中學有推薦表給小學 , 是否一定成功 ?

mn123

中學有推薦位比小學 校長, 而小女有份, 請問推薦位係唔係機會好大會收架 ?

但間中學係小女既第二志願學校, 咁係唔係要放棄心目中既第一志願學校而選"推薦位"學校 ?

我又驚放棄左第一志願, 最後連推薦都無左, 到時咪會2頭唔到岸囉 ! 好煩啊 !

如果唔要推薦位, 靠自己去面試 , 咁間中學會唔會見小學 之前都無比推薦位小女而扣晒分架 ?

Sherryko9

據我所知:唔係.

Johnny@Klnbay

一般宗教相同，小學校長與對方中學校長相熟，以往每年都有一定數量學生自行或抽獎派入該中學的，中學校長可以在自行選學生時留一些名額給小學校長推薦！
當然一定是同Band才可，Band 2不可能推薦給Band 1！但前提是自行要放第一志願，我仔女讀的小學近幾年所有推薦位都入到推薦的中學，只有一位入不到，因她不聽話，把推薦位填第二志願，第一志願收了她，浪費了校長的人情！

mn123

如果係自行階段, 我要左推薦位, 填推薦位中學為第一志願, 只選一間, 你認為好唔好呢 ?
因為真係唔知第二志願要選邊間, 又驚會被派中第二志願...
之前推薦位係小女心目中既第二志願, 而第一志願間中學係比推薦位間中學好的架 !  
但係依家講明要填佢為第一志願, 咁姐係要我放棄之前既第一志願啦 ! 好煩啊 !
有諗過唔要推薦位, 我照之前咁填... 但又擔心第一志願唔收, 咁到第二志願時 (推薦位中學), 間中學會唔會因為之前小女唔要推薦位而白白無左個機會架 ??

mn123

其實推薦位係唔係實得架 ??

EMILY03

如果你肯定會讀推薦的學校 , 你就應該將此學校在自行和大抽獎都放在第一位 , 校長推薦得比你, 應該都會入到. 但如你無興趣 , 就唔好應承和 IN 完唔讀 , 小心兩頭唔到岸 .

mn123

EMILY03,
請問知唔知推薦位係咪另外有一張申請表架 ? 因為小女話1月3日返學先決定要唔要推薦位

EMILY03

有冇多一張申請表就唔知 , 叫女女直接跟老師講接受推薦就可以. 唔放心的話 , 你可打電話問老師.

mn123

咁自行階段我只填一間中學(推薦位) , 而大抽奬將推薦位放第一位, 咁係唔係隱陣架 ?

Johnny@Klnbay

推薦位通常每間中學都只有1-2個位，因為不止你一間小學要！也不是隨便個個都比！推薦個操行成績都差的去到中學，以後中學都不敢再接受這小學校長推薦了！
校長比得你，是有一定把握才會給，升中影響學生未來的前程，豈可兒戲！
如果你不怕損害小學校長對你的印象，你可以把你心儀的中學放自行第一，推薦位第二，這樣做對自己最有利，但影響到被推薦的中學對你小學的印象，欠缺誠信，如果你還有子女在同一小學就讀，以後小學校長也不會幫你了！至於你不要推薦位，而去報同一中學，中學亦不會知道的，每年收幾百份申請表，那有空去認清誰是誰？到時就只看排名和面試成績了！

mn123

嘻 ! 比你咁講又係喎 !學校每年收幾百份申請表，那有空去認清誰是誰 ？

但係又有個問題喎, 間推薦位中學會唔會覺得小學點解之前唔推薦小女既 ? (因無接受推薦位) 如果係咁, 會唔會扣小小分架 ??

其實小女未知中學有推薦位時, 補習社老師已經話小女入推薦位中學既機會好大, 只不過佢係小女既第二志願而已, 而且小女想試下搏進取的既學校, 所以都想照之前既選擇 ....

mamafufu

你係唔係講緊元朗區英中的推薦位呀?

根據多年經驗，鄉中/商會/崇德的推薦表只係有好過有冇，佢地每間小學都有2-5個名額，每間中學派百幾二百份推薦表，但自行只收54個，你話成功機會有幾大?

而且我知有d超top的學生不要推薦表，將第一志願報喇沙/MCS/梁銶琚/鄧顯等，將元朗區英中放第二志願(佢地知以佢地既成績，無須推薦表都一定入到)

所以推薦表只可以略為提高成功機會。

原帖由 mn123 於 10-12-31 12:56 發表
咁自行階段我只填一間中學(推薦位) , 而大抽奬將推薦位放第一位, 咁係唔係隱陣架 ?

mn123

咁自行只填一間推薦位中學, 係唔係好唔明智 ??
我是否應該照填2間 ?

mamafufu, 請問如果推薦位係商中, 咁我第二志願應該填邊間呢 ? 真係唔知應該點填啊 !!

我小朋友係讀光明英來, 考全級22/151,
咁既成績應該填邊2間中學好呢 ? 請幫幫手..

mamafufu

你個囡間小學係憑什麼標準分派推薦表?
如果用咗商中在第一志願, 咁第二志願我建議崇德。

絕對不應該在自行階段只揀一間。坦白講，你囡囡的名次唔係最top個批，即使有商中推薦表，成功機會都不可以太樂觀，所以一定要用埋第二志願的機會。

原帖由 mn123 於 11-1-7 14:36 發表
咁自行只填一間推薦位中學, 係唔係好唔明智 ??
我是否應該照填2間 ?

mamafufu, 請問如果推薦位係商中, 咁我第二志願應該填邊間呢 ? 真係唔知應該點填啊 !!

我小朋友係讀光明英來, 考全級22/151,
咁既成績應該填邊2 ...

mn123

校長話全級70名內都係band 1 生, 而我問過班主任, 佢話我女係屬於band 1 頭,其實校長有幾間中學推薦位 : 商中, 基元,白約翰, 慮幹庭, 元中.... 話呢幾間中學有推薦位比全級11至30名內既學生, 呢幾間之中, 我地先選左商中, 已經通知校長要推薦位, 而琴日校長叫我地照交表就得, 但唔可以話一定得, 都要睇其他小學推薦學生既成績同小女比較, 但係話有推薦機會係會高些...

聽你咁講, 我女既成績選商中, 機會係唔係好微 ?? 好擔心啊 !! 有諗過選天水圍元朗信義中學, 但係又唔鐘意佢既位置....  至於崇德我地無諗過啊 ! 聽人話崇德讀書會好壓力, 同好多功課做, 又要參加好多活動 ? 其實係唔係呢 ? 咁我女既成績崇德會唔會有機會 in 呢 ?

麻煩你, mamafufu....

elbar

原帖由 mn123 於 11-1-8 11:15 發表
校長話全級70名內都係band 1 生, 而我問過班主任, 佢話我女係屬於band 1 頭,其實校長有幾間中學推薦位 : 商中, 基元,白約翰, 慮幹庭, 元中.... 話呢幾間中學有推薦位比全級11至30名內既學生, 呢幾間之中, 我地先選左 ...

會否考慮 陳瑞芝 和 劉金龍

mn123

請問呢2間係band 幾中學 ?? 係邊區架 ?  唔好意思, 我唔係好熟的中學.. 聽來聽去都係 個幾間.

Sherryko9

我覺得如果還有得揀,唔需諗住"劉金X",今年佢地會參加5減1,就是為著唔要"1班中文班",已降呢.

mn123

請問知唔知商中好唔好呢 ?
其實呢個問題我問左好多次啦 ! 但好似冇人答我.... 唔該幫幫手 ~~~