對囡囡失望

karen2323

小女今年五年級，學校不斷提醒學生要注意成績，因下學期開始要報分了，但我個女的成績比四年級時全部退步了，鬧又鬧過，勸又勸過，但佢都係懶懶閒，有時為了成績和她的關係越來越差，有時也感到失望及灰心，請問各位我應怎樣做？

Lilo

可考慮今年升中放榜時帶小朋友去睇下，佢地見識過派得唔好個種徬徨就會比心機讀書。呢招對我黎講就好受用，當年見到家姐會考失手唔夠分原校升中六，全家出動去撲學位，嚇到我唔敢唔比心機！

ms.aeroplane

或者你比佢出去補習啦!避免太多直接衝突!有時做媽咪不知不覺嘮叨,佢地會覺得好煩,同埋可能成日聽到成績成績...而FEEL唔到你關心佢嘅感受或者其他方面,都會令佢地好冇癮!早前睇過鄧靄霖講佢教仔,佢話見佢個仔D成績越就越鬧得勁,搞到關係好差,冇計傾,後來佢改變自己態度,好友善同平和咁對佢個仔,反而佢個仔成績同大家關係好左好多!佢個仔仲講返比媽咪知,以前一聽到媽咪鬧,佢係唔當一回事,仲話當時好想送佢阿媽入老人院...!

Naurto

我建議你參考九型人格書, 看清自已是什麼性格, 女兒是什麼性格, 再決定怎做....

nc2000

我都好明白同你同身同感受, 我個仔都係小五, 成績成日游上游落, 佢聰明但專注力不足, 唉, 四年班成績進步, 攞埋奬, 但五年級一開波跌晒落黎, 今日測中文直頭有兩頁卷無做, 真係想死

原帖由 karen2323 於 10-12-3 17:19 發表
小女今年五年級，學校不斷提醒學生要注意成績，因下學期開始要報分了，但我個女的成績比四年級時全部退步了，鬧又鬧過，勸又勸過，但佢都係懶懶閒，有時為了成績和她的關係越來越差，有時也感到失望及灰心，請問各位我應怎樣做？ ...

DaphneCC1384

Add oil, don't give up.

[ 本帖最後由 DaphneCC1384 於 10-12-4 20:18 編輯 ]

CMMa

我估只有頭10~20名內之小學生成績較穩定, 其他大部份都係游上游落, 好多時失分在粗心大意, 一係做得慢唔夠時間做! 我都想知有什麼方法可改善!

LittleKidult

試下盡量抽時間陪佢溫書做功課, 等佢覺得你緊張佢, 但又唔好係咁鬧, 如果佢有成績好d既老死, 就同佢講成績太差上中學就唔可以一齊架啦..........

ms.aeroplane

分亨鄧靄霖的經驗:

http://mytv.tvb.com/lifestyle/pleasureandleisure/113555#page-1

karen2323

我都想平心靜氣同佢講，但有時見佢慢條斯理，我就火都嚟埋，佢仲試過話：你要我考這間xx中學，如果要咁辛苦先入到的，我寧願去一間差中學仲好啦！聽到佢咁講，覺得自己好失敗，亦好心淡。放工攰到死都同佢温書，為免佢分心，自己連電視都無得睇，有時覺得連自己的私人時間都無埋，只係陪住佢，但又有乜回報呢？只有心灰兩個字。

ms.aeroplane

咁响香港讀書的確係好辛苦嘅!好似我地有時返工,做得辛苦,都會諗揾過份人工少D,但冇咁辛苦嘅工....!或都佢係覺得吃力!同埋唔好咁硬性要佢入邊間!等佢唔好覺得佢嘅努力係為滿足你!試下响嚟緊嘅長假期,放鬆一下,傾下大家嘅感受啦!如果佢之前成績不錯,即係資質係好,只要改變大家嘅心態,修復大家關係,都可以追返上...!!

[ 本帖最後由 ms.aeroplane 於 10-12-6 19:58 編輯 ]

hinhin_ma

原帖由 karen2323 於 10-12-6 17:16 發表
我都想平心靜氣同佢講，但有時見佢慢條斯理，我就火都嚟埋，佢仲試過話：你要我考這間xx中學，如果要咁辛苦先入到的，我寧願去一間差中學仲好啦！聽到佢咁講，覺得自己好失敗，亦好心淡。放工攰到死都同佢温書，為免佢分心，自己連電視都無 ...

me too...我果個重要係P6啦...兩次呈分都衰左...

已經好唔開心....佢重要同我作對....算啦...做得幾多就幾多啦....

安排左D 直資想佢考...但要面試,用普通話同英文...於是想日常用來對話...佢唔理你...唔講......完全唔理..兼唔明你想佢好...

E+ 叫埋阿婆, 阿E 去同佢分析.........希望佢能最後發力...

chariho

原帖由 karen2323 於 10-12-3 17:19 發表
小女今年五年級，學校不斷提醒學生要注意成績，因下學期開始要報分了，但我個女的成績比四年級時全部退步了，鬧又鬧過，勸又勸過，但佢都係懶懶閒，有時為了成績和她的關係越來越差，有時也感到失望及灰心，請問各位我應怎樣做？ ...

其實應該嘗試去了解孩子退步的原因, 據我所知:小四的中文多著重背誦, 故只要孩子肯溫書,要拿好成績, 並不難, 但至小五, 課程突轉, 改為需要理解多於背 誦, 因此有很多沒有一早預備(多做有關exercise) 的孩子成績便會驟降.
英文科也是同一原理.
小朋友感到課程困難, 又沒有頭緒如何做, 再加上媽媽的嘮叨, 情緒自然差, 再加上返叛期, 他們的態度就更惡劣了.
另一個成績大亂的原因: 不是孩子退步, 而是別人發力,爬了上來, 孩子原地踏步, 便被人趕過了.

所以應該先了解孩子問題所在, 再針對地逐一拆解,不要無的放矢, 白費心機.

htts

原帖由 karen2323 於 10-12-3 17:19 發表
小女今年五年級，學校不斷提醒學生要注意成績，因下學期開始要報分了，但我個女的成績比四年級時全部退步了，鬧又鬧過，勸又勸過，但佢都係懶懶閒，有時為了成績和她的關係越來越差，有時也感到失望及灰心，請問各位我應怎樣做？ ...

我的情況一樣。女女今年 P5，但成績好差，越來越退步！叫佢俾D心機，佢就發脾氣，或者鬧我煩氣！叫佢禮貌D，佢更加橫繃繃！我都好灰心！但又唔敢俾太大的壓力佢，驚佢成績更差！
不過HK讀書對家長和小朋友真係太大壓力，亦都厄殺左好多佢地未能發揮的一面。若果我有$，一定送小朋友去外國讀書。可惜我冇呢個能力！

CrabPincers

其實好多小學友, 係五, 六年級時, 突然發力, 其實都吾可以話突然, 係人地之前一直埋首苦讀, 甘多年之後先發揮到出黎, 而成績一直keep 到中間既, 又丟以輕心, 人地一發力追上, 就變左你果個小朋友退步

所謂不進則退law
如果個小朋友講得, 要甘幸苦先入到呢間中學, 我寧願去另一間差d 既, 你都要諗諗, 係吾係比得太大壓力個女

Sherryko9

"...如果甘辛苦,我寧願去一間差...."我會甘諗,所謂1間差的是指相對,還是真係"差"的中學?如果相對,我唔反對呢個小朋友想法,但如果真係"差"的意思,我會諗果小朋友"懶",唔想付出努力,只求有個位吧了!呢種想法...... 未來亦不敢想像

原帖由 CrabPincers 於 10-12-7 14:29 發表
其實好多小學友, 係五, 六年級時, 突然發力, 其實都吾可以話突然, 係人地之前一直埋首苦讀, 甘多年之後先發揮到出黎, 而成績一直keep 到中間既, 又丟以輕心, 人地一發力追上, 就變左你果個小朋友退步

所謂不進則退l ...

Marwkc

Karen2323, 妳現在面對的情況一如我5年前的一樣, 我個仔在以在5年級的呈分試跌50名, 當時個心真的涼了一截, 鬧又唔係, 內心爭鬥完一輪之後, 最後係放棄, 唔係放棄佢, 而係放低自己的執著, 尤得佢自己發展, 雖然見佢仍然是懶懶閒, 但成績都可以慢慢向前, 雖然最後拉平均只可以維持在band 1尾, 最後可以跨區入讀英文中學. 所以唔好放棄, 只要俾佢知道妳幾時都支持佢, 係佢身邊, 總好過同佢嘈, 搞到大家關係唔好, 因為上咗中學後面對的問題仲多, 仲難搞.

oscarmama

我仔今年都係5年級。佢都開始反叛，有時鬧情緒，發我脾氣。其實我知佢明白今年好重要，所以佢有壓力。我都盡力禁住自己，先了解佢發脾氣原因，但有時禁吾住就鬧咗先算。
4年級時我比佢放縱d，因為我知5年級會辛苦。但今年開學前我軟硬兼施，一方面話佢知考得吾好就入吾到心儀學校，一方面鼓勵佢，同佢講今年媽咪會陪住佢行。平時佢懶就間中鬧吓，鬧完又話佢能力係得嘅，點解為咗一時之快就無毅力，最緊要話佢係"得"嫁。
我平時輕輕提起2、3間我想佢入嘅中學，當然係話好多人都想入嘅中學啦，吾好話係媽咪想，叫佢自己去間學校個web-site睇吓，等佢了解吓。之後話佢知入間學校嘅要求。
我覺得運動可以幫佢减壓，所一星期4日運動(包校隊)吾會減
以上嘅動作我係交蒂咁做，要持久咁做，有時都好攰。
到目前為止，佢尚算係我預計之內，掌握之中，希望支持到最後
大家努力！！

多啦小生

各位的情況我也感同身受，但我仲慘，囡囡今年Ｐ６,以往成績平平,於５年級開始發奮,第一次呈分試都ＯＫ,但她仍努力今次第二次呈分,但不幸於考試前一天給同學感染水痘,令精神大打折扣,不能集中記億温習,狀態大失,雖然得校方相助,開特別室給她考,但恐怕今次成績都是嗚呼、哀栽！真是倒霉兼無奈ｏ

Siuchoi

我大女今年P.6, 我同你講, 我個大女之前p.5都係好hea, 最好咩都唔好煩佢, 咩都唔好預佢, 同佢講, 就係一個hea爆既態度.....當然.....1st 呈分試考得好差......我一直咁多年都有工作, 直至剛7月, 決定辭職.

由P.6開始, 我一直陪住佢一齊, 2nd呈分試剛在上星期開始, 我和她一起去看中學, 佢都仲係hea hea地.....直至......佢遇到一間佢喜歡的中學後, 我便打蛇隨棍上, 係佢耳边不停游說佢要點樣努力才可以成功, 我搭住佢慱頭話, 我地一齊打呢場仗, 唔係得你一個架~~  你係大將軍,打前鋒, Daddy負責策劃諗計, Mami負責後勤工作!!  我見佢係明白同估唔同我咁同佢講.....

呀女之後態度改變了很多, 都幾努力, ha~~ 我亦冇時冇刻陪住佢, 煮好多佢like既野比佢食~  靚湯佢飲, 2nd呈分試昨天考完了, 結果係點, 我地預計唔到, 但係有收獲, 就係佢現在唔敢再咁hea了, 好似成熟左, 呢個過程, 有淚也有笑, 無論結果如何, 我地也要好好享受一下過程~~