拒行中學小班 出新招減殺校 教局倡辦特色學校自救

elbar

適齡人口下跌導致的殺校潮已蔓延至中學，雖然教育局暫緩殺校一年，又推出「五減一」自願縮班、合併學校方案，仍無法長遠「止血」。據了解，教育局堅決反對推行中學小班教學，將研究其他方案，例如試行特色學校，及讓收生不足的學校以校舍作其他用途，將殺校影響減至最低。

面對殺校壓力，中學界主流意見傾向實施小班教學，教育局為此多番與辦學及教育團體商討。有教育團體指，局方至今仍執意拒絕在中學推行小班教學，「局方認為學校難收生唔係小班可以解決， 42人開兩班亦唔應該常規化，好似一啲名校，開足 7班都收足 40人，佢哋又引用外國學者經驗，話中學做小班其實對教學（質素）冇幫助」。

校舍或可作其他用途

據悉，教育局正研究推出多個折衷方法取代小班教學，包括撥出資源多開教席或其他相關職位，吸納剩餘教師，盡可能不令他們丟飯碗；有辦學團體則向局方建議，日後一旦收生不足，轄下學校校舍將有空間騰出，團體希望可以利用這些空間作其他用途，如辦老人中心、社區及宗教服務等，待他日入學人口回升，才回復舊用；而局方有意探討有關方法的可能性，願意在政策方面研究配合。

另外，局方有意鼓勵學校發展成特色學校，如以體育、設計或藝術作主打，而主要取錄非華語生或特殊學習需要也可視作特色學校。這類學校收生人數將可打破現時限制，低至 42人開兩班也可，但據知局方會要求學校必須提供基本主科如中英文課，且過往必須具備相關特別教學經驗，也要有升學銜接途徑，防止它們臨時拉伕以求自救。

拒絕小班學界不妥協

教協副會長張文光認為，拒絕中學小班只是教育局一廂情願，學界不會妥協，「特首曾蔭權當選頭兩年都冇提小班，結果家小學行緊；中學小班一定係下任特首最緊要嘅教育議題」。教協將號召教育界及家長示威，全力爭取中學小班。他指，早前與局方會面時，已就中學 42人開兩班一事取得共識，「教師編制維持喺 3班嘅人數，多出嘅教師席就由學校自己搵資源解決，咁 2班開到，校就可以免殺」。

IMAX

原帖由 elbar 於 10-9-4 14:14 發表
適齡人口下跌導致的殺校潮已蔓延至中學，雖然教育局暫緩殺校一年，又推出「五減一」自願縮班、合併學校方案，仍無法長遠「止血」。據了解，教育局堅決反對推行中學小班教學，將研究其他方案，例如試行特色學校，及讓收生不足的學校 ...

呢個問題跟亞仔講過 , 佢話小班在中學係無用喎 .............

因為有的亞 SIR , 亞太的 MISS 講書好悶 .....
一班就算 20 人都會訓著. 但有的亞 SIR 好過癮 , 好快就完堂 . 唔夠既話, 佢地都會找亞 SIR 講. 講講下就講左第二的啦 .仲話小學跟中學係唔同 .

所以有的補習社攪得好成功 , 相信係摸透 10 幾歲的青少年的心態 .

mamimummy

原帖由 koolman76 於 10-9-5 15:20 發表
其實成日講小班，都係想保住飯碗，如果係有教育道德嘅，不如限死全港中學都係20人一班，但係就出半份糧，點睇！
好多教師成日都想教少d學生，跟進少d，人工照舊，好完美！ ...

judy

教協副會長張文光認為，拒絕中學小班只是教育局一廂情願，學界不會妥協，「特首曾蔭權當選頭兩年都冇提小班，結果家小學行緊；中學小班一定係下任特首最緊要嘅教育議題」。

呢樣嘢係事實，錢係阿公嘅，邊個想丑人？看來两方人馬做場大戲，然後行小班。

行小班對一眾港爸、港孩都有好處，教師得閒咗，大可叫佢地帮忙邦鞋帶、剪指甲。

三羸！

冇眼睇！

mamafufu

其實成日講小班，都係想保住飯碗，如果係有教育道德嘅，不如限死全港中學都係20人一班，但係就出半份糧，點睇！
好多教師成日都想教少d學生，跟進少d，人工照舊，好完美！

carchu12

小班、小班，如果一間學校辨得不好，佢就算小班多幾年，結果都是被家長淘汰的。

nello514

講來講去,最大問題就係要d好學校減小收生來養d無人願意讀的中學