62偉論..中學讀邊間都無所謂...

ydoris

佢話最緊要大學WOR~仲有好多途徑讀U,叫我吾好俾壓力小朋友.連BAND 3學校都話好...
俾佢激死,中學吾好點上大學?真係吾想同佢講野,費事D小朋友以為真既...

CrabPincers

原帖由 kenfu 於 11-1-31 14:21 發表
What is 62偉論??

62 = 老爺

pineapple0983

你62係咪暗示緊佢會出錢比小朋友去(外國)讀大學？
佢可能無錯，如果你的目標係入大學，e個係結果；小學、中學只不過係過程。
可能你睇唔到佢睇到既野而已。
你62係咪好勁的人？

ydoris

妳好勁呀..佢話過點都幫我WOR~~BUT我D小朋友係年紀來說係排到尾2,3.幫晒其他都無錢淨啦.而且他不是有錢人.就算有錢去外國,不是都要根基好嗎??

pineapple0983

所以我咪問你62係咪好勁既人囉.....
可能你c6在你62眼中係最錫既，而且佢又錫你d小朋友呢。雖然排第尾2、3，佢都會幫呢.......e樣同排第幾冇關系架；你睇賭王d新聞就知啦。
仲有，可能你62見到你d細路資質唔錯，你中小學已經谷佢地讀死書，某方面限制左d小朋友的發展+思考方式。你睇下d鬼仔諗野可以幾天馬行空、創意無限，就係外國自由教育的成果；反觀香港小朋友，只識讀書、打機、彈琴，去到外國只係局限係某幾方面有成就，其它就鬼仔威曬。

Ivy07

好多外國大學有錢就得，以前有同事個仔，中五會考得9分都可以去澳洲讀大學，佢係澳洲公民，但同事話如果係澳洲公民就反而要好好成績先可以讀，好似香港咁要考試，但可以學費可以平些，但佢個仔得9分，只要比貴些就讀到了。所以而家好多公司請人時，如果唔係出名的外國大學，唔當係大學生，會當係中七生的學歷。

ydoris

我都好奇怪,周街都係大學生,D廣告成日都有讀完副學士升大學2年級.其實係大機構來講,大學生係未都分GRADE?我公司都好LIKE請澳洲大學生,不過佢地吾係好得..玩玩下.62都係話中學係一個過程,不過我吾多BUY..讀得太差既不如實幹D去邊學邊做啦.出國係好漫長既野,PLAN得吾好,學生同家人都係負擔.況且我們不是有錢人家....

cow

原帖由 Ivy07 於 11-2-1 13:50 發表
所以而家好多公司請人時，如果唔係出名的外國大學，唔當係大學生，會當係中七生的學歷。

唔出名無問題, 只要晤係野雞大學就得.

pineapple0983

細路仔既野，你唔知佢幾時開竅；同開邊樣。
有d小朋友對煮野好有天份，有d又打檯波有天份，有d就係時裝方面；唔好一定要將自已的思維限死係某方面。
我識得一個讀書好勁的男仔，佢小、中學都係男拔萃讀，會考6個A入港大讀工程。
e+畢左業係一間國際工程顧問公司做工程師，月入4萬零蚊。e+生活一d都唔開心，壓力好大；香港e+冇乜優勢，樣樣都面對包括來自大陸的競爭。工作好困身，甚至去日本旅行都要隨時用iPhone 復email 或者服待d客，根本冇左自我，成日同老婆哎交。
相反有個小朋友讀書一般，e+做零售；雖然好忙，但開心；而且搵錢又多，一家生活好好。
以上小朋友我都睇住佢地大，我唔係想講讀書冇用，而係想話唔駛睇得好嚴重。
我自已都谷小朋友讀書，但明白這個只是過程，讀好d書將來選擇相對多d，人的思維、眼光亦遠d。將來我會比意見佢地揀，揀大學讀乜野，工作做乜野；但將來始終係由佢地自已決定。

[ 本帖最後由 pineapple0983 於 11-2-2 12:03 編輯 ]

ydoris

係啦,我成日都話吾一定要讀U,最緊要1.讀書吾好學壞.2.有正確既價值觀.3.做人要有上進心,吾怕事,等等.
細路成日問我大個做咩野好,我覺得除非係個D好細個就立志個D人,吾係呢我都叫佢咩野都試,試下自己有邊D專長.不必要太早規範左自己.
吾讀U呢句,真係無同62講啦.吾係個個都讀到既.我鐘意小朋友有個愉快既成長多D~~

catcatmom

以前選中學, D父母真係求其好多, 覺得讀到書, 讀間間都得, 唔係甘睇學校名唔名.

我老公讀果間中學都曾經係BAND5, 當年得兩間大學時候,佢入了CU, 讀財經(都幾熱門),問起佢D大學同學讀既中學, 真係名校既唔多,好多讀不知名中學.

不過時代唔同, E+既父母知識水平高了, 個個都千方百計, 去搵好學校, 小朋友去到BAND3中學, 真係無運行, 好成績既係極少數.

讀唔到書, 將來唔一定無出息, 不過做父母都希望小朋友行條平"垣"既路.

catcatmom

DELETE DELETED

[ 本帖最後由 catcatmom 於 11-2-3 18:02 編輯 ]

pineapple0983

原帖由 catcatmom 於 11-2-3 18:00 發表
以前選中學, D父母真係求其好多, 覺得讀到書, 讀間間都得, 唔係甘睇學校名唔名.

我老公讀果間中學都曾經係BAND5, 當年得兩間大學時候,佢入了CU, 讀財經(都幾熱門),問起佢D大學同學讀既中學, 真係名校既唔多,好多讀 ...

我覺得讀band3都唔大問題，最大問題係群d乜野同學。
band3都會有高材生，當然條路會難行好多。但好多band3同學會放棄自已，甚至影響其它同學一齊放棄，咁就好大問題；係嗰啲學習環境，你如果勤力讀書就會變成怪物。

catcatmom

朋友係教BAND3中學, 係以前BAND5 UPGRADE 上去, 佢都教了十幾年, 她說見到些細路, 好多係讀到書, 但多來自複雜家庭, 攞"公"援又多.

學生染金毛,中學可以唔理, 但畢業果日就唔得,要佢地染番黑, 否則不可以影相行禮, 但果家長可以唔理, 又去中學嘈,點解無得影相行禮.

朋友講過佢果間有人拿過26分, 不過個同學係大陸來, 成日LEE埋讀書, 唔會同同學玩.
你話死未.

同時教Band 3 既老師, 佢地學歷都係好一般, 朋友係教英文, 佢D英文真係好屎, 所以佢都好老實, BAND1中學唔會請佢, 以前出面好市, 叻人邊個鐘意做老師.

不過會有D好叻既人, 有BAND1中學唔教, 去教BAND3, 都唔定, 不過真係唔多.

朋友就係教到吐血, 連4萬幾蚊人工,都唔嘮.

[ 本帖最後由 catcatmom 於 11-2-5 00:02 編輯 ]

km1357

中學過程中,最重要係唔好學壞, 係咪BAND 1 唔重要. 係咪讀到大學就要睇自己.

Cello093

非常同意!!

原帖由 km1357 於 11-2-5 22:07 發表
中學過程中,最重要係唔好學壞, 係咪BAND 1 唔重要. 係咪讀到大學就要睇自己.

ydoris

係啦,真係學壞3日,學好3年都吾得..而家D小學生都好有問題架,阿女有個專題新年假期做,佢有個同學無電腦既,通常係圖書館用電腦.叫阿女幫佢印,阿女問我得吾得?我都想幫下佢啦,話好啦.點知阿女攞左張單行紙,寫左D字同畫左D LAYOUT.我問阿女D相呢,佢話同學SEND左俾佢,我一睇原來全部都係LINK.仲保護左TIM.我即刻同阿女講,叫佢俾返個同學,排好晒先同佢印.佢話同學返左大陸過年,我叫佢SEND E-MAIL先,費事交吾到話佢吾幫手印.點知1小時已有來電...即係個同學長期係電腦前玩FB啦....唉....