起勁去問第三間............

judy

原帖由 CrabPincers 於 10-7-16 14:29 發表
我問左兩間, 一間津校, 一間直資

照計直資可決定自己的教学語言政策。點解要咁做呢？